материалы для классного часа на тувинском языке
материал по биологии на тему

Тос чузун мал

     «Тыва чоннун ыдыктыг чанчылдарын» 1929 чылга чедир тываларнын амыдыралынга болуп турган болуушкуннар-биле шуут холбап бижээн мен. Тываларнын бир чамдык ыдыктыг чанчылдары эргинин артыышкыны кылдыр санаттырган болгаш 1930 чылдын соолунде бир чамдыызы узуткаттынган, бир чамдыызын кырган тывалар чажырып чораан.

     Тываларнын мындыг ырызы бар:

                   Тооруктуг долгай Тандым

                   Долганзымза, тодар-ла мен.

                   Тос-ла чузун малымайны

                   Азыраза, байыыр-ла мен.

     Тос чузун малдар-биле тываларнын ырлары, тоолдары, тоолчургу чугаалары, торулгалары холбашкан. Тыва чоннун ыдыктыг чанчлдары тос чузун  малы-биле шаг-тоогуден ханы харылзаалыг.

Малдарнын аттарын, назынын база

чузунун билир ёзулалдар

     Тыва-малчын чоннун бурунгу чурту. Тыва кижилер ажы-толун чажындан тура мал-маганнын тус-тус аттарын, назынын база он-чузунун шын болгаш четче адаар кылдыр оордеп чораан. Ажы=толдун ажыл-хожулга дадыгары, ада-иезинге дузалажыры база бодун мозулуг Кижи кылдыр ап чорууру мал малдаарындан кончуг хамааржыр

     Тыванын база бир кол байлаа – мал. Бистин тодуг-догаа, бай-шыырак, каас-шиник амыдыралывыс малда болгай. Малчын чуртун чону, оларнын ажы-толу азыраан малынын тоогузун, назы-харын, ат-сывын, он-чузунун он салаазы-биле бир домей билген турар ужурлуг.

     Эрте-бурун шагдан бээр ада-огбенин малдарны канчаар адап чораанын, назынын канчаар ылгарадып чораанын база он-чузунун канчаар тодарадып чораанындопчулап таныжаал.

Ошку

     Ошку – ниити Ады, торуур кыс ошку, азы бир дугаарторуп турар ошку, анайлыг ошку.

     Хайдак ошку – оглу олуп калган ошку.

     Дузак – ийи харлыг ошку азы хунан ошку, бир дугаар торуп турар ошку, анайлыг дузак.

     Кызыр ошку – анайлаваан ошку азы бир чылын торувейн барган ошку.

     Анай – ошкунун бир хар чедир оглу, ниити ады, кыс анай, эр анай.

     Оскуспеек – чашта иези олуп калган чаш анай.

     Ылым чаш – тендинейндир кылаштап турар чаш анай.

     Доруккан анай – уш ай четткен, азы сиген чиптер апарган анай.

     Часкылак – чазын торуттунген анай.

     Сейнек – эр анайны чазап капканы, назыны ийи хар чеикен болур.

     Серге – эр анайны чазап кааны, назыны уш хар ашкан болур

     Хунажык – чазаттынмаан эр анай, назыны ийи харлыг.

     Хуна – чазаваан эр анай, урелиг мал, назыны ийи хардан ору. Суткур, эъткир болгаш моге-шыырак уктуг эр анайны хуна кылдыр салып алыр. Бир кодан ошкуге бир хуна чоруур.

     Ошкуну назын аайы-биле адаары тускай чурумнуг болур.

     Хунан ошку – ийи харлыг.

     Донен ошку – ийиден уш хар чедир назылыг.

     Алды диштиг ошку – уштен дорт хар чедир ошку.

     Чедишкен ошку – дорттен беш хар чедир ошку.

     Ошкунун он-чузунун дугунун аайы-биле адаар.

     Кара хайдак, ак хайдак, сарыг ошку, донгу рак ошку, калчан сарыг ошку, чалбак-кок ошку.

Хой

     Хой – нити Ады, торуур кыс хой, он ийи чылдын сес дугаарынга кирген мал болур.

