Классное руководство
классный час (4 класс) на тему

Муниципальное бюджетное образовательное учреждение

Пий-Хемского кожууна

Хадынская средняя школа

К л а с с н ы й   ч а с

на тему:

«Аът – тыва кижинин амыдыралынын

 кол холгези»

Провела:

учитель начальных классов,

Анай Екатерина Кошкар-ооловна

Хадын - 2012

Сорулгазы: уругларга тыва кижинин амыдыралынга аът амытан кол роль ойнап чораанын билиндирер; дириг амытаннарга ынак болурун кижизидер

Дерилгези: улегер  домактар, аът дугайында номнар дерилгези, уругларнын аът дугайында кылган  журналы

Белеткел ажылы: уругларнын аът дугайында тыпкан тоолдары, солун чугаалары, болуушкуннары,  бижээн, чураан ажылдары.

Чорудуу

I. Организастыг кезээ.

II. Аът дугайында киирилде беседа.

Аът – чер кырында кайгамчык чараш амытаннарнын бирээзи деп санаттынып турар.  Ынчангаш бистин огбелеривис анаа-ла черлик чораан амытанны азырап, барык амыдыралынын кол холгези кылдыр коруп чорааны улуг ужур-уткалыг.

        Тыва кижи мунуп чоруур аъдынга кончуг ынак, хумагалыг, хырнын аштатпас, човадып туретпес: эзер-чонаа, чуген-чонары аътка кончуг таарышкан, оорга-мойнун ойдуруп, халаадатпас.  

        Тывалар шаандан тура кошкун чоннарга хамааржыр болгаш аъттын дузазы-биле ажыл-агыйын кылып, ынай-бээр кожуп, ырак-чоок чоруун кылып, аалдар аразынга аргыжып, аннап-меннеп, дайылдажып-даа чораан.  Ынчангаш бурунгу огбелеривис аътты онзагай унелээр, ол назыдап-кырааш, ужуп каарга безин, оон бажын черге кагбас, ыяшка азып каар чанчылдыг. Ынчангаш чалбарыы ийикпе азы йорээлин чугаалап каар:

Черге чээрен чордун,

                      аъдым.

Кудургайга куш дег

                  чордун, аъдым.

Булуттуг дээрнин

                        адаа-биле,

Будуктуг ыяштын

                        кыры-биле,

Кезээ шагда хей-хат

                               болуп

Хииктелип, оршээ!

        Чылгы – изиг эъттиг мал, ооъ эъди эм шынарлыг. Ол барыктыг донмас. Ынчангаш ону чемге кыжын ажыглаары таарымчалыг. Суду хоюг болгаш ускур. Ында витаминнер болгаш кадыкшылга дузалыг будумелдер хой. Шай суттээрге дыка четчир. Бе судунден ажыткан хымыс амданныг, ол – холуулуг суксун, езулуг эм.

          Бурун шагда дайынчы кижи олуп каарга оон аъдын болгаш дериг-херекселин кадайы, аъды-биле кады базырыкка орнукшудуп каар турган. Хаан, алдарлыг дайынчы, бай-шыдалдыг кижилерни ынчаар хооржудер езулал турганы ол. Ол дугайын Аржаан хорумунун чажыттары бузуренчиг херечилеп турар.

/Аржаан – 2 базырыкты слайдыларга коргузер/

- Бо базырыкка 17 кижи соогу-биле 160 аът сеги чангыс черге чыткан.

        «Эки аът экер-эрес эрнин эжи, чарылбас оннуу» дээрзин тоогу болгаш чоннуё аас-чогаалы бадыткаан. Хартыга дег кашпагай, угаанныг болгаш узак чоруктуг аъттын овур-хевирин тывалар боттарынын маадырлыг тоолдарында, улегер домактарында, чечен состеринде, ырларында, тывызыктарында монгежидип каан. Ам силерге дириг амытаннар дугайында тывызыктар ыдарымга тывар силер чээ, уруглар!

Аътка домей чанныг

Аъттан бедик сынныг  (буур)

Ыракты ырак дивес-

Ылап чоруктуг,

Берт черни

Берт межем дивес

Бедик мербегейлиг (аът)

Самдар эвес хирезинде

Чамашкызы ковей (шокар инек)

Кончуг семдер

Хоюг дуккур.

Кужур семдер

Кузун суткур (сарлык)

Мыйыстыг – ан эвес

Салдыг – ашак эвес,

Сыргалыг – кадай эвес,

Кудуруктуг – аът эвес,

Адыр дуюглуг – инек эвес   (ошку)

- Эр хейлер! Тывызыктарны дыка эки тыптынар. Улегер домактарны кайы хире эки билиринерни база коруптер бис бе? (уруглар догере «чаа» дээр).

/ Уругларнын улегер домактарын дыннаар/

Тыва улустун мерген угааанныг, чиге соглеп каан состери ханы утканы илередип чорууру чугаа чок. Чугаалашканывыс беседадан, тывызыктардан база улегер домактардан ап коорувуске «Аът – тыва кижинин амыдыралында кол черни ээлеп, хундуткелдиг мал» деп санаттынып чоруурун билдивис.  

III. Физкультминутка

Оюн «Чедир чуруур» (самбырага уругларга чарыш хевирлиг ийи командага чарып алгаш, караан шарааш аъттын кезектерин чурудар. Мурнай чураан команда  тиилээн болур)

IV. «Контр аът, Эзир-Кара» - болган болуушкун.

Ам силерге бистин Тывавыска 1930 чылдарда Тес-Хем кожуунга Эзир-Кара деп маадырлыг аъттын дугайында болган тоогулуг  болуушкунну  чугаалап берейн, уруглар, дыннанар чаа!

