Мекольце геройсь-2013
классный час по теме

Внекласснай мероприятия

мокшень кяльса и мокшень литератураса.

Задачатне:

• лятфтамс основной теоретическяй сведениятнень мокшень кяльса и литератураса ;
• пяшкодемс (развивать) тонафнихненди содамошит тя предметть коряс:
• келептемс тонафнихнень кругозорснон.

Оборудованиясь:

• карточкат задания мархта,
• музыкальнай сопровождения,
• компьютер,
• ручкат кагод мархта.

Мероприятиять мольфтемац

Тонафтысь: -Шумбратада ялгат, инжихть! Минь пуромоме тячи, штоба ётафтомс налхксема  мокшень кяльса и литератураса «Мекольце геройсь». Тейнть, налхкихненди, путф стака задача: лятфтамс семботь, мезе тинь тонафнеде ня предметтнень коряс, а тяфта жа путомс сембе воображениянтень, штоба сяськомс.

Налхксемань  правилатне:

«Мекольце геройсь» ащи 2 турста, коса 4-нь задания. 1-це турса кажнай заданияда меле туйхть тифтень колендихть, сят, кие кочкась сембода кържа очка.

Омбоце турса «лафчнень» карматада панцема тинць. Пети иляды аньцек фкя участник, сон и кармай «Мекольце герой – 2013».

Итак, ушеттама.

1 турсь.

1-це заданиясь

Сон лемневи «Разминка». Кажнай участникти максови 2 кизефкст (1 мокшень кяльса, 1 родной литератураса).

Кизефксне:

1. Азость валрисьмонь главнай членть, конац отвечай кизефксненди: Мезе тии? Мезе тиеви мархтонза? Кодама? Кие сон? Мезе тя? (сказуемай)
2. Кие тя произведениять автороц: «Сядынгольдень школаса»? (К.Г.Абрамов)

3. Азондость правилать: мезти мярьгихть существительнай?
4. Кие тяштезе стихотворениять «Вирь»? (М.И.Безбородов)

5. Мезе тяфтамсь ламонь корхтамась (диалогсь)? (Кафта или сяда лама ломанень корхтамати мярьгихть)
6. Кодама афкуксонь событият путфт Федькинонь «Ёмла партизан» поэманц кучкас? (Великай Отечественнай войнань событият)

7. Азондость правилать: валрисьмонь кодама членти мярьгихть дополнения? (Тя валрисьмонь второстепеннай член, кона няфти предмет и отвечай сембе падежень кизефкснень лангс)
8. Кит рузонь писательхнень эзда ульсть Мордовияса? (Лев Толстой)

9. Мезсь лемдеви валрисьмокс? (Тя корхтамань единица, кона няфти шумордаф мяль)
10. Мезе ушедови валхнень мархта: «Эрясть-ащесть»? (Ёфкс)

11. Азондость правилать: мезти мярьгихть прилагательнай?
12. Кие тя произведениять автороц: «Варда»?( В.И.Радин-Аловский)

13. Мезти мярьгихть пъшкядема? (Валти или валзюлмоти, кона няфтьсы сянь, кинди шарфтф корхтамась)
14. Азость Безбородовонь лемонц и отчестванц (Михаил Ильич)

15. Марлюнясь панжи. Тя валзюлма или валрисьме? (Валрисьме)
16. Кие тяштезень строчкатнень: «Весть кафта ялгат рамасть частт «Ювелирторгста», фкясь – золотойхть, а омбоцесь-простойхть». (М.Бебан)

17. Мезе тяфтамсь антонимсь? (Тя карань-каршек смузь мархта фкя и сяка корхтама пяльксонь валхт)
18. Кодама писателень кельгозе лувондоманц шабакс пингстонза Артур Моро? ( Войничень)

19. Иван Петрович Сидоров. Тя существительнайсь собственнай или нарицательнай? (Собственнай)
20. Киннет нят эряфонь кизонза? 1907 -1982 кк. (Ф.Макуловонь)

21. Кодама корхтама пяльксти канневихть ня валхне: сокаф пакся, морай стирня, морави мор ? (Причастия)
22. Кие лездсь Гайнити стихонь сёрмадомаса? (М.Горькай)

23. Мезе стамсь инверсиясь? (Мъзярда ремась моли темада инголе, меклангс)
24. Кодама произведенияста тя фразась? «Тон, Песряк, тага кши салак…» (Ф.Чесноков, «Кирьхкс Мика»)

25. Мон, кие-бди, нят. Кодама тя корхтама пялькс? (Местоимения)
26. Кона произведениять сёрмадозе П.Левчаев: «Кирьхкс Мика», «Тайгать вельхксса шум», «Галё»? («Тайгать вельхксса шум»)

Кулхцондсаськ  жюрить, азсы, кинди сави тумс.