     Тогду – баштайгы хураганын бир дугаар торуп турар хой, оон назыны ийи харлыг азы хунан хой.

     Кызыр хой – торувээн кыс хой азы бир чылын торувээн хой.

     Хураган – хойнун чаш толу, бир хар чедир нити ады. Кыс хураган азы эр хураган деп база адаар.

     Ылым чаш хураган – чаа торуттунген хураган.

     Доруккан хураган – бир айдан уш ай четкен хураган.

     Часкылак – чазын торуттунген хураган.

     Кускулек – кузун торуттунген хураган.

     Дотпе – дорт айдан беш ай чедир хураган.

     Шилег – чазап каан хунан, назыны ийи харлыг.

     Иртчигеш – чазп каан болур, назыны ийи хардан уш хар чедир.

     Ирт – чазап каан болур, уш хардан ору назылыг,чедишкен мал болур.

     Кошкаржыгаш – урелиг мал, чазаваан болгаш назыны ийи харлыг.

     Кошкар – урелиг мал, чазаваан, бир кодан хойга бир кошкар чоруур.

     Каран чудулге турар шагдан бээр хойну ыдыктап чораан болгаш изиг тыныштыг мал дээр. Уруг-дарыг челбирге бээрге, ыдыктыг хойнун изиг тыныжынга тынгырар ёзулал база турган.

Хойнун назыны. Кыскаладыр адаары

     Хунан хой – ийи харлыг хой, тугду хой.

     Шилеге – чазап каан болгаш назыны ийи азы уш харлыг.

     Чедишкен хой – дорпт хардан ору назылыг.

     Ирт – чазап каан, уш хардан ору назылыг, азы чедишкен ирт.

Мыйыстыг бода мал

     Инек – торуур кыс инек, ниити ады, он ийи чылдын ийи дугаарынга кирген мал болур.

     Хунажын – уш харлыг инек, бир дугаар торуп турар инек, ынчангаш ону дунгуш деп база адаар.

     Бызаа – ылым чаштан эгелээш бир харга чедир назылыг. Эр бызаа, кыс бызаа деп ылгай адаар.

     Молдурга – бир хардан ийи харга чедир назылыг.

     Казыра – мугур ийи харлыг, ынчангаш ону хунан дээр.

     Донен – уш харлыг инек, доненней бергенинек торуур болгаш хунажын деп аттыг болур.

     Шарыжык – чазап каан болур, назыны уштен дорт хар чедир.

     Шары – чазап каан болур, доненден ору назылыг болурда чедишкен шары деп аттыг болур.

     Бугажык – чазаттынмаан, назыныийий-уш харлыг болгаш урелиг мал.

     Буга – чазаваан урелиг мал. Чедишкен буга инектеринче оске Буга чагдатпас дижир. Бир коданга бир буга турар. Кончуг эъткир, суткур уксаалыг мал угун шилип тургаш, буга салыр.

     Мыйыстыг бода мал азы инек соок тыныштыг мал болур. Мунчураан кижи инек кажаазынын корженин оттулгаш, чиннеп догеленирге, хоочузу дораан чидер дижир.

     Шаандагы тывалар буганы онзалап коор чораан. Эн шыырак хамны Буга хам дээр. Эн улуг хам Буга ээренниг болур. Буганы ыдыктап чораан.

Чылгы мал

    Чылгы – нити Ады азы кодан чылгы дээр, он ийичылдын чеди дугаарында аът чыл кирген.

     Бе – торуур кыс мал.

     Кызырак – назыны уш харлыг, бир дугаар торуур мал,  кызырак доненде торуур, оон ынай кулуннуг бе дээр.

     Кулун – бенин чаш толу, назыны бир хар чедир, эр кулун база кыс кулун дээр.

     Богба – бир харлыг, эр богба азы кыс богба дээр.

     Чаваа – назыны ийи харлыг, ону хунан дээр.

     Донен мал – назыны уш харлыг, эр донен мал, кыс донен мал дээр.

     Аът – чазап каан эр, чедишкен аът азы мунар аът дээр. Чазап каан чылгы малды аът санынга киир санаар, бир чамдыкта чазап каан эмдик чавааны шала мунган болур азы эмдик хевээр салыптар, ынчангаш ону эмдик аът дижир.

