"Р.Вәлиеваның “Дәү әни” хикәясе" темасына дәрес конспекты
план-конспект урока по теме

Гарәфетдинова Алия Гомәр кызының

әдәби уку дәресенә план һәм конспекты

Дата:

Сыйныф:

Тема: Р.Вәлиеваның “Дәү әни” хикәясе.

Максат:

        1) укучыларны  Р.Вәлиеваның “Дәү әни” хикәясе белән таныштыру, дөрес укырга өйрәтү;

        2) укучыларның уку күнекмәләрен үстерү, сөйләм телен баету;

        3) укучыларда дәү әниләргә карата мәхәббәт, хөрмәт, ихтирамлык, игътибарлык, сакчыл мөнәсәбәт , мәрхәмәтлек хисләре тәрбияләү.

Җиhазлау: дәреслек, презентация, рәсемнәр, такта, компьютер

Дәрес тибы: яңа материалны үзләштерү

Кулланылган методлар һәм алымнар: укытучы укуы, әңгәмә, сүзлек белән эш, аңлатмалар бирү, әсәргә иллюстрацияләр карау, сорауларга җаваплар бирү һ.б.

План

• Оештыру
• Исәнләшү, укучыларны барлау;
• Укучыларның игътибарын туплау; дәрес материалын теләп үзләштерү өчен, уңай психологик халәт булдыру.

• Актуальләштерү
• Үткән дәрес материалын искә төшерү, сораулар ярдәмендә өй эшен тикшерү;
• Әииләр турында фикер алышу.

• Яңа белем һәм күнекмәләр бирү
• Дәү әни турында шигырь уку;
• Укучыларны дәреснең темасы белән таныштыру;
• Сүзлек белән эш;
• Р.Вәлиеваның “Дәү әни” хикәясе белән танышу.
• Физкультминутка.

• Яңа белем һәм күнекмәләрне ныгыту
• Сорау-җавап рәвешендә әсәргә анализ ясау;
• Укучылар үз дәү әниләре турында сөйлиләр.

• Дәресне йомгаклау
• Өй эше бирү;
• Актив укучыларны билгеләү, билгеләр кую.

Дәрес барышы:

1. Оештыру.

Укытучы: Исәнмесез, укучылар!

укучы: Исәнмесез, укытучы апа!

Укытучы: Бер-беребезгә уңышлы көн теләп, бүгенге уку дәресен башлап җибәрәбез, укучылар!

Укытучы: Сүзне дежур укучыга бирәбез. (Укучыларны барлау)

2. Актуальләштерү.

Укытучы: Укучылар, үткән дәрестә без нәрсә укыдык? Кайсы язучының әсәре белән таныштык?

укучы: Узган дәрестә без Әминә Бикчәнтәеваның “Әтием белән бергә” шигырен укыдык.

Укытучы: Укучылар, исегезгә төшерегез әле: малай әтисе белән бергә нинди эшләр эшли?

укучы: Малай әтисе белән бергә утын кисә, кар көри, кәрзин үрә.

Укытучы: Рәхмәт, укучылар! Эштән арып кайткан әтисен ул ничек каршы ала?

укучы: Әтисе арып кайтканда, ул аның эшләрен эшли, аның янында гына йөри.

Укытучы: Дөрес! Укучылар, ә сез әтиләрегезгә нинди эшләр эшләргә ярдәм итәсез?

(Укучыларның фикерләре тыңлана)

Укытучы: Матур җавапларыгыз өчен рәхмәт, укучылар! Әтиләрегезгә булышып бик дөрес эшлисез, чөнки әтиләр балалары өчен бик тырышалар, күп авыр эшләр башкаралар. Әти-әниләрегезгә гел булышыгыз, ярдәм итегез!

3. Яңа белем һәм күнекмәләр бирү

Укытучы: Укучылар, тактада шигырьне укыйк әле:

Әниемнең әнисе 

                        Әбием була минем. 

                        Әби генә түгел әле, 

                        Ул минем дәү әнием. 

                                                 (Ә. Бикчәнтәева) 

Укытучы: Бу шигырь кем турында, балалар?

укучы: Бу шигырь дәү әни турында.

Укытучы: Укучылар, дөрес! Бүген без Р.Вәлиеваның “Дәү әни” хикәясен укырбыз. Аңа кадәр, укучылар, рәсемне карагыз әле. Әлеге рәсемдә кем сүрәтләнгән?  

укучы: Әлеге рәсемдә дәү әни  сүрәтләнгән.

Укытучы: Хикәяне укый башлаганчы, аңлаешсыз сүзләрне аңлатыйк, укучылар.

                еш – часто

чандыр – худая

җиңел гәүдәле – легкое туловище

көмеш – серебро

җайлы  – хорошо, приятно

бу юлы – в этот раз

                җемелдәп торган – сверкающий

ефәк  – шёлковый

юка – тонкий

чук – бизәү өчен тагылган җепләр

Укытучы хикәяне 1 кат укый.

Чылбырлап уку.

         Физкультминут

Укытучы: Укучылар, “Очты-очты” уенын уйнап алыйк әле!

Укучылар торып басалар, игътибар белән укытучыны тыңлап, очу хәрәкәтләре ясыйлар.

“Очты очты каргалар очты,  ... агачлар,   казлар,....чыпчыклар, канатлар һ.б.”

4. Белем hәм күнекмәләрне ныгыту 

Укытучы: Укучылар, Гөлнурларга кем килгән?

укучы: Гөлнурларга дәү әнисе килгән.

Укытучы: Гөлнурның дәү әнисе кайда яши дип уйлыйсыз?

(Укучыларның фикерләре тыңлана)

Укытучы: Гөлнурның дәү әнисен сүрәтләгез әле (гәүдә, кашлары, киемнәре һ.б.)

(Укучыларның фикерләре тыңлана)

укучы: Укучылар, сезнең  дәү әниләрегез бармы? Алар ничә булырга тиеш? Алар турында сөйләгез әле, нинди алар?

(Укучыларның фикерләре тыңлана)

Укытучы: Рәхмәт! Балалар, “дәү әни” сүзе ике сүздән тора –  “дәү” һәм “әни”. Сез моның турында нәрсә әйтә аласыз?

(Укучыларның фикерләре тыңлана)

Укытучы: Дөрес, укучылар! Әбиләребез  дәү булса да, алар безгә әни кебек. Дәү әни – олы әни, карт әни. Димәк, дәү әниләребезне дә әнине кебек яратырга тиешбез. Алар бит – әниләребезнең, әтиләребезнең әниләре!

5. Дәресне йомгаклау.

Укытучы: Укучылар, бүгенге  дәрестә сез үзегезгә нинди яңалыклар алдыгыз?

(укучыларның җаваплары)

Укытучы: Әйе, чынлап та, дәү әниләр – игътибарга, хөрмәткә лаеклы кешеләр! Әти-әниләребез безгә ничек якын булса, алар өчен дәү әниләребез шулай ук якын, чөнки әбиләребез – әти-әниләребезнең аналары. Шуңа күрә әбиләрегезгә авыр сүзләр әйтеп, аларны үпкәләтмәгез. Аларга гел ярдәм итегез, хәлләрен сорашыгыз.

Өй эше бирү. Хикәяне укы, 1-5 нче сорауларга җавап бир (теләк буенча: дәү әниеңнең рәсемен яса).

Билгеләр кую.

Укытучы: Укучылар, бүген дәрестә бик актив булдыгыз! Сау булыгыз, укучылар!

укучы: Саубулыгыз, укытучы апа!