Викторина
статья на тему

Учуутал киһи оҕону дэгиттэр сайыннарар сыалтан сүрүн үлэтин таһынан  араас күрэхтэри, тыл оонньууларын, литературнай биэчэрдэри о д.а. ыытар. Онно барытыгар матырыйаал булар, хомуйар, сааһылыыр, сценарий суруйар. Онно көмөлөөх буолаарай диэн П.А.Ойуунускайга аналлаах викторина оҥорбуппун уктум.

Олоҥхо күнүгэр аналлаах «Ойуунускай уонна олоҥхо»  викторина ыйытыылара.

1. Саха Республикатыгар ханнык сыллар олоҥхо сылларынан биллэриллибиттэрэй?
2. П.А.Ойуунускай саха олоҥхотун туһунан суруйбут научнай үлэтэ.
3. П.А.Ойуунускай  норуот олоҥхотугар олоҕуран ханнык олоҥхо  - драманы суруйбутай?
4. Бу драма аан бастаан хас сыллаахха туруоруллубутай?
5. П.А.Ойуунускай «Дьулуруйар Ньургун Боотур»  олоҥхотун хас  сыллаахха, ханна суруйан бүтэрбитэй?
6. П.А.Ойуунускай «Дьулуруйар Ньургун Боотур»  олоҥхотун кимнээх нууччалыы, французтуу тылбаастаабыттарай?
7. П.А.Ойуунускай «Дьулуруйар Ньургун Боотур»  олоҥхотун нууччалыы тылбааһа хас сыллаахха туспа кинигэнэн тахсыбытай?
8. П.А.Ойуунускай «Дьулуруйар Ньургун Боотур»  олоҥхотун ким грампластинкаҕа уһултарбытай?
9.  Олоҥхо бастакы ырыата хас сыллаахха бэчээттэммитэй?
10. Олоҥхо 8-с ырыатыттан кэрчик быһа тардыы сүппүтүн ким ситэрэн суруйбутай?
11. П.А.Ойуунускай «Дьулуруйар Ньургун Боотур»  олоҥхотугар норуокка биллэр ханнык уус тыллаах олоҥхоһут, чабырҕахсыт дьон аатын киллэрбитэй?
12. Ойуунускай олоҥхотугар киирбит дьонтон Күннүк Уурастыырап биһирээн истибит, оскуола оҥорон үөрэммит олоҥхоһута кимий, кини толору аата уонна псевдонима?
13. П.А.Ойуунускай Нам олоҥхоһуттарын кытта хаһан, хаста көрсүбүтэй?
14. «Дьулуруйар Ньургун Боотур»  олоҥхоҕо  ханнык иччилэри айыы аймаҕар үтүөнү оҥордуннар диэн орто дойдуга олохтообуттарай?
15. П.А.Ойуунускай таптаан истэр олоҥхоһутун Табаахырап толору  аата.
16. Ньургун Боотур ийэтин, аҕатын, бииргэ төрөөбүттэрин ааттаталаа.
17. Саха төрдө буолбут олоҥхо геройдара.
18.  Нам улууһун олоҥхоһуттарын ааттаталаа.
19. Республикаҕа П.А.Ойуунускай аатын үйэтитиини ааттаталаа.
20. Дьулуруйар Ньургун Боотур олоҥхо хас ырыалааҕый, хас строкалааҕый?