     Кыжаалан – дижин дужуруп чоруур чаваа мал.

     Карангы чалы – бештен сес хар чедир эр аът, холге аъды.

     Соок-диш – назыны тос азы он хар чеде берген болгаш кырып бар чоруур аът.

     Дижи улчуя берген – эъди шуурелип,кырый берген аът.

     Аскырык – урелиг мал, чазаттынмаан болгаш назыны ийи-уш харлыг.

     Аскыр – чазаваан болгаш урелиг эр мал, назыны чедишкен болган.

     Аътты ыдыктап чораан. Ыдыктыг аътты эр ээзи мунар, ачыжаа черле берип болбас, чуле кырып олур. Аътты шыырак хам кижи ыдыктаар. Хам аътты ыдыктааш, челинге база кудуруунга ак пос баглап каар. Ыдыктыг аътол огнун улуг, биче кижилеринин сунезинин камгалап чоруур болгаш байыырынын сулдези дижир.

     Чылгы малдын чузуну янзы-буру болгаш хувулгаазын хевирлиг. Челин, кудуруун барымдаалап адагылаар: чарб-челдиг, чайык-челдиг, шыдын-кудуруктуг, уялыг-кудуруктуг суг-суг дигилээр.

Чаян демдектиг малдар

     Тыва чоннун азыраан малдарынын аразында ошку, хой болгаш чылгы малдарда торумелинден тыптып келир чаяан демдектери турар. Чаяан демдектиг малы бар Кижи кончуг амыраар болгаш ол дугайын кымга-даа чугаалавас сузуктуг чораан. Ол чаяан демдээнин чоруур черлери чажыт азы ажытталчак болур, дылынга, карак быртаанга, эмигге, колдук алдынга чоргулаар. Чаяан демдээнин чузуну малдын чузунунге оннешпес, сыр оске оннуг болур болгаш хээ хевирлиг азы бир-ле онзагай хевирлиг болур.

     Чаяан демдектиг мал бурун Тыва ёзуда кежик малы болур. Чаяан  демдектиг малын сатпас, ачылатпас болгаш кодан малындан ыратпас.

Мен

     Чаяан демдектен менни ылгаары чугула. Мен дээрге малдын коску черинге чоруур, ылангыя бут эъдинге, калбак чарынга чоруур, кончуг ховар таварылгада дылынга-даа чоруур.

Аъттын демдектери

     Тыва кижинин шаг-тоогуден бээр кол холгези аът чораан. Аътын демдээн азы аъттын танмазын менден ылггары чугула. Тыва Кижи аъттын саарынга таннма базар. Колдуг таваржып турар танмалар болза кас, олчей удазын, алага, шындамал, ай, серээ болгулаар. Эртемденнернин бижип турарын ёзугаар алырга, танма биле хээнин аразында харылзаалар бар бооп турар болгаш кошкун амыдырал уезинде тыва чоннун чогаадып алганы дортен ажыг хевиринин танмалары бар бооп турарю

Им

     Азырал малдарда танма баспас малдар бар, ындыг малдарны ылгавыр демдээ бодун болгаш тода, ону им дээр. Анай, хураганнын кулаанын бажын чара кезип каар, бир чамдыкта бызаанын кулаанын бажын чара кезип каар. Аай чарык, дедир чарык азы аъттаныр чарык, ажыргы чарыкты кончуг барымдаалаар, имнээр черни арай ангылай шилип алыр.

