" Сыйфат " темасына дәрес эшкәртмәсе
план-конспект урока на тему

             3нче сыйныфның  татар төркемнәре өчен дәрес эшкәртмәсе

                       Тема:« Сыйфат»

                                                                                 Башкарды:

                                                                           Казан шәһәре Идел буе

                                                                      районы    ГБМБУ« 78нче мәктәп»                                                                                                                                          

                                                                      нең беренче категорияле татар

                                                                      теле һәм әдәбияты укытучысы                                                    

                                                                      Вәкилова Зилә Юныс кызы

Максат:  1. Укучыларның сыйфат темасы буенча өйрәнгән белемнәрен:

                   аның мәгънәсен,сорауларын искә төшерү,сыйфат турында

                   белемнәрен тирәнәйтү, башка сүз төркеменнән аеру, сөйләмдә

                   дөрес куллана белү күнекмәләре булдыру.                          

                  2.Укчыларның логик фикерләү сәләтен,

                     мөстәкыйльлекләрен, иҗади активлыкларын һәм танып –  

                   белүне үстерүгә ярдәм итү.Сыйфатларны җөмләдә урынлы

                   куллану күнекмәләрен бирү.              

                   3.Аралашу һәм коллективта хезмәттәшлек итү күнекмәләрен

                    формалаштыруСөйләмне сыйфатлар ярдәмендә матур-

                    лау,тулыландыру мөмкинлеген күрсәтү.

Материал:1.Ф.Ф.Харисов,Ф. М. Хисамова,  Ч.М.Харисова. 3сыйныф

                   өчен ,,Татар теле”дәреслеге.Казан: Татарстан китап нәшрияты

                    2013.108- 111нче битләр.  

Җиһазлау: компьютер,проектор,экран,тема буенча мультимедиа

                      презентация,кагыйдәләр таблицасы, карточкалар,

                      тестлар,рәсемнәр, татар теле дәреслеге                  

                                                                                                          Дәрес барышы.

    I.Актуальләштерү:

-Исәнмесез, укучылар, кадерле кунаклар? Укучылар тынычландык, матур итеп утырдык. Ә хәзер дәресне башлыйбыз. Бүгенге дәрестә без сезнең белән ,,Сыйфат”темасын  өйрәнә  башлыйбыз.

-Ә хәзер өй эшләрен тикшерәбез.Мин сезгә өч төрле бирем бирдем.

-Кайсыгыз гаилә турында хикәя язды?Кулларны күтәрәбез. (Лилия укый)

-Кем җөмләләр төзеде?(Айгөл укый.)

-Кем сүзләр уйлап килде? (Данил укый.)

 II. Яңа материалны аңлату.

 1.

  -Ә хәзер  бирегә карыйбыз.Җөмләләрне укыйбыз.(Укучы укый.)  

                                                 -2-

-Сез Татарстанның табигатен ничек күз алдына китердегез?Безнең туган ягыбыз табигате нинди?Бездә нинди урманнар, елгалар, күлләр, чишмәләр бар?

2.Тексттан нинди? соравына җавап бирүче сүзләрне сайлап укып күрсәтегез.Бу сүзләр нәрсә белдерә?Ягез әле, кайсыгыз җавап бирә?

-Предметның билгесен.(укучы)

- Ә предметларның билгесен белдергән сүзләр ничек дип атала?(укытучы)

- Сыйфат дип атала.(укучы)

3.-Хәзер укучылар 2нче, 3нче сыйныфларда өйрәнгәннәрдән чыгып,сыйфатның кагыйдәсен искә төшереп карыйк әле.

-Сыйфат предметның билгесен белдереп, нинди?кайсы?

сорауларына җавап бирә.(укучы)

-Ә хәзер кагыйдәне хор белән бергә укыйбыз.

                                        -3-  

4.-Хәзер текстны сыйфатларны төшереп калдырып укыгыз.

-Кайсы текст матуррак?Ни өчен?Сез ничек уйлыйсыз, сыйфатлар җөмләдә нинди роль уйныйлар?(укытучы)

-Алар җөмләне матурлыйлар, ,,бизиләр“.(укучы)

-

5. Дәфтәрләрдә эш.

