Энилэр бэйрэме
план-конспект

Җыр 1 класс “Пусть всегда будет солнце»

Ләйлә Әни, әнием,әнкәй! Кадерләп назлап әйтәбез,күңелебездәге бөтен рәхмәтне шушы гади сүзгә салабыз, һәрвакыт яныбызда булган,уңышларыбыз өчен шатланып,кайгыларыбызны уртаклашып

яшәгән газиз әниебезгә дәшәбез.

Булат                      Балагызның берәве сез,

                                     Гаиләнең йөрәге сез,

                                     Иминлекнең терәге сез.

                                     Һәркемнең кирәге сез.

Ләйлә                  Сез чаялар,сез батырлар

                                     Сез дөньяда иң матурлар.

                                     Сез булганга тормыш ямьле,

                                     Сез булганга яшәү гамьле.

Булат  :  Хәерле көн,безнең өчен иң кадерле кунакларыбыз- әниләребез ! Сезне барыгызны да бүгенге бәйрәм-   Әниләр    бәйрәме   белән тәбрик  итәбез!

Ләйлә    Балалар бакчасына йөрүче кечкенә дусларыбызга сүзне бирик әле.

Булат  Бәйрәмнең кайсы да тәнгә җиңеллек,рәхәтлек,җанга ял бирә.  Шушы бәйрәм көн   күңелегезгә  шатлык,тәнегезгә сихәтлек, өегезгә иминлек алып килсен.

Ләйлә Котлау  өчен сүзне мәктәбебез директоры _Габбасов Айнур Габделнур улына  бирәбез

Булат   Тормышларыгыз матур, йөзләрегез көләч  булсын , сәламәтлек    

һәрдаим юлдашыгыз  булсын.

          Ләйлә                      Ана назы - җирдә ул мәңгелек,
                                Мәңгелек жыр - бишек жырыгыз.
                                Без узасы юлда маяк булып
                                Гомер буе балкып торыгыз.

Мәктәбебездә Әниләр бәйрәме уңаеннан рәсем конкурсы, иншалар язу ярышы булып үтте. Аларга нәтиҗәләр ясалып, сезгә дә җиңүчеләребезне тәкъдим итик әле. Мәктәбебез президенты Самигуллин Булатка котлау өчен сүзне бирәбез.

 Булат котлый

Ләйлә    5 сыйныф укучыларына сүзне бирәбез. “Кәшемир”

Б.                       Елмайса йөзеннән аңлыйм
                           әнкәемнен теләген.
                          Дөнья кинлегенә тиңлим
                          әнкәемнен йөрәген,

   Л.                       Әнкәй, сина бүләк итәм
                           Бөтен дөнья гөлләрен.
                          Юллар кебек озын булсын,
                           әнкәем, гомерләрең.

Б.   Мәхәббәте һичбер киртәләрне белми торган, күкрәк сөте белән хәят биргән… ананы олылыйк!

  Л.  Дөньяның бөтен матурлыгы анада.  Анадан башка шагыйрь дә, анадан башка батыр да булмый.

Б.  Бүген әйтеләсе теләкләребез, җыр,  биюләребез –  барысы    да чын йөрәктән, күңелебезнең  иң-иң    түреннән - сезнең өчен. Кабул итеп алыгыз,     рәхәтләнеп тыңлагыз, ял итегез.

  Ләйлә.  Әйдәгез, бирегә 2-4 нче сыйныфла Ны чакырыйк әле  Җыр

Б   Ана күңеле кебек җылы, нурлы

Күк йөзендә кояш, йолдыз юк.

 Ана сөюе кебек чиксез тирән

  Җир йөзендә һичбер диңгез юк.

  Л.  Синең өчен кайгыртучы әниең булуы нинди зур бәхет ул. Аны ярату гына җитми, аның кадерен белергә, сүзен тыңларга, яхшы укуың, үзеңне үрнәк тотуың, әшкә өйрәнеп үсүең белән аны шатландырырга кирәк.

Б.  Җыр --8----- класс укучылары үзләренең һәм барыбызнын д әниләрен котлап  җыр тәкдим итәләр

Б.  Бер ягымда -әтием

                       Бер ягымда -әнием.

                       Уңымда да,сулымда да

                      Таянычым бар минем.

Л.       Канатлар кирәк түгел

                         Пар атлар кирәк түгел.

                         Аякларым җиргә тими

                        Очар кош минем күңел.

Б.  Бала гына димәгез

                      Сүзләремнән көлмәгез.

                     Күз яшенә,кайгыларга

                      Берүк мине бирмәгез.

Л.   Бер ягымда-әтием

                      Бер ягымда- әнием.

                 Уңымда да, сулымда да

                 Яклар кешем бар минем.

.

Әниләребезгә үзенең бәйрәм сәләмнәрен ___ башлангыч сыйныфта укучы кызларыбыз юллый. Бирегә аларны чакырыйк әле.  “Лезгинка”

Б. Кадерле әниләребез, барыбыз да беләбез, балалар бик кызыксынучан, күзәтүчән халык. Алар белән бервакытта да боегып утыру мөмкин түгел. Сезнең игъибарга берничә кызыклы күренеш тәкъдим итәбез. (Рольләрдә — әни, бала)
9 нчы сыйныф укучыларына сүзне бирик әле. 

-Улым, ник елыйсың?

— Ишеккә бәрелеп, башым тишелде.

— Яле,күрсәт, кай төше, кайчан тишелде?