2-це заданиясь

Кажнай участникти максовихть карточкат вал мархта. Эряви путнемс удареният.

 авамаци, ведьбарьхци, нолдатя, шонгаргофтозе, эводемс, тияня, кътмолдомс, пайготьф, сурбрянза, кесакнень, тяляма, ласьконькшнетяма.

Пока жюрись ванцыне заданиятнень, минь ванондыхнень мархта малость вайматама. Валхненди эряви кочкамс сяда лама синоним и антоним.

Синонипт: Вий - эрьгя, таза - шумбра, удомс – ваймамс, оцю – сери, начка – летьке, рахамс – пеедемс,  самс – шаштомс, кельме – якшама,  осал – кальдяв, цебярь – мазы.

Антонипт: Од - ташта, кели – тяйняня, кельме – лямбе, комай – стяй, шура – сиде, якшафтсь – лямбоськодсь, тяса – тоса, стака – тёждя, лисемс – сувамс, ичкозе – маласа, ушедомс – шумордамс.

Азость жуватать смузенц коряс:

Вача бъта …  (върьгаз)

Ёжу бъта … (келазь)

Пели бъта … (нумол)

Таза бъта … (бука)

Фаф бъта … (курка)

Немой бъта … (кал)

Ърдазу бъта … (тува)

Сялги бъта … (сеель)

Упрямай бъта … ( боран)

Корхтавшу бъта … (сязьгата)

Кулхцондсаськ  жюрить, азсы, кинди сави тумс.

3-це заданиясь.

Тинь инголент доскаса серматфт кафта юромса валхт. Сембе валхне кода-бди сотфт фкя-фкянь мархта, кепотьксонди: фкя столбикса может улемс произведениять названияц, а омбоцеса – сонь автороц; или названиясь явф кафта пяльксова. Участникнень задачасна: «сотомс» валхнень и кагод лангс тяштемс виде ответть.

П.И.Левчаев                             «Кирьхкс Мика»

«Кешань                                     В.М.Левин

Ф.М.Чесноков                          М.Л.Сайгин

«Сядынгольдень                     «Кафонц кудат»

«Гурьян»                                    школаса»

«Цёра                                       приключениянза»

«Марлю»                                  богатырь»                            

(П.И.Левчаев «Кафонц кудат»,  В.М. Лёвин «Гурьян», Ф.М.Чесноков «Кирьхкс Мика»,   М.Л.Сайгин «Марлю», «Сядынгольдень школаса», «Цёра-богатырь», «Кешань приключениянза»)                                                                    

Максость каготкятнень жюрити и ванцаськ кие кацамазь тяни и аф кармай «Мекольце геройкс»?

4-це заданиясь

А тяни налхсетяма  «Звезднай час» колендемаса: вал валста, полафнемок букватнень эряви кочкамс существительнайхть, фкя лувксса.

Готовай заданиятнень кандость жюрити, жюрись анок и минь учтама, кинь мархта сави явомс.

2 турсь.

Илядсть сембода виихне и, надиятама, ёню ломаттне.

1-це заданиясь.

Валхненди, конатнень мон карман азондома, тейнть эряви кочкамс сяда лама вал-рифма. Сембе мяляфтсазь, мезе стамсь рифмась? Стихонь строчкатнень песа фкя лаца кайги слокненди мярьгихть рифма. Кепотьксонди, вирняй – тумоняй. Рифматнень сермадость каготкяс.

Ланга –

Ланганза –

Брат –

Пяштть –

Шачфтомань –

Тюрендян –

Вастсат –

Лугатне -

Валхне: ланга – цянга, ланганза – ялганза, брат – шумбрат, пяштть – мяштть, шачфтомань – касфтомань, тюрендян – пичедян, вастсат – ащат, лугатне – туматтне.

