Без тырыш укучылар
классный час (2 класс) на тему

Татарстан Республикасы Арча районы

“Яңа Кенәр урта гомуми белем мәктәбе”

муниципаль бюджет гомуми белем учреждениесенең  

1 нче Б сыйныфында  ачык тәрбия сәгате

( тәрбия сәгатендә әти-әниләр катнаша)

Укытучы: Сафина Рания Саубановна

2013 ел

Максат:    укучы булу белән горурлык хисе тәрбияләүдә ярдәм итү, гаилә белән элемтәләрне      ныгытуга этәргеч бирү. Укучыларның белемгә омтылышын, сәнгатькә булган сәләтләрен үстерү өстендә эшләү.

Җиһазлау: презентация, карточкалар.

Тәрбия сәгате барышы.

1. Оештыру өлеше. Максатны әйтү.

                -Әле кайчан гына 1нче сентябрь иде. Сез, матур чәчәкләр, укучы сумкалары тотып, мәктәпкә килдегез.Шул көннән башлап, 5 ай вакыт үткән. Сез чын укучылар булдыгыз. Бүген без әти-әниләргә нинди укучылар булуыбызны күрсәтербез.

2.   Әңгәмә. Укучылар чыгышы.

        Укытучы:        -Укучы- зур исем. Ул нинди булырга тиеш? ( тәртипле, тырыш, акыллы, әдәпле, уйларга яратучы, китаплардан һәм Интернеттан кирәкле белемнәр алырга әзер булган бала укучы була.)

                - Мин җөмләләр укыйм. Сез минем фикер белән риза булсагыз, “әйе” дип, риза булмасагыз “юк” дип җавап бирегез.

                - Укучы дәрескә соңга калып килә.

                -Укучы класстагы дусларына булыша.

                -Ул дәрестән соң саф һавада уйный, сәламәтлеген ныгыта.

                -Өйдә олыларга булыша, дәрестә өйрәнгәннәрне кабатлый.

                -Ашханәдә сөйләшеп, көлешеп утыра.

                -Партага язарга ярата.

Безнең тәрбия сәгатенә бер кунак килергә тиеш. Кем икәнен табышмактан белерсез.

Көлтә-көлтә койрыгым

Селки-селки барамын

Мин үзем бик җитез дә,

Хәйләкәр дә буламын.

• Бу төлке.
• Әйе, укучылар,дөрес. Төлке кызы килгәндер инде, кертик.

( Төлке киеменнән 5 Б сыйныфы укучысы керә.)

Төлке:Исәнмесез! Ай-яй, нинди зур, якты өйдә утырасыз сез!

Укытучы:Исәнме, төлке! Бу өй түгел, сыйныф бүлмәсе. Без тик кенә утырмыйбыз, белем алабыз.

Төлке: Сез кемнәр соң?

Укучылар: Без Яңа Кенәр мәктәбенең 1 нче Б сыйныфы укучылары.

Төлке:Мин дә урманда китаплар карыйм, укый гына белмим.

Укытучы: Әйтеп кара әле, 2 гә 1 не кушкач, ничә була?

Төлке: 6 тирәсе инде.

Укытучы:Сәламәт булу өчен нишләргә кирәк?

Төлке: Иртән күп итеп йокларга кирәк.

Укытучы:  Син беренче сыйныф укучылары турында беләсеңме?

 Төлке: Юк, белмим.

Укытучы:Алайса, тыңла.Укучылар сиңа һәм кунакларга шигырьләр сөйләп күрсәтер.

1 укучы   Бер кыз кайта мәктәптән

                 Матур гөлгә охшаган.

                Чиста, нәни куллары

                Кысып тоткан сумканы.

2 укучы    Бите тулган ай кебек,

                  Өсте-башы бик җыйнак,

                  Бик тыйнак кыз күренә,

                  Тукталмый юлда уйнап.

3 укучы  Ашыга тизрәк кайтырга

               Әнисенең янына.

              Килер өчен мәктәпкә

              Иртә торып тагын да.

4 укчы      Агачлар ничек үсә дә

                Тамчы ник ташны тишә?

                 Кошлар ник биек оча да,

                Алма ник җиргә төшә?

5 укучы     Ник яшел яфрак язын да,

                 Ник сары була көзгә?

                 Шуларның менә барын да

                  Өйрәтер мәктәп безгә.

6 укучы      Белемле булам дисәң,

                    Кирәк яхшы укырга.

                  Уңган балалар гына

                  Барысын да булдыра.

7 укучы   Көмеш кыңгырау чыңлый,

                Юк, чыңламый ул, җырлый:

               -Балалар, килегез,-ди,-

                 Дәрескә керегез, ди.

-Әйдәгез, дәрескә керик. Әти-әниләргә белемнәрне, тапкырлыкны күрсәтик.

( Презентация кулланып, 10 эчендә исәпләү күнекмәләре тикшерелә.)

• Читаем предложения  по карточкам. Они вам знакомы по учебнику Азбуки.
• Әлифба дәресләрендә алган белемнәрне ребуслар чишү аша искә төшерик. Сез булдыра алмаганда әти-әниләр ярдәмгә килер.

3.   Йомгаклау. “Тылсымлы кәрзин” уены.

        Икенче елга сез билгеләр алачаксыз. Кәрзиннән һәр укучы” билге “ ала. Нинди билгеләргә укырсыз икән? (Кәрзиннән балалар  4, 5 билгеләре ала.)

        -Ә 3 һәм 2ле кемдә? Алар кәрзин төбендә калганнар, берәүгә дә эләкмәгәннәр.

Укытучы: Балалар! Әти-әниләргә Чын күңелдән зур рәхмәт әйтик. Алар да сезнең белән укырга керде: сезне кайгырталар, уңышларыгызга сөенәләр, ялгышсагыз, борчылалар.Алар сезнең шатлык-сөенечләрне генә күреп яшәсәләр иде.Кичәбезне җыр белән тәмамлыйк. “Яратам”җырын бергә башкарыйк.