5-ти класслы урок-шудон
план-конспект урока (5 класс) по теме

Тема: В. Ар-Сергилэн, П.Черновлэн, Н.Васильевлэн, Г.Даниловлэн

творчествозыя урок-шудон

Шудонлэн ортчемез. Та урокез ортчытыны луэ та писательёслэн  творчествоенызы тодматскем бере.  Шудон кылдэмын 4 турлэсь, кытын пиналъёс возьматыны быгатозы писателбёслэсь  улон сюресэз но произведениоссэс тодэмзэс. Шудонэ пыриське кык команда.

Шудонлэн мынэмез

Дышетисьлэн кылыз. Котькудмылы ик асьмелы тодмо таче кылъёс: жалян, юрттон. Та кылъёсты кутын луэ адямиосты но пудо-животэз но лыдэ басьтыса. Та темаосты асьсэлэн произведениосазы жуто тросэз писательёс.

«Разминка». Пиналъёслы сётисько   конвертъёс. Шедьтоно  писателез но солэсь произведенизэ.

«Тод гожтосэз». Сётэм люкетэз лыдзыса, тодоно гожтослэсь нимзэ.

1. «Сайказ кадь, каллен султиз, е пулсысьтыз паськыт пуртсэ кыскиз но сюез гудыны одъяз.  Музъем шуныт, Васёк уз кынмы отын.»
2. «Жытме ини. Уйшор палась пеймыт тулкым погыльске. Чукна кошкыкуз, Ваня вераз вал вынызлы: «Безмен нюлэскы вуи ке, Васёкез лэзё, возьма!»
3. «Сиглэн тусыз тодмантэм воштиськем. Отын югыт луэм. Волдэтэ уно жуг-жаг усьылэм. Портэм тодмотэм зынъёс шодисько. Тужгес но адями куараос кошкемыт кылисько.»
4. «Писэй кулэ интыез тодэ. Мунчо азе мыныса, со тубатэти каньылэн сике тубиз. Отын кос сюй кисьтэмын. Небыт валес овол ке но, зор уг йоты.»
5. «Одиг пол, ужысь бертыса, гид сигысь нин керттэтэз васькыти. Сое атай войналэсь азьло дасям вылэм. Нинэз шур дуре нуи, небзытыны вуэ выйти, медаз лопты шуыса, вылаз изъёс тыри.»
6. «Мусо анае! Тодысалыд ке тон, макем шудо адями вал мон со гужем жытэ. Соку валай, дыр, ас киыным лэсьтэм ужелэсь шумпотон ваемзэ.»
7. «Туннэ солы тужгес но удалтиз. Бусыости, нюлэсъёсти котыръяськыса, со одиг луд кеч кутиз но бертыны малпа вал ини. Чап соку зичы пытьыез адзиз»
8. «Воргорон буран пырти тылэз  адземзэ гинэ тодэ на. Коня вамыш отчыозь – оло куамын, оло витьтон? Кесяськыны уг луы – ымпуш косэктэмын.»

 «Кема эн малпаськы»

1. Кудиз та писательёс полысь вордскиз Можга ёросысь Вильгуртын? (Г.Данилов)
2. Кытын вордиськиз Пётр Чернов? (Алшаш ёрос Сизьгурт)
3. «Душеспи» веросысь  валтись герой? (Ваня)
4.  П.Черновлэн веросэзлэн нимыз? («Тодьы Пыдвыл»)
5. Трофим Петрович. Кыче произведениысь герой? («Куазь жобан дыръя»)
6. Коня пиосыз вордсизы Тодьы пыдвыллэн? (ньыль)
7. Кин со Васёк? (кыр дыдык)
8. Кинлы  но кызьы юрттиз Трофим Петрович? (кышномуртлы но пичи  пилы буран дыръя нюкысь потыны)
9. Кыче вакыт возьматэмын «Эктытись кутъёс» веросын? (война)
10.   Писателъёс полысь кудиз нырысь улонзэ маткматикаен герзаз? (Н.Васильев)
11.  Та писательёс полысь кудиз самой пинал? ( Ар-Серги)