— Кичә кич белән тишелде…

— Соң алай булгач, ник бүген елыйсың?

— Кичә ничек елыйм, өйдә бер кеше дә юк иде бит.

***

— Әни,син кайда тудың?

— Чаллыда туганмын,улым.

— Ә әти кайда туды?

— Әтиең Башкортстанда туган.

— Ә мин кайда тудым?

— Син Сарманда тудың, бәләкәчем.

— Менә гаҗәп, төрлебез төрле җирдә туып, без соң кай арада шулай дуслаштык?

***

— Бу тәртипсезлегең белән чәчләремне агартасың син минем, улым.

— Алай булгач, әнием, кечкенә чагыңда син үзең дә бик тәртипсез булгансың икән.

— Ник алай дисең, улым,?

— Әбиемнең бер генә дә кара чәче юк бит.

***

— Җитте, башка бу мәктәбегезгә ике аягымның берсен дә атламыйм!

— Ни булды ,улым? Ник алай дисең?

— Укый белмим, яза белмим, ә сөйләшеп утырырга ярамый.

Бирегә 6 нчы класс укучылары чакырабыз.  Бию 6 класс гимнастика

Уеннар

Б.                      Иң-иң иртә кем тора?

                       Иң иртә әнкәй тора.

                       Без торганчы өстәлдә

                       Коймак белән чәй тора.

Л.   Иң-иң соңлап кем ята?

                       Иң соңлап әнкәй ята.

                       Үз йокысын биреп ул

                       Безне күбрәк йоклата.

Б.     Әни!.. Әниләр! Сез  яныбызда булса, без-көчлеләр, без-       батырлар. Сез янәшәбездә торганда ата каздан да курыкмыйбыз, усал этләр дә куркыныч түгел.

Башлангыч сыйныф укучылары әниләребезгә бәйрәм сәламнәрен юлыйбыз  “Кашыклар”

Л.                Наз гөлләре үсеп чыга

                      Сезнең җылы куллардан.

                      Кабул итегез котлаулар

                      Безнең ихлас җаннардан.

      Б.            Күмәкләшеп барыбыз бергә

                      Биик әле, әйдәле.

                      Котлы булсын, гөрләп торсын

                      Әниләрнең бәйрәме!

Л.    Үзләренең котлауларын шигыр аша җиткерергә теләүче укучыларыбызны чакырабыз. Шигырьләр              6 класс. 4 класс

Л. Кадерле әниләр!

                     Бәйрәмегез сезгә бәхет,

                     Сәламәтлек китерсен,

                     Көнегез гел шат булсын,

                     Елның һәрбер көне сезгә

                     Әниләр көне булсын!

Б. Көнгә ничә тапкыр “әни”дибез,

                     Рәхәт тә соң”әни”диюләр.

                     Шигырьләр һәм җырлар бүләк итик,

                     Бүләк итик матур биюләр

Кызлар башкаруында бию. Сәхнәдә башлангыч сыйныф укучылары ут уйната.   Җыр   рус биюе

Л.      Бәйрәмебез ахырына якынлашып килә. Иң-иң якыннарыбызга йөрәкләребездән чыккан иң-иң матур сүзләр әйтәсе килә.

Б.                          Рәхмәт әйтәсем килә.

                     Бүген җил дә йомшак исә,

                     Кояш та назлы көлә.

                     Бүген җиргә иң-иң якты

                     Кадерле бәйрәм килә.

Л.                 Чәчәкләрдән җем-җем итеп

                     Якты нурлар бөркелә.

                     Бүген минем дә әнкәмә

                     Рәхмәт әйтәсем килә.

- Б Миңа гомер биргән өчен,

-Л  Кадерләп үстергән өчен,

Б.  Назлы карашлары өчен,

-Л.  Йөрәк җылылары өчен,

- Б.Шәфкатьле куллары өчен,

- Л. Барысы, барысы, барысы өчен

Бергә:         Рәхмәт сиңа сөенечем.

                     Котлы булсын бәйрәмнәрең,

                     Рәхмәт сиңа, бөек Кешем!               (Ф. Вәлиева).

Б. Әйдәгез, дуслар,  әниләребез өчен күңел җылыбызны биреп эшләгән бүләкләребезне тапшырыйк әле.

Л.           Бүген бәйрәм-Әниләр көне. Бу бәйрәм Кыш башына туры килгән. Күбәләктәй ак кар бөртекләре җирне акларга, сафларга, пакъларга теләп җир өстенә кунаклар. Әйтерсең, алар да безнең белән бергәләп әниләребезне котларга телиләр.

Б.        Матур булсын, котлы булсын бәйрәмегез, кадерле әниләр!

Л.   Әйтәсебез килә бүген

                     Кадерле әниләргә-

                     Бу бәйрәм дөньяга килгән

                     Кояш нуры сибәргә!

Б.   Бу бәйрәмдәге җылылык

                     Гасырларга җитәрлек

                     Сезнең назлы кулларыгыз

                     Әкиятне чын итәрлек .

Л.   Читкә китми,әниләрне

                     Һаман саклап йөрербез

                     Әни кушса, Әти белән    

                     Тауларны күчерербез!

Бергә           Бәйрәмегез сезгә бәхет,

                     Сәламәтлек китерсен,

                     Көнегез гел шат булсын,

                     Елның һәрбер көне сезгә

                     Әниләр көне булсын!

Шәл биюе