Стихотворение "Тăван тавралăхăм"
материал по теме

Тӑван тавралӑхӑм

Тӑван тавралӑхӑм, эс манӑн,

Сана савса юрлап юрра,

Ман чунӑмра сӑну та санӑн,

Сассу та манӑн асӑмра.

Эс кайӑк пек çĕклентеретĕн,

Хӑв ачусен ӑс-хакӑлне,

Ыр çын пулма пире пиллетĕн,

Çунат хушатӑн чĕрене.

Çырми, çаранĕ те, вӑрман та,

Епле илемлĕ-çке, кур-ха!

Тӑван тавралӑхра йӑмра та,

Чи çывӑх тус пекех паха.

Сан сассуна куллен тимлетĕп,

Вӑл çураçать ман кӑмӑлпа.

Сан шывупа эп вӑй илетĕп,

Сывлатӑп уç сывлӑшупа.

Ăçта кӑна çитсе курмарӑм,

Васкарӑм пур пĕр сан патах.

Сана  сутмарӑм, манаймарӑм,

Тӑван çĕршывӑм, эс, асрах!