Нигезләр
методическая разработка по химии (8 класс) по теме

  Тема:   Нигезләр.

Максат:   Укучыларның  мөстәкыйль фикерләү  дәрәҗәсен  үстерүгә, иҗади эшли  белү сәләт-

              ләрен камилләштерүгә булышлык итү; үз мөмкинлекләренә ышаныч хисләре тәрбияләү.

Бурычлар:   Укучыларда нигезләрнең составы, классификациясе, үзлекләре, табу юллары һәм  

                   куллану өлкәләре турында белемнәр формалаштыруга булышлык итү.

                       Мөстәкыйль эшләү, логик фикерләү, чагыштыру, нәтиҗә ясый, алган белемнәрен

                   төрле ситуацияләрдә куллана белү осталыкларын камилләштерү буенча  эшне дәвам

                   итү.

                       Химия фәненә карата кызыксынучанлыкларын арттыру.

Дәрес тибы:  яңа тема өйрәнү

Дәрес төре:  дәрес-проект.

Эш формасы: төркемнәрдә эшләү, фронталь.

Җиһазлау: химик реактивлар, лаборатор җиһазлар, инструктив карточкалар, ак битләр (А3),  

                    фломастерлар.

Дәрес барышы: 

      Дәресне үткәрү өчен класс 3-4 кешедән торган төркемнәргә бүленә. Һәр төркемгә үзләште-рү дәрәҗәләре һәм оештыру сәләтләре төрлечә булган укучылар берләшергә тиеш. Бер укучы тәгъдим ителгән биремнең үтәлеше өчен җаваплы җитәкче-консультант итеп билгеләнә.

     Һәр төркем үзенә бирелгән инструктив карточкалар буенча  биремне үти, таблица тутыра һәм калган укучылар алдында чыгыш ясый.

     Таблица дәрес дәвамында тутырылып бетә.

     Укытучы: Исәнмесез, кадерле укучылар! Бүгенге дәрестә безнең бурычыбыз - нигезләр ту-рында белемнәрне гомумиләштерү, аларга гомуми характеристика бирү. Сез беләсез, нинди дә булса оешманың зур уңышларга ирешүе аның һәр бүлегенең  килешенеп һәм нәтиҗәле эшләвенә бәйле. Бүгенге дәресебездә без үзебезне бер оешма дип хис итәрбез. Аны бүлекләргә бүлербез, һәр бүлек алдына билгеле бер бурычлар куярбыз.

     (Класс 3-4 укучыдан торган төркемнәргә бүленә, һәр төркемдә җаваплы кеше билгеләнә. Биремнәр язылган  иструктив карточкалар тапшырыла. Әзерлек өчен 5-7 минут вакыт бирелә. Аннары соң җаваплар буенча фикер алышу үткәрелә. Җаваплар укытучы тарафыннан тулы-ландырыла.  Таблица тутырыла.)

      Класста шартлы рәвештә барлыкка килгән бүлекләр: мәгълүмат, системалаштыру,  тәҗрибә (3), технологик, сату-алу, тышкы бәйләнешләр бүлекләре.

      Инструктив карточка  №1.

      Мәгълүмат бүлегенә биремнәр:

1. Нәрсә ул нигезләр? Аларның гомуми формуласын языгыз.
2. Нигезләргә мисаллар китерегез, халыкара номенклатура буенча аларга исем бирегез.

      Инструктив карточка  №2.

      Системалаштыру бүлегенә биремнәр:

      Дәреслекне һәм өстәмә чыганаклар файдаланып, нигезләрнең классификациясен бирегез.

      Инструктив карточка  №3а.

      Тәҗрибә бүлегенә биремнәр:

      Куркынычсызлык техникасы кагыйдәләре буенча инструктаж.

      Биремне башкару өчен кирәкле реактивлар, җиһазлар: NaOH, Ca(OH)2, Cu(OH)2, Fe(OH)3, cу, индикаторлар,пробиркалар, фильтр кәгазе.

       Түбәндәге тәҗрибәләрне башкарыгыз,таблицаны тутырыгыз. Нигезләрнең физик үзлекләре буенча нәтиҗә ясагыз:

1. Сезгә бирелгән нигезләрне 4 пробиркага салыгыз. Аларны игътибар белән карагыз, нәтиҗә ясагыз.
2. Пробиркаларның һәркайсына су өстәгез, яхшылап болгатыгыз. Нәрсә күзәттегез?
3. Болганчык сыеклыкларны фильтр аша уздырыгыз, өч өлешкә бүлегез һәм индикаторларга ничек тәэсир итүен тикшерегез.

       Инструктив карточка  №3б.

       Тәҗрибә бүлегенә биремнәр:

       Куркынычсызлык техникасы кагыйдәләре буенча инструктаж.

       Биремне башкару өчен кирәкле реактивлар,  җиһазлар: KOH, HCl, Fe2(SO4)3, CO2, пробирка-лар, спиртовка.

       Түбәндәге тәҗрибәләрне башкарыгыз, реакция тигезләмәләрен языгыз.  Тәҗрибәләргә нигез-ләнеп, дәреслектәге материалга таянып, суда эри торган нигезләрнең химик үзлекләре буенча нәтиҗә ясагыз:

1. Нигезләрне кислоталар белән реакциягә кертегез.
2. Нигезләрне җылытыгыз.
3. Нигезләрне тоз эремәләре белән реакциягә кертегез.
4. Нигезләрне кислота оксидлары белән реакциягә кертегез.

      Инструктив карточка  №3в.

      Тәҗрибә бүлегенә биремнәр:

      Куркынычсызлык техникасы кагыйдәләре буенча инструктаж.

      Биремне башкару өчен кирәкле реактивлар, җиһазлар:  HCl, Fe(OH)3, CuSO4, CO2, пробирка-

лар, спиртовка.

      Түбәндәге тәҗрибәләрне башкарыгыз, реакция тигезләмәләрен языгыз.  Тәҗрибәләргә нигез-ләнеп, дәреслектәге материалга таянып, суда эреми торган нигезләрнең химик үзлекләре буенча нәтиҗә ясагыз:

1. Нигезләрне кислоталар белән реакциягә кертегез.
2. Нигезләрне җылытыгыз.
3. Нигезләрне тоз эремәләре белән реакциягә кертегез.
4. Нигезләрне кислота оксидлары белән реакциягә кертегез.

      Инструктив карточка  №4.

      Технологик бүлеккә биремнәр:

      Дәреслекне һәм өстәмә чыганаклар файдаланып,  нигезләрне нинди юллар белән табып булуын ачыклагыз. Реакция тигезләмәләрен языгыз.  

      Инструктив карточка  №5.

      Тышкы бәйләнешләр бүлегенә биремнәр:

      Дәреслекне һәм өстәмә чыганаклар файдаланып,  нигезләр белән башка матдәләр арасындагы

бәйләнешне  чагылдыручы схема төзегез.

       Инструктив карточка  №6.

       Сату-алу бүлегенә биремнәр:

       Дәреслекне һәм өстәмә чыганаклар файдаланып,  нигезләрне көнкүрештә, сәнәгатьтә куллануга мисаллар китерегез.

       Укытучы белән әлеге тема буенча алдан әзерләнгән укучылар (экспертлар) һәр төркемдә биремнәрнең үтәлешен  контрольдә тоталар: җавапларны тыңлыйлар, анализлыйлар, төзәтәләр,

гомумиләштерәләр һәм бәя бирәләр.

       Дәрес ахырына таблица түбәндәгечә тутырылырга тиеш.