Класстан тыш чара "Яшәгез Сез мәңге яшь булып!"(өлкәннәр көненә багышланган кичә)
методическая разработка (3 класс) на тему

Өлкәннәр көненә багышланган кичә: "Яшәгез Сез мәңге яшь булып!"

Максат: Өлкәннәргә карата хөрмәт, игътибарлылык тәрбияләү.

Зал бәйрәмчә бизәлгән.

1нче укучы. Мин бәйрәмнәр яратам

                       Бәйрәм булса күңелле.

                       Яңа күлмәктән генә

                       Йөрисең гел ул көнне.

                                   2 нче укучы.   Әни бәлеш пешерә-

                                                             Май чыжылдый табада.

                                                              Көлеп тора әти дә,

                                                              Күңелледер аңа да.

3нче укучы.  Кунак килә ул көнне,

                        Инде кунак килсәме!

                        Күчтәнәчләр белән

                        Шып тутыра кесәне.

                                    4 нче укучы. Яки үзең барасың

                                                            Кунак булып берәрсенә.

                                                            Бәйрәмнәр күңеллерәк,

                                                             Кунакка йөрешсәләр,

                                                            Туганнар бер-берсенә,

                                                             Кешеләр бер-берсенә.

5 нче укучы. Нинди бәйрәм соң бүген?

                        Һәммәсе көлеп тора

                        Уйныйсы да, биисе,

                        Җырлыйсы килеп тора.        

Җыр:” Тылсымлы сүзләр”

 6 нче укучы. Минем Әби бик тә  кызык

                        Кеше ул

                        Ләбибәләргә-Хәбибәләргә

                        Сәгыйтьләргә

                        Күрше ул...

                        Ул - әтинең Әнисе,

                        Апамның Дәү Әнисе,

                       Ул минемдә Дәү Әни,

                       Ул инде бик Дәү Әби.

 7 нче укучы. Сезнең җылы сүзегез

                        Минем өчен дәва,- ди.

                        Бабам: ”Карчык,”- ди.

                        Малайлар: ”Бал әби”,- ди.

8 нче укучы.   Сәрби әби:”Яшьтәш”,- ди.

                        И, Сәхипямалкаем,

                        Син һаман да япь-яшь?- ди.

                        Әбиләргә- Ахирәт ул,

                        Бар авылга- авылдаш:

                        Бөтен авыл хәлен белде

                        Бервакытны авыргач.

 9нче укучы. Хәзер хезмәт ветераны

                         Лаеклы Пенсионер,

                         Ә кечкенә чакта менә

                         Булган ул да Пионер.

                         Минем әби

                        Сиңа кем була инда? Соң үзең, уйла инде!

Алып баручы:  

- Тормышыгыздагы иң шатлыклы көнегез?

- Һәр кеше өчен иң мөһиме дөньяда үз урынын табу дип әйтәләр. Сез моңа ирешә алдыгызмы?

- Бала чакта, үсмер чагыгызда кем буласыгыз килгән иде?

- Буш вакытыгызда нәрсә белән шөгыльләнәсез?

Алып баручы:   Бүгенге кичәбездә катнашучы әбиләр  өлкән кешеләргә еш туры килә торган авырлыкларга, тормыш каршылыкларына карамастан күңел  көрлеген, зиһен үткенлеген саклап калганнар. Безнең әбиләр бу сүзләрнең хаклыкларын үз тормышлары, эшләре белән раслаган.

                       Хезмәтләре, тырышлыклары өчен, улларына-кызларын , оныкларына күрсәткән игелекләре өчен безнең әбиләр әйтеп бетереп булмаслык хөрмәт-ихтирамга лаек. Сездә әбибабаларыгызны яратыгыз, уйламыйча әйткән сүзләрегез белән аларның күңелләрен яраламагыз, аларга карата игътибарлы  булыгыз, аларның теләкләрен, гозер-үтенечләрен колак яннарыгыздан уздырып җибәрмәгез.

 10 нчы укучы. Өйдә кеше юк, тып-тын

                          Матур буяулар таптым,

                          Стенадагы обойга

                           Рәсем ясыйм бабайга.

                          «Тагын кая ясыйм»,- дип

                           Йөргәндә эзләп урын

                           Әни кайтты, шаккатты-

                           Ниләр эшләдең кызым?

                           Кичкә килә кунаклар,

                           Ни хәл итәбез, җәфа,

                          Минем бүләгем әзер,

                          Ә син бәлешләр яса.

 11 нчы укучы.  Коймагы да коймагы!

                            Агып тора каймагы,

                            Табада пешеп тора,

                            Табынга төшеп тора,

                            Кайнар!- яланкул тотма,

                            Тәмле телеңне йотма,

                            Син телеңне йотсаң, Гөлнара,

                             Кем рәхмәт әйтер әбигә?

          12.Әбиемне көтеп алам,

               Авылда яши бит ул.  

               Ул килгән көн бәйрәм

               Аның белән рәхәт шул.

                            Әби килгәч үзебездә    

                            Кунак кебек йөрибез.

                            Тәмле әйберләр пешереп

                            Ашата әбиебез.

13нче укучы.. Гел елмаеп кына тора

                        Барыбызны да көйләп.

                        Кич утырганда, җыелып,

                        Көлдерә кызык сөйләп.

