Дерслер
план-конспект урока на тему
Предварительный просмотр:
Фиильнинъ мусбет ве менфий шекиллери
(Башлангъыч сыныфларда анна тили дерси)
МЕВЗУ: Фиильнинъ мусбет ве менфий шекиллери
МАКСАТ: Талебелер иш – арекет бильдирген сёзлерни
менимсейджеклер, оларны мусбет ве менфий
шекильде къулланаджакълар.
ДЕРСНИНЪ ТЕМИНАТЫ:
къокъла ве дагъ ресимлери;
тапмаджаларгъа аит ресимлер;
баарь ве чечек ресимлери;
карточкаларда язылгъан джумлелер;
- ма, – ме ялгъамалары;
плакатларда язылгъан къаиделер;
сепет ресими; ноутбук.
ДЕРСНИНЪ КЕТИШАТЫ
- 1. Тешкилий къысым
Бир, эки, учь
Тильге берме кучь.
Къоллар раледе,
Аякълар бир ерде.
Шимди биз къырымтатар тили дерсинде.
2. Эв вазифесини тешкирюв.
Карточкалар. – Джумлелерде фииллерни сечип язмакъ.
II. Янъы мевзуны анълатув.
1. Тапмаджа : « Айт, къачан ола?»
Къар ирип кетти,
Сувукълар битти.
Сыджакълар кельди,
Балалар кульди.
Тазере ерлер,
Ача ал гуллер.
Айт, къачан ола,
Бу зевкълы куньлер?
( Черкез – Али )
- Айт,къачан ола?
-Бугунь ава насыл?
-Чечеклерден къайсы бири табиатта биринджи ача?
-Баарьде даа насыл чечеклер ача?
- Баарь айларыны айтынъыз.
- Шимди насыл ай?
- Бугунь апрельнинъ къачы?
Дефтеримни ачайым,
Оны догъру къояйм.
Достларымдан утанмай
Къалемни бойле тутам,
Догъру отурып язам.
- Бугуньки сайыны язынъыз.
2). Масал.
Бир заманда бар экен, бир заманда ёкъ экен, Зера деген дюльбер къызчыкъ анна – бабасынен яшай экен. Бир кунь оны балалар дагъгъа
Къызылчыкъ джыймагъа чагъыралар.
Зера барып анасындан сорай:
- Аначыгъым, мен дагъгъа къызылчыкъ джыймагъа барайыммы?
Анасы онъа вазифе берди.
- Энди, балалар биз де бу вазифени беджерейик, Зерачыкъкъа ярдым этейик.
1 – нджи ВАЗИФЕ: Каллиграфия.
Бир сёнер, бир янарым,
Тийген еримни якъарым.
( Йылдырым )
- Фииллерни сечип язмакъ.
Къзчыкъкъа анасы айтты:
- Вазифени беджердинъ, энди дагъгъа къызылчыкъ джыймагъа бар.
Бабасы буны эшитип: « Ёкъ, барма!» - деди.
Бабасы да вазифе берди.
2 – нджи ВАЗИФЕ: Тапмаджа.
Бир кичкене фильташ
Ерге тюшсе сынмаз.
Япыджылар япмаз,
Анахтарнен ачылмаз.
( Фындыкъ )
Къызчыкъ вазифелерни беджерди ве анна – бабасы оны дагъгъа йибердилер.
3 – нджи ВАЗИФЕ: Янъы мевзу:
« Фиильнинъ мусбет ве менфий шекили».
« Бар» сёзю мусбет шекильни бильдире.
Мусбет шекиль ишининъ олгъаныны, олаяткъаныны,
оладжагъыны бильдире.
« Барма» сёсю менфий шекильни бильдире.
Менфий шекиль ишнинъ олмагъаныны, олмайджагъыны
бильдире.
Фиильнинъ менфий шекилинде – ма, - ме ялгъамалары къошула.
1). Оюн « Ким тез – тез косьтере».
Мен сёзлерни айтам, балалар – ма, - ме ялгъамаларыны косьтерелер.
Бер(-ме), ал(-ма), тур__, отур__, ят__, яз__, кет__, къал__.
2). Оюн « Сепетни толдурмакъ».
БЕР…..ДИ МЕ
КЕТ…..ДИ МА
АЛ……ДЫ
4 – нджи ВАЗИФЕ: Раатлыкъ дакъкъасы.
Толу сепет къызылчыкъ джыйдыкъ, энди къуванып, ойнамагъа чыкъамыз.
5 – нджи ВАЗИФЕ: Аталар сёзлеринен иш.
- Къайдадыр ярамаз тылсымджы келбди, балаларны эвге йибермеди, оларгъа вазифе берди.
« Бу аталар сёзлеринде фииллернинъ менфий ве мусбет шекили бармы ?»
- Иштен къоркъма ( менфий шекиль ), иш сенден къоркъсын (мусбет шекиль).
- Кульме ( менфий шекиль ) къомшунъа – келир башынъа.
- Ишнинъ башында макътанма ( менфий шекиль ), иш биткен сонъ макътан ( мусбет шекиль ).
- Озюне бакъма ( менфий шекиль ), сёзюне бакъ ( мусбет шекиль).
- Юксек юрип йыкъылма ( менфий шекиль ), алчакъ олып басылма
( менфий шекиль ).
6 – нджы ВАЗИФЕ: 107 – нджи межгъулиетни япмакъ.
Мустакъиль иш.
7 – нджы ВАЗИФЕ: Конкурс.
I группа II группа
- Менфий шекильде Мусбет шекильде
Сёзлерни айтмакъ. Сёзлерни айтмакъ.
барма яз бар язма
ятма кет ят кетме
2.Джумлелер тизмек.
Мусбет ве менфий шекиллерни сечип язмакъ.
III. 8 – нджи ВАЗИФЕ: Эвге вазифе. 106 – нджы мешгъулиет.
IV. 9 – нджы ВАЗИФЕ: Дерснинъ екюни
- Бугунь дерсте не огрендинъиз ?
- Фиильнинъ мусбет шекили нении бильдире ?
- Менфий шекили нении бильдире ?
- Фиильнинъ менфий шекилинде насыл ялгъамалар къошула ?