"Истәлекле солдат хаты"шигыре .Район күләмендә үткәрелгән шигырь конкурсы .Камалова Эльмира 3 урын(8нчеА сыйныфы укучысы)
творческая работа учащихся (8 класс) на тему

Истәлекле солдат хатлары.

Онытырга мөмкин түгел,

Аянычлы сугыш елларын,

Сандык төпләрендә яткан

Истәлекле солдат хатларын.

Йомшак куллар әкрен генә,

Үреләләр  сандык төбенә.

Яшьле күзләр уйчан гына,

Төбәләләр солдат хатына.

Хатлар яздым утырып,

Ак кәгазьләр тутырып.                                                                                                                                                                    Ялкын тулы йөрәктән,                                                                                                                                                                                                                                                                                                            Сугыш кыры фронттан.                                                                                                                                                                                                                                                                                                                                                                                                                                                                                                                                                                                                                                                                                                                                                                          

Сугыш туктап торган арада,

Сиңа,әнкәй, хатлар язамын .

Бераз туктап,уйга каламын,

Аннан тагын язып куямын.                                                                      

Искә төшә сихри авыл киче,

Суык кышы һәм дә эссе җәе,

Искә төшә нурлы әни йөзе,

Сагышлы һәм моңлы күзе.                                                                                                                  

Монда атыш,утлар уйный,

Сулган йөрәк шашып елый,

Изге җанны дошман талый,

Сугыш кыры корбан сорый,

Утлы сугыш кырларына,

Явыз дошман кулларына,

Без басабыз алгы сафларга,

Өмет белән җиңү акларга .

Корбан булып сугыш кырында,

Горур булып дошман кулында,

Ятып калам  сугыш кырында,

Батыр булып халык телендә.

Әни!Синең кайнар күз яшең

 Дога булып миңа ирешсен.

Минем батыр калган исемем

Һәйкәлләргә  теркәлсен.

Йомшак куллар сакчыл гына,

Салып куя сандык төбенә.

Авыр булган вакытларда,

Хатны ала тагын кулына.

Ялгыз ана!тәрәз каршында,

Зарыгып көтә газиз баласын,

Көн дә шулай сагынып көтә,

Ходай биргән йөрәк ярасын.

Ялгыз ана!тәрәз каршында,

Төрле уйлар аның башында,

Ялгыз картлык аның өендә,

Авыр тормыш аның иңендә...