Чылгы малдын оннери

Ак Аът чылы эрткен-даа болза, ак он-чузунунден эгелеп, аныяктарга чылгы малдын янзы-буру он-чузуннерин таныштырып корейн: ак аът, манган-ак, кыскыл-ак, ала аът, дорала, карала, ояла, сарала,  хувула, Оле, хурен-ала, шилги-ала, доруг аът, кыскыл-доруг, сарыг-доруг, кара аът, калчан-кара, кускун кара, куу-кара, ой аът, ак ой, кара-ой, кызыл-ой, сарыг аът, кар-сарыг, ак-сарыг, кок аът, калчан кок, хурен аът, кара-хурен, калчан-хурен, шилги аът, калчан-шилги, хурен-шилги, шавыдар аът, калдар аът, мелдер аът, кула аът, калчан-кула, хоор аът, калчан-хоор, куу аът, калчан-куу, бора аът, ак-бора, кок-бора, кара-бора, кыр аът, калчан-кыр, калдар-кара, мелдер-доруг, калчан-доруг, ак-хавак, ак-хээрик, ак-майык, шокар аът, бора шокар, кок-шокар, сылдыс-шокар.

Кулун

     Тывалар бе кулуннакпан дижир. Бенин толу эр-даа кулун болур, кыс-даа кулун болур. Кулунга хамаарыштыр тыва улустун улегер чугаалары, бурунгу ырлары болгаш тоолдары бар.

                                      Кижи болуру чажындан,

                                      Аът болуру кулунундан.

                                                                                     Улегер чугаа

                                      Кулунну дээр азыраар,

                                      Кижини оран ээзи азыраар.

                                      Ытты кодан богу азыраар,

                                      Анайны аланды азыраа.

                                                                                     Шаанда шагнын чугаазы

Сарлык

     Сарлык – нити ады.

     Торуур сарлык – кыс сарлык.

     Сарлык бугазы – будурукчу мал, урелиг мал.

     Сарлык шарызы – чазап каан эр сарлык, инек болза шары.

     Сарлык бызаазы – нити ады, назыны бир хар чедир, сарлыктын кыс бызаазы деп чугаалаар.

     Молдурга – назыны бир харлыг азы ийи хар чедир, эр молдурга, кыс молдурга дижир.

     Хунан – назыны ийи харлыг азы уш хар чедир, эр хунан азы кыс кыс хунан дижир.

     Донен сарлык – бир дугаар торуур сарлык, назыны уш харлыг азы дорт хар чедир болур. Эр донен азы кыс донен дээр.

     Сувай сарлык – бир чылын торувейн барган кыс сарлык. Бир чамдыкта уш-дорт чыл чедир торувейн баар азы сувайлыга бээр сарлыктар турар.

     Улуг сарлыктар – торуур сарлыктар, шарылар. Оларнын назыны беш-алды харлыг болгулаар. Ол назын уезинин сарлыктарын кара чугаада бештиг дээр – ол болза беш харлаан сарлык. Оон ынай чедилиг, сестиг, тостуг, оннуг, он бирлиг, он ийилиг суг дээр.

Сарлыктын ону

     Сарлык кончуг дуккур болгаш дугунун ону янзы-буру болур. Ак, калчан-кара, сирти шокар, ак, ак-шокар, манган-ак, сарыгзымаар, кара, ээгилери ак-шокар сарлыктар бар болгулаар.

Хайнак

     Сарлык бугазы инекти ойладып каан болза, оон торуттунген бызааны хайнак бызаа, кыс хайнак бызаа дээр. Хайнак молдурга, хайнак хунан, хайнак

 донен дижир.

Теве

     Теве – нити ады.

     Энгин – кыс теве, торуур теве.

     Бодаган – тевенин оглу, назыны бир харга чедир. Карачал чугаага эр бодаган, кыс бодаган дээр.

     Дорум – бир хар ажа бээрге, дорум апаар, ону ийи харга чедир эр дорум, кыс дорум дээр.

     Тайлак – хунан чеде Берген азы ийиден уш харга чедир назылыг, ынчангаш эр тайлак, кыс тайлак дээр.

     Дунгуш теве – ол дээрге уш харлыг болгаш бир-ле дугаар торуур кыс теве. Адаар ылгалы мындыг: дунгуш теве торуптерге, энгин теве апаар азы оолдуг теве апаар.

     Адан теве – назыны уш харлаан болгаш чазап каапкан теве болур.

     Бура – назыны уш хар чеде берген болгаш чазаттынмаан урелиг азы будурукчу мал болур. Бир кодан тевеге бир буура чоруур.