«Эзир-Кара»

Тес-Хем кожууннун Когей (ам Тере-Хол) сумузунун чурттакчызы Соян Санданмаа Эзир-Кара деп чугурук аъттыг турган. Эзир-Кара 1935 чылда Наадымга чугурук аъттар чарыжынга эн баштай эртерге, та чуге чуве ийик, ол уенин чанчылын сагывайн, анаа шола ат, ат-алдар тывыспаан. Оон соонда база-ла ындыг чарыштарга 1936 чылда эртерге – Хартыга-Кара, 1937 чылда эртерге – Эзир-Кара, 1938 чылда эртерге – Хулук-Кара деп шолаларны тывыскылаан.

Аъттын ээзи Соян Санданмаанын ончу-хоренгизин 1939 чылда хавыргаш, «Контр» деп нугулдээш, ол-ла чылдын июнь 23-тун дунезинде буруу чок черге адып каан.

Соян Санданмаанын боолаттырганынын соонда, таптыг-ла              2 неделя болганда, июль 7-де болган бугу Тыва Наадымынга оон сурагжаан чугурук аъдын спортчу аттар школазынын удуртукчузу Орус Куулар чарыштырары-биле эккелген. Штаб начальниги полковник Сувак: «Бо Эзир-Караны чарыштырары амгы политикага таарышпас, ону контр Соян Санданмаанын аъды дээрзин чон билир. Ону чарыштырбанар!» деп айтыышкын берген. Улус анаа удурланып, алгыржы бээрге: «Кым контрлаксап тур?!» дээрге, ыыттаар кижи чок болган. Ол-ла чылдан эгелээш Эзир-Караны контр кижинин аъды дээш чарыштарга киириштирбес деп айтыышкын унген.

Ол кайгамчыктыг аът 1943 чылга чедир шеригнин суг соортур аъды бооп турган…

1993 чылдын июль 9-10 хуннеринде Тес-Хемнин Ак-Эрик суурга Эзир-Карага болгаш кожууннун коргунчуг шаажылалынга таварышкан кижилеринге (45 сояннардан чуг-ле 2-зи дириг арткан) тураскаал ажыдыышкыны болган. Тураскаалды цементиден шуткуп куткан. Ол тураскаалдын кол автору, тудукчузу Чыргаландыдан Кунзет Биче-оол деп кижи болган.  Ында Эзир-Кара хииктелдир халып орар. Аъттын кырында кара эзир база кылыйтып бар чоруур.

Эзир-Карага тураскааткан ырылар, шуруктер, танцы-сам дыка хой.

Ам Чооду Кара-Куске деп чогаалчынын бижээн «Эки аъдым Эзир-Карам» деп шулуун дыннанар:

Баглаажынга баглап каарга

Бажын саваар Эзир-Карам.

Байыр-Наадым болган черге

Бажынга кээр Эзир-Карам.

Чугеннээштин баглап каарга,

Чудек чараш Эзир-Карам.

Чус-даа аъттын чарыжынга

Шуглуп келир Эзир-Карам.

Эзертээштин мунуптарга

Эзиннелир Эзир-Карам.

Эрзин-Тестин Наадымынга

Эртип келир Эзир-Карам.

Соодуп-соодуп мунуптарга,

Согунналыр Эзир-Карам.

Чорук кылып халдыптарга,

Човаг билбес Эзир-Карам.

Киженинден салыптарга,

Киштей кааптар Эзир-Карам.

Кижи мунгаш ынай боорга,

Киштеп маннаар Эзир-Карам.

Чугенниглер эртип чадаан

Чугурук-ле Эзир-Карам.

Чуглуг куш-даа ында калыр,

Чуткулдуг-ле Эзир-Карам.

Элезинниг Эрзин-Тестин

Элии болган Эзир-Карам.

Ээзинин – Санданмаанын

Эжи болган Эзир-Карам.

-  Амгы уеге дээрге  чер-черде болуп турар аът чарыштарын           Эзир-Кара деп адап турар аппарган.  

(Башкы чугаалап турда экранда слайдыдан чуруктарын коор)

Кайгамчык чараш аът-мал чугле тыва чонда хундуткелдиг, унелелдиг бооп чоруур эвес, а оске янзы-буру сооктуг улустун база ыдыктыг малдары бооп чорууру чугаажок. Чуге дизе, ону бадыткаан  кинолар, тоолдар, болуушкуннар, солун чугаалар хой.

(Слайдыдан чоннун мерген угаанныг чечен состерин  башкы номчуур азы уругларга номчудар)

(Уруглар белеткеп эккелген ажылдарынын докладтарын кысказы-биле таныштырар)

V. Туннел.

        Тыва кижи аъттан шуут чарлыр болза, огбелернин шаандагы амыдыралындан, эрте бурун дазылдарындан хоорулганы ол болур.  А дазыл чок унуш унмес, кургап каар. Оон ужун чылгы малды моон сонгаар-даа остуруп, Эзир-Кара дег чугурук, чыраа, саяк, челер аъттар тыва черни каастап, экер-эрес эрлернин сагыш-сеткилин сергедип, хей-аъдын киирип-ле чорзунам!

Ыры «Эзир-Кара» дыннаар.