К.Кудажы "Кым эн-не ажыктыгыл?"
план-конспект урока (5 класс) на тему

 Шуй сумузунуң Санаторлуг школа-интернады

К-Э.Кудажы «Кым эң ажыктыгыл?» деп кичээлдиң план-конспектизи

Эрттирген башкы: Хирлиг-оол А.А.

Ай, хүнү:                        Клазы:5 .         Эртеми: төрээн чогаал.

Тема: К.К. Кудажының «Кым эң ажыктыгыл?»

Кичээлдиң хевири: чаа тема.

Сорулгалары: - Чогаалды номчуткаш, ооң утказын билиндирер. Чогаалдың дылының уран-чеченин тодараттырып  өөредир;

                           - К. Кудажының «кым эң ажыктыгыл?» деп тоолунуң утказынга даянып, бойдуста бар дириг амытан бүрүзү делегей кырында канды0бир ажыын көгүзүп чоруурун билиндирип, оларны камгалап, кадагалаарынга кижизидер;

                           - Словарь-биле ажылды чорудуп, деңнелгелерни ушта бижидип тургаш, аас болгаш бижимел чугаа сайзырадылгазын чедип алыр.

Дерилгези: дириг амытаннар чуруктары.

ПЛАНЫ:

I. Организастыг кезээ.

II. Чаа тема.

1. Башкының сөзү.

2. Чогаалдың утказынга беседа.

3. Словарь-биле ажыл.

III. Быжыглаашкын.

1. Аянныг номчулга.

2. Оюн «Мени таны».

3. Угаап боданыг «Мээң ажыым чүдел?»

4. Чогаал сайгарылгазы.

а) кол овур-хевирлерни тодарадыры

б) эпитеттерни  тывары

IV. Онаалга бээри.

V. Түңнел кезээ.

1. Хыналда айтырыглар.

2. Демдектер салыры.

К И Ч Э Э Л Д И Ң     Ч О Р У Д У У

I. Организастыг кезээ.

1. Өөреникчилер-биле мендилежири.

2. Класстың ниити арыг-шеверин чорудары.

3. Өөреникчилерни кичээлге белеткеп, кичээнгейин хаара тудары.

II. Чаа тема.

Ай, хүнүн болгаш чаа теманың адын бижидер.

1. Башкының сөзү.

Кичээлдиң сорулгаларын болгаш чорудар ажылдар-биле таныштырар.

2. Чогаалдың утказынга беседа.

Чогаалчының кыска допчу намдарын болгаш чогаалдың  утказын кысказы-биле чугааладыр.

3. Словарь-биле ажыл.

Хенче –бичии

Дорзур – алгы-кештен кылган сава (көгээржик)

Үн алчып – бот-боттарын кыйгыржып.

Оон аңгыда өөреникчилерниң айтырган сөстерин тайылбырлаар.

III. Быжыглаашкын.

1 . Аянныг номчулга.

Аянныг номчулгага чоокта киришпээн дөрт өөреникчиге үзүндүлерин негелдеге дүүштүр номчудар.

2. Оюн «Мени таны».

Дириг амытаннар дугайында чугааны чоруткаш, кандыг-даа дириг амытан бот-тускайлаң үннүг, шимчээшкинниг, аажы-чаңныг болур дээрзин тайылбырлааш, өөреникчилерни дөрт бөлүкке чаргаш, бир ээзи кандыг-бир дириг амытанны өттүнерге, дараазында бөлүк тыварын негээр.

3. Угаап боданыг «Мээң ажыым чүдел?»

Дириг амытан бүрүзү чер кырында кандыг-бир ажыын көргүзүп чоруур дээрзин түңнеп чугаалааш, уругларның боттарының ажыктыын боттарынга чугааладыр. Угаап боданыгның соонда түңнеп чугаалап тура, кичээлдиң кижизидиглиг сорулгазын чедип алыр.

4. Чогаал сайгарылгазы.

а) кол овур-хевирлерни тодарадыр: дириг амытаннар.

б) деңнелгелерни  тывары: ______________________________________

____________________________________________________________________________________________________________________________________

VI. Онаалга бээри.

Тоолга хамаарыштыр чурук чуруу.

VII. Түңнел кезээ.

1. Хыналда айтырыглар.

2. Демдектер салыры.