     Чедишкен теве – дорт хардан ынай назылыг тевени чедишкен теве дээр.

Тевенин ажыы кончуг улуг

     Адан тевени ийи харлыындан эгелеп мунар болгаш чуък чудурер кылдыр оредип алыр. Кыс тевени база ажылга ажыглаар кылдыр ооредип аар. Кандыг-даа теве уш хар чедерге, кижиге ажыын коргузер мал кылдыр шуут ажыглай бээр.

     Тевени холге кылдыр ажыглаар. Тевени мунуп алгаш, аян-чорук кылып болур, аалдар аразынга мунуп болур. Тевени чонактап алгаш, мунуп болур. Тевени эзертеп алгаш, мунуп болур.

     Теве чуък чудуреринге кончуг таарышкан болгаш моге-шыырак амытан. Тевени черге чыттырып алгаш, чуък чудурер.

     Тевени шанактап база болур.

     Тевени тергелеп база болур.

     Тевени тара тарыырынга ажыглап болур. Ийи аът соортур андазынны чангыс теве соортуп шыдаар, кужу кончуг улуг.

     Тевени сиген кезеринге база ажыглап болур. Ийи теве сиген кезер бир машинага кончуг тааржыр, чеже-даа гектар черни бир хун кестирип кааптар, черле могар-шылаарын билбес амытан.

     Теве-биле хопээн соортурге, мажак безин чок болур.

     Тыав чон тевени ховар мал дээр. Тевенин суду хоюг, дугу чымчак болгаш эъди чаагай. Теве – ховулуг чернин малы, даглыг черге эге таарышпас – чуглуп олуп каар.

     Теве черле чудап олбес. Тевенин чиир чувези бир янзы – бедик болгаш, Кызыл-хараган, инек-хараган баштарын кээп чиир, шагар-оът чиир , ыяштын бедикте элбин будуктарын чиир. Улуг хар чааптарга, теве оътту казып оъттаар амытан.

     Тевенп ыдыктаар, колдуунда буураны ыдыктаар.

     Тыва чоннун бурунгу амыдыралындан теве-биле холбашкан хоруглуг ёзулалдар база тургулаан:

     Тевенин оглун олуруп болбас – кижиге каргыжы чеддер.

     Ижинниг ава Кижи теве мунуп болбас, божууру бергедей бээр дижир.

     Тевени кыжырып болбас, оскул-ондакка таваржыр.

     Одарынга чораан тевелерни хойзуп болбас, уруг сылданыр дижир.

     Тыва чоннун тывызыктарында, тоолдарында теве бир элдептиг кучутен бооп турар.

Иви малдын аттары болгаш назыны

     Мынды – кыс иви, анайлыг иви.

     Эдер – бугазы, будурукчу мал. Бир коданга бир эдер чоруур. Эдерни мунмас. Мынды бир чыл болгаш-ла анайлаар.

     Богона – эдер херек чок апарганда азы улгады бээрге, чазап кааптар, ООН адын богона дээр.

     Анай – ивинин чаа торээн оглу - анайы. Мындынын чаш оглу эр-даа, кыс-даа болза, анай дээр. Назыны бирден ийи хар чедир. Ылгал база бар. Бо чылын торээн чувелерни анайлар дээр, бир хардан ийи харга чедир чувелерни куу анайлар дээр.

     Таспан – бир хар чедир эр-даа, кыс-даа чувелер. Мындынын бир хар чедир анайнын таспан дээр.

     Донгур – ийи харлыг эр чуве, чазаваан-акталаваан чуве болур.

     Мынчак – ийи хар чедир кыс чуве, эге торувээн кыс чуве болур.

     Дуктуг мыйыс – ол болза ийи хар ажыг эр чуве.

     Мындыжак – ийи хардан уш хар чедир эге торувээн кыс чуве.

     Мынды – дорт хардан ору кыс ивилер.

     Куудай – уш болгаш дорт харлыг чазап каан чуве. Куудай эмдик хевээр болур, ынчангаш ону холге кылдыр мунмас.

