Стихотворение "Кашкăр Хуначи ăсчах"
материал по теме
Стихотворение на чувашском языке, посвященное 87-летию со дня рождения доктора педагогических наук, профессора, члена СП СССР, академика Академии педагогических наук СССР (ныне РАО), академика НАНИ Чувашской Республики, почетного доктора Эрфуртского университета (Германия) Геннадия Никандровича Волкова.
Скачать:
| Вложение | Размер |
|---|---|
 kashkar_khunachi_aschakh.doc | 27.5 КБ |
Предварительный просмотр:
КАШКĂР ХУНАЧИ ĂСЧАХ
Тĕнче пысăк, уçлăхра
Пин-пин çăлтăр ялкăшать.
Пин-пин çăлтăр хушшинче
Çĕр чăмăрĕ çаврăнать.
Çав Çĕр чăмăрĕ çинче
Раççей ятлă çĕр-шыв пур.
Чăваш Ен тăрăхĕнче
Аслă Елчĕк ялĕ пур.
Аслă Елчĕк − пысăк ял,
Пурăннă унта авал.
Кашкăр хушаматлă çын,
Хуначи ятлă арçын.
Ăслă-тăнлă хайхискер,
Халăха чухлаканскер.
Вăл вĕрентнĕ çын пулма,
Мĕнпур вĕтĕр-шакăра.
«Ваттипеле ватăлла,
Çамрăкпала çамрăкла,
Калаç, тусăм. Ан хăра!
Чыса пĕчĕкрен упра!» −
Тенĕ Кашкăр Хуначи,
Хăпман çумĕнчен ачи.
«Майне пĕлсен çу çийĕн»,
«Вĕренсен нумай пĕлĕн».
«Юлхав сăлтавне тупать»,
«Çын хăй ăсĕпе пурнать», −
Текеленĕ час-часах
Хуначи ятлă ăсчах.
Ăçтан çав çын пĕлнĕ-ха,
Ĕçĕн алли хыттине?
Ăçтан туйнă, сиснĕ-ха,
Тăван çĕр чи хаклине?
Ÿркевлĕх ÿкернине,
Хастарлăх хăтарнине.
Суя такăнтарнине,
Хăюлăх чул ватнине.
Хуначи мĕн пĕчĕкрен,
Ĕçпе пиçсе ÿснĕ-мĕн,
Ваттине итленĕрен,
Ваттин ăсне илнĕ-мĕн.
Амăшпеле ашшĕне
Хисепленĕ яланах.
Çуралнă тăван çĕрне,
Вăл юратнă чунтанах.
Тăван чăваш халăхне
Хисепленĕ чĕререн.
Ашшĕ-амăш чĕлхине
Вăл тĕпченĕ ĕлĕкрен.
«Атте-анне чĕлхине
Пĕлекен вăл – ăслă çын.
Ытти халăх чĕлхине
Тĕпчекен вăл – тăнлă çын», –
Тенĕ Кашкăр Хуначи,
Хăпман çумĕнчен ачи.
Çапла пурăннă ăсчах,
Юлман пурнăçран пачах.