Статья "Усьтыны кырзан пыр мылкыдэз"
статья

Усьтыны кырзан пыр мылкыдэз

Галина  Фирсовна Тронина,

методист по художественной направленности

  МБОУ ДО «Дебесский Центр творчества»

Иван Алексеевич Жуйков – педагог дополнительного образования Центра творчества по вокалу и гитаре.

Трос аръес чоже ини Иван Алексеевич дышетэ нылпиосты гитараен шудыны но чебер кырзаны. Удмуртиын туннэ тросэз тодо солэсь «Край родной» кырзанзэ, кудиз шаермылэн аспортэмлыко гимнэз выллем луэ. «Дебесский край» кырзанэз – еросмы сярысь кырзан. «Уд- Лем»   - вордскем гуртэз сярысь, кудзэ   туннэ ас репертуараз Москваын но быгатыса кырза Уд-Лемысь ик «Ломпу сяськаос» ансамбль. Вань Иван Алексеевичлэн репертуараз нылпи кырзанъес но.  Огпол «Пичи учыпи» республиканской конкурсын «Чорыганы» кырзанэз вормисьес полын пусъемын вал. Мыным озьы но потэ туннэ, Иван Алексеевичен сэрен дэбэс палан тросэз нылъес но пиос выли дунъяло гитараез, сцена вылын кырзало удмурт кырзанъесты но…асьсэос кылдыто кырзанъес. Одигез дышетскисьесыз полысь -    Полина Баженова. Чебер  нылаш туж  быгатыса  ассэ  возе сцена вылын: туала удмурт дэремен, гитараез борды йотиськыса, йоно вамыштэ микрофон доры, чиньысыз вырзыто гитара сиосты, зал тыр чузъяське волмыт куараез… «Яратисько кылзиськыны удмурт кырзанъесты, тунсыкъяськисько туала удмурт кырзасьесын, соослэн репертуарзы кельше. Удмурт кырзанъес пыр бадзымгес быгатонлык вань ас мылкыдэз усьтыны, - шуэ Полина – Огпол гинэ ой  кутскылы кылдытыны ас кырзанме. Малы ке оз пормылы. Нош огпол мозмыт мылкыды улсын пормыти таче кырзан!».

Тон мынам улонам нырысети интыын
Мон тынад улонад овол нокытын
Куке мон ортчо возад
Уд учкы тон мон шоры
Жыгыртиськод тон мукетсэ овол кулэ мон тыныд

Припев:
Яратоооон кытын тон
Яратон овол тон

Малпасько пыр тон сярысь, адзисько сьод синъёстэ
Яратисько вань сюлэмын
Нош мон овол кулэ тыныд

Карина Васильева – мукетыз нылаш, кудиз туннэ сцена вылэ поттиз ни аслэсьтыз одигзэ кырзанзэ.

Янгыш бӧрсьы выльысь янгыш,
Весь улонэ мынэ кырыж,
Вань сюлэмам луиз ни буш
Быдэсак...

Мар каром ни, мон малпасько.
Улонме кызьы ке воштоно.
Выль луонлык мон курисько
Инмарлэсь...

Припев:
Улонын нош кӧня янгышъёс лэсьтэмын,
Та улон ук сыӵе.

Ӝог сюрестӥ мон мынӥсько.
Выль улон табере кутскоз.
Малпасько, уродэз быроз
Улонам...

Выль книга мон али гожто,
Умойзэ лэсьтыны тыршо,
Шумпотыса гинэ уло
Вань сюресам...

Припев:
Умоесь, яркытэсь, шудбуресь малпанъёс
Выль улонам уло ни.

 Тон мынам пырид улонам -
Весь толэзь вайёс лэйкало.
Чагыр весь понид киосам -
Льоль-ненег писпуос сяськаясько.

Мозмонэ быре тонэныд.
Огшоры мынам сюресам.
Сюлэмме маялляло кылъесыд,
Чупамед кыле бамъёсам.

Припев: 2 раза
Синмаськи - мынам улонам тон али пырид.
Кылзиськи - чебер куарадэ мон али кыли, кыли.

2) Инбамын учыос но чирдо.
Милемдыс соос зечкылало.
Кытын ке мур зарезь жильыртэ.
Чуж сяська италмас но пиштэ.

Ойдо чош мыномы улонын
Та шулдыр но бадзым гуртын.
Кык сюлэмъес шедьтизы ог-огзэсты.
Та веросын ми чошен кылемы.

Припев: 2 раза
Синмаськи - мынам улонам тон али пырид.
Кылзиськи - чебер куарадэ мон али кыли, кыли.

Шорад учкыса,
Мар ке верало мон.
Бамдэ чупаса,
Сюлэмме усьто мон.

Окмымон верало тыныд, кыче зол ярати.
Со гужем нуналэ ми тонэныд адским.
Со нунал кемалась ини вал, тодиськод ачид.
Сюлэмме лушкад но, тонэныд кошки.

Кыдёке, кыдёке, кыдёке,
Инбамозь, шурдурозь, инвисозь
Мон тонэн кошки.

P-V: 2 раза
Тон гинэ сюлэмам,
Тон гинэ йырсазям,
Тон гинэ мынам улонам.

Сутэр синъёсад
Туж юн синмаськи мон,
Небыт киосад
Пыраклы уси мон.

Ӟыгырто мон али золгес,  ноку но уг лэзьы.
Нимало пыр мон тонэ небыт кылын.
Тодиськод, со гужем нуналэ мон но тынэсьтыд
Сюлэмдэ басьти ук туж юн кемалы.

Кемалы, кемалы, кемалы,
Кык арлы, куинь арлы, пыраклы
Сюлэмдэ басьти.

P-V: 2 раза
Тон гинэ сюлэмам,
Тон гинэ йырсазям,
Тон гинэ мынам улонам.

Чорыганы

Кылъесыз но гурез И.Жуйковлэн

Визнанъенсме кутыса

Дыртисько чорыганы,

Туж паськыт вамышъяса

Васькисько шур дурамы.

Припев: « Эх, кутоно вал чипейзэ, -

                Ас поннам малпаськисько-

                 Визнанъес полысь кудзэ

                 Со понна, бен, быръено?»

Ярдурозь тани вуи,

Визнанъесме мон пертчи.

Син азям нош пуктисько,

Кызьы чипей кутисько!

Припев.

Ву дурын пукыосы

Огкылысь зыгатизы.

Дыртыса мон кыскисько –

Чорыгъесме келясько!

Припев: Эке-ке-ке-ке-ке,

                 Нош ик кыли чипейтэк.

                Чуказе выльысь васько,

                Одно ик чипейзэ куто!

                « Эх, кутоно вал чипейзэ, -

                Ас поннам малпаськисько-

                 Визнанъес полысь кудзэ

                 Со понна, бен, быръено?»

Малпасько, кыче бадзым но чебер быгатонлык со, куке адями быгатэ кырзан пыр усьтыны ас мылкыдзэ, портэм малпанъессэ. Сизем потэ гожьяськисьесмылы – мед  кылдозы на выль кырзанъес!