Эш тәҗрибәмнән
учебно-методический материал на тему

                                                                                                                                                                                                                                                                                                                 Максатка ирешү өчен бер генә нәрсә кирәк: алга бару.

 (Оноре де Бальзак)

       Бала дөньяга килгәч, аның язмышы нинди буласын, киләчәктә нинди һөнәр иясе буласын беркем дә төгәл әйтә алмый. Бәлки ул бөек җырчы, талантлы рәссам булыр?! Кем булырга соң? Иртәме, соңмы бу сорау һәр кешенең башына киләдер. Мин дә мәктәпне бетергәндә, кем булырга, кая барырга дип, озак уйланган булыр идем, әгәр дә мәктәп директорым Харис улы Фәнис Хаҗипов булмаса. Бүгенгедәй хәтерлим, Фәнис абый үзенең кабинетына чакырып: “Акыллым, сиңа укытучы булырга кирәк. Тыныч холыклы, балалар яратасың”, - диде. Шулай итеп, мин олы хөрмәткә лаек булган укытучы һөнәрен сайладым.