     Чары – чазап каан иви, ону мунар кылдыр ооредип каан. Уштен дорт хар уезинде чарыны мунар кылдыр ооредир болгаш кырыыжыге чедир холге болур.

      Хокаш – ниити чассыткан ат азы хокаштар дээр, ивилер дээр.

      Хур анай – ол болза бир харлыг эр-даа, кыс-даа анайны хур анай дээр. Эр хур анайны донгур дээр, кыс хур анайны мындыжык дээр. Иви малды малдап чорбаан кижилернин ажы-толу бо аттарны база билири чугула.

Ивинин назыны

     Ивинин назыны, кижинин назыны дег, соннуг-мурнуг кырыыр, эрте кырыырлары база бар, быжыг сооктуглери база бар. Иви мал колдуунда чээрби хар чедир чурттаар.

Элчиген

     Тыва чоннун торулгаларында элчигеннин ады кирип турар, оозун бодаарга, Тыва чуртунга элчиген турганы билдингир. Амгы уенин чизе-данзызын ёзугаар алырга, Тыва Чуртунда элчигенни мал кылдыр азыравайн турар.

          Чок чувени бар кылдыр бадыткап турар кучулуг херечи болза тыва чоннун бурунгу ырлары болур. Мындыг одуруглврны сактып корээлинер:

                     Тооруктуг долгай Тандым

                     Долганзымза, тодар-ла мен.

                     Тос-ла чузун малымайны

                     Азыраза, байыыр-ла мен.

     Тывага тос чузун мал бар турганын бо одуруглар сагындырып турар.

     Элчигенни Тывага нептередип келген уези шала соолзуредир бооп болур. Эртемден В.И. Дуловтун бижип турары болза Кыдатка турган Цин чазаанын  азы Манчы-Кыдаттын хаан торе чазаанын болгааганын ёзугаар Тыва чуртундува кыдат садыгжыларнын эндерилдир соктуп кирген чылы 1901 чыл бооп турар.

     Элчигеннин Тывага даштыкыдан келбестей бергени Манчы-Кыдыттын хаан торезинин буступ душкени-биле дужуп турар, ол чул дээрге 1912 чылдын февраль 12-де Манчынын эн солгу ханы Пу и дужулгезинден душкен, ООН соонда Тыва биле Кыдаттын аразында харылзаа чоорту усту берген.

Ыт

     Ытты тыва кижинин азыраан малы азы мунар холгези кылдыр торулга чугааларда чугаалап турар. Улегерлей соглээни:

                               Ыдын мунган,

                               Ынгыржаан дергилээн.

     Ыт мунупчоруур Кижи дээрге мунар аъды чок кижиазы эн ядыы Кижи деп утка билдинип турар. « Ынгыржаан дергилээн» дээрге чуък чудурер шарызы чок кижи дээни ол-дур.

     Ыт болза чоннун бурунгу ёзулал сузуу-биле шуут холбашкан. Ол чул дээр болза чап-чаа чазаттынган уруг кавайынга ол-ла дораан чаш уруг кавайлавас турган. Уруг чыттырар кылдыр иштээн кавайны сан салгаш, артыш ыжынга аластааш, ООН соонда ытты анаа кавайлааш, бичи када чыттыргаш, салып чорудуптар. Ыт кавайлаан кавайга чыткан чаш уругнун куъду ыравас деп торулга чугаа бар.

     Азыраан ээзинин олурун ыт буду билир дижир. Оозун бодаарга, Тыва кижинин амыдыралынга ыт эрте-шагдан бээр салдарлыг чорааны билдингир.

     Хамнар алгыжында ыт болза коданга азы огге чоокшулаан азы, четкер, албыс, шулбус, диирен, Кижи-бурус оларны хамыкты мурнай билип каар, ээзинге эргелиг, коданынга камгалалдыг амытан бооп турар.

     Торулга чугааларда ыт Тыва кижиге мал бооп чораан болза, амгы уеде ыт чугле кодан камгалакчызы бооп арткан.

     Ыттын таагызын дырап алыр, ыттын эъдин эм кылдыр чиир чорук шаандагы тываларга турган.