- Ә хәзер дәфтәрләрне ачабыз.Бүгенге числоны, көн исемен, сыйныф эше дип язып куясыз.Тексттагы

җөмләләрдән сыйфатларны дәфтәрегезгә язып аласыз.

-Язып бетердегезме?Ә хәзер җавапларның дөреслеген тикшерәбез.(слайдтан карыйлар.)

                                                 -4-      

6. Хәзер без сезнең белән ,,Табышмакның җавабын    тап “уенын уйнап алабыз.

-Табышмакны укыйбыз.Ул нәрсә? Нинди? соравына җавап биргән сүзләрне табабыз.Алар предметны нинди билгесе буенча белдерәләр?

- Соры, ак- төсе буенча.(укучы)

- Ә хәзер икенче табышмакны укыйбыз.

-Укучылар ул нәрсә?

-Шалкан.(укучы)

-Ә шалкан нинди?Кайсы сүзләр нинди соравына җавап бирә?Алар предметның нинди билгесе буенча белдерәләр?

-Түгәрәк,койрыклы- формасы буенча (укучы)

-Сары- төсе буенча (укучы)

-Тәмле- тәме буенча (укучы)

                                               -5-

-Өченче табышмакка күчәбез.

-Табышмакның җавабын кайсыгыз әйтә?

-Экскаватр.(укучы)                                                                   -Дөрес укучылар.Ул нинди?  Нинди? соравына

җавап биргән сүзләрне табыгыз әле укучылар.

-Көчле- характеры буенча (укучы)

-Тешле-тешле чүмечле -формасы буенча(укучы)

-Бу сүзләр предметны характеры,формасы буенча белдерәләр.(укучылар)

-Нәтиҗә ясап нәрсә әйтә аласыз?(укытучы)

-Сыйфатлар предметларны төрле билгеләре буенча белдерәләр.(укучылар)

                                             -6-

7.Хәзер укучылар без сезнең белән ,,Бу сүз кайсы йортта яши? “дигән уен уйныйбыз.

-Мин сезгә төрле сыйфатлар язылган карточкалар әзерләдем.Ә сез аларны тиешле йортларга урнаштырырга тиеш буласыз.Сезнең алда төсне, форманы, характерны белдергән сүзләр.Инде сезгә сүзләрне тиешле йортларга урнаштырырга кирәк.

-Тактага берәр кеше чыгып, өчәр сыйфатны куясыз.Барысы биш кеше чыга.

-Җавапларыгызның дөреслеген тикшерегез.

                                              -7-

8.Дәфтәрләрдә эш.

-Хәзер дәреслекнең 69нчы битен ачып 171нче күнегүне эшлибез.Биремне укыйбыз. (укучы биремне укый)

-Укучылар эшләп бетердегезме?Ә хәзер дөреслеген тикшерәбез.Кайсыгыз укый?

9.,,Сабантуй күчтәнәче “

-Укучылар, көтмәгәндә,уйламаганда ,,Сабантуй “ газетасы

редакциясеннән бик кызыклы күчтәнәч килеп төште бит әле монда.Редакция үзенең язылучылары арасында лотерея уены уйната.Ә сез безнең иң актив язылучыларыбыз.Сезне сынап карарга уйладылар.Сезгә бирем: Серле тартмадан күчтәнәчләрне алып, аларга хас билгеләрне әйтергә. Мәсәлән: матур,кызыл,хуш исле чәчәк. (уен барлык укучылар арасында уйнатыла)

10.Тест  эшләү.

-Ә хәзер белемнәрне тикшерәбез.Тест эшлибез.Дөрес җавап дип санаган хәрефне түгәрәк эченә алабыз.

-Эшләп бетерсәгез, тапшырабыз.

III.Йомгаклау. 

• Без сезнең белән нинди теманы өйрәнә башладык?
• Сыйфат нинди сорауларга җавап бирә?
• Сыйфат предметның нинди билгеләрен белдерә?

IV.Өй эше бирү.

• ,,Сабантуй “ газетасыннан сыйфатлар кергән 5 җөмлә язып килергә.

                                      -8-