- Тяни мон тага лувсайне валхнень, а тинь фкя-фкянь мельгя азондсасть рифматнень. Лиси ся, конац ёфси изезь тие рифма.

2-це заданиясь.

«Коста и кие авторсь?» Мон карман лувома кодама-бди произведенияста отрывка, а тиндейнт сави лятфтамс, кие тянь тяштезе и кодама тя произведениясь. Если аф содасы фкясь, то отвечамс сави омбоцети. Сяськи ся, кие сяда лама содай, туй ся, конац ёфси изь сода мезевок.

« Жаднай Филясь варжакстсь валда менельти и няезе, кода шинь стяма ширде сайхть равжа туцят» (Ф.Атянин, «Сельведь-богатырь»)

«Алёшка ваны – тевсь аф пара. Къда нинге аф ламос аф лоткай пиземсь – сязьсы плотинать, тиеви осал ниле артеленди» (Никул Эркай, «Алёшка»)

«Тячи Ильгянь тядяц паксявга ашезе сяве, кадозе кудонь ванома. Ильгя цють изь аварьгода, аньцек ни кирдсь» (Ф.М.Чесноков, «Аляка лефкс»)

«Колмогемонь ветие киза Степан Иванович ульсь учителькс. Лама ломань ётась кядялганза. Кой-кит эсь лацонза кенерсть сиредемска» (Ф.М.Чесноков, «Сире учитель»)

«Омбоце неделясь Дёбай Микольсь тайгаса. Тядде аф ламоль урда. Миколь шавсь эздост аньцек сядошка» (П.С.Глухов, «Кедровай пяштть»)

-Заданиясь аделавсь. Тяни минь явфтсаськ сянь, кие ёфси ашезь сода.

3-це заданиясь.

А тяни кармай тяфтама задания: составонь коряс разбор. Мон максан кажнайти карточка вал мархта, сяльде минь проверясаськ.

1 карточка: пужф, ёмланя, лопав, вирьхненди, мазыста.

2 карточка: пулю, нармоттнень, кудса, суркс, карьсемс.

3 карточка: лихтибряняв, акшаза, морай, пижелдомс, сермадомок.

4 карточка: ърдазу, кандови, мянтьфста, пижелгодомс, маштозь.

5 карточка: кельговикс, ветексть, кудня, пулиямс, симдемок.

-Давайте проверясаськ заданиять. Кие, тинь мяльсонт лиси налхкомаста.

4-це заданиясь.

«Кода лама содан стихотворенияда». Мон лувсан стихотворениять ушетксонц, конанц тинь тонафнесть школаса или коста-бди марьсесть, а тинь азость авторонц или лемонц.

«Кизонда, вирняй,

Пиже лопаняй,

Пси мани шиня

Шида кяшиняй…» (М.И.Безбородов, «Вирь»)

«Щась тундась од щамса,

Паксянь шинфнень кандсь

И лугань эрь панчфса

Лангозон сон ванць.» (И.П.Кривошеев, «Тунда)

«Тядянь мастор, мазы крайняй,

Вай, пяк эздон ичкозят!

Макста тейне кайги вайгяль,

Серьгятть, коса аф улят.» (М.А.Бебан, «Къда улелень нармонь»)

ФИНАЛСЬ

1-це заданиясь.

«Мук валмуворксть пяльксонц». Тя темать коряс эряви мумс валмуворксть омбоце пяльксонц. Кие сяда курок?

1-це пяльксне:

Тят эряскода кяльса - …

Сельмотне пелихть - …

Ёрат лама содамс - …

Кодама шуфтсь - …

Кяльса козя - …

Покамста – кирьхкс, …

Улель мезе мимс, …

Сура аф видят, …

Алашать арфтк аф локшеса, …

Кие вешенди, …

Стака тонафнемась, …

Васенда ункстак, …

Кяжи валсь, …

Лама содак, …

2-це пяльксне:

Эряскотт тевса.

Кяттне тисазь.

Эряви кържа удомс.

Стамот тарадонза.

Ашу тевса.

Ярхцамста кавал.

А рамай муви.

Пачат аф пидят.

А пинемса.

Ся фалу мушенды.

Тёждя эрямась.

Меле керк.

Кода сельмос салсь.

Кържа корхтак.