                             Әбекәм, син, кадерлем,

                             Тагын кайчан килерсең?

                             Җәй җиткәч, синең яныңа

                             Үзем барам, күрерсең.

14 нче укучы. Һәр иртәне иркәләп

                          Дәү әнием уята.

                          Көләч йөзле әбиемне,

                          Курчагым да ярата.    

                          Курчагым белән без аңа,

                          Матур җырлар җырлыйбыз.

                          Уйнап аргач, дәү әнинең

                          Әкиятләрен тыңлыйбыз.

15 нче укучы. “Иң ягымлы кешем шул син,

                             Әбием, бердәнберем!

                             Өйрәт әле, мин дә белим

                             Әби булуның серен”.

                             Әби көлә:”Әби булу

                             Тора бары оныктан.

                             Мин бит әби булдым, кызым,

                             Нәкъ син туган минуттан”.

Алып баручы: Әбиләргә беренче конкурсны тәкъдим итәбез. Ул ”Бала баласы балдан татлы”дип атала.

Хөрмәтле әбиләр, берничә минуттан соң сез оныгыгызның иркәләп әйтелгән исемен әйтергә тиеш. Бәлки алар берничәдер; исегегезгә төшерә торган арада сезнең өчен бию. (Бию)

Әбиләрнең җаваплары тыңлана.

Алып баручы:  Әниләр һәм әтиләр балаларына дәрес әзерләргә булыша, кайчак сез дә булышасыздыр. Хәзер без сезнең белемегезне тикшерәбез.

- Йомык күз белән дә нәрсә күреп була? (төш)

- Америка акчасы. (доллар)

- Көн белән төн нәрсәбелән  бетә?(н хәрефе)

- Нәрсәне ак алтын, нәрсәне кара алтын дип атыйлар? (мамык, нефть)

- Нинди шәһәрдә аш пешереп була? (Казан.)

  - Нинди шәһәрдән балык тотып була?(Алабуга)

Алып баручы:  Безнең әибләр белемнәре белән оныкларын гына түгел безне дә шаккаттыра.

 16. Иртән торсам кояш чыгып

              Нурларын сипкән иде.

              Әбиемнең чәе кайнап

              Коймагы пешкән иде.

                              17. Без әбине яратабыз,

                               Ул да безне ярата.

                               Якты йөзе, йомшак сүзе-

                               Барысы безгә карата.

              18.Әби безгә ”тәмле ашлар-

              Һәммәсен пешерәм”,- ди.

              Балаларым, сез дигәндә

              Барысына өлгерәм,- ди.

                                19. Әби шулкадәр сагынган  

                                  Башлардан сыйпап ала

                                  Яныннан узып киткәндә

                                   Аркадан сөеп кала

Әбиләргә сораулар.  

 - Телевизордан кызык кино бара, сез ашарга пешердегез. Аш суына. Оныкны ничек кинодан аерып ашарга китерәсез?

- Бирелеп-бирелеп уйнаган оныкны ничек йокларга яткырырга?

- Кибеттә йөргәндә оныгыгыз үзенә ошаган уенчыкны сатып алырга куша. Сез нишлисез?

- Оныгыгыз мәктәптән елап кайта. Сез нишлисез?

- Оныгыгызның көндәлегендә укытучыдан кисәтү. Нишлисез?

- Оныгыгызны тәрбияләүдә нинди  тәҗрибәгез белән уртаклашыр идегез.

20 нче укучы.Барабыз дәү әнигә!

                         Дәү әнигә барабыз.  

                         Һәммәсен дә алабыз:

                          Әлфияне алабыз,

                         Гөлфияне алабыз.

                         Рифат белән Азатны

                         Бер арбага салабыз.

 21 нче укучы.  И рәхәт дәү әнидә?

                          Алмагачлар астында,

                           Түр тәрәзә каршында,

                          Кошлар сайрап торганда,

                           Өчпочмак ашаганда...

22 нче укучы.  Калабыз дәү әнидә!

                         Калабыз бөтенләйгә,

                         Кыш та торырга, җәй дә.

                         Рифат белән Әлфия

                         Бүтән авырмасын дип

                         Дәү әнием гомергә

                          Ялгызы тормасын дип,

                            Әти яңа өй сала,

                         Зу-ур сыер сатып ала.

                          Вәт!

23 нчы укучы.  Дәү әнием, дәү әтием!

                            Сез бит минем йөрәккә иң якыны.

24 нче укучы.   Җир йөзенең бөтен матурлыгын,

                            Килә сезгә бүләк итәсе.

25 нчы укучы . Дөньядагы матур сүзләрнеңдә

                          Иң җылысын сезгә әйтәсе.

26 нчы укучы. Яшәгез сез мәңге яшь булып,

                           Оныкларга терәк булып.

Барсы бергә:   Сәламәтлек, ак бәхетләр

                         Юлдаш булсын гомергә.

 Җыр “Әбием,әбекәем!”

      - Сабыр, йомшак күңелле әбиләребез, акыллы олпат бабайларыбыз  бүгенге бәйрәмгә килүегез өчен зур рәхмәт сезгә! Гел шундый якты йөзле, тәмле сүзле булып оныкларыгызны сөендереп, озак яшәгез! Һәр көнегез кадер хөрмәттә үтсен. Бәйрәм белән Сезне.