Проект по экологическому воспитанию "Зеленая елочка"
проект (2 класс) по теме

Муниципаль бюджет белем бирү учреждениесе

“Теләкәй төп гомуми белем бирү мәктәбе”

Проект

“Яшел чыршы”

                  Эшләде: 2 класс укучысы

            Галимҗанова Илнара

                                              Җитәкчесе: башлангыч класс укытучысы

                                   Мусина Гөлнара Миркасыйм кызы

2014 ел

Предмет: әдәби уку

Проект авторы: 2 класс укучысы Галимҗанова Илнара

Проектның тибы: эзләнү – тикшеренү

Төп сорау: “Ни өчен без яшел чыршыны яратабыз?”

Проблемалы сораулар:

1. Ни өчен кешеләр чыршы агачын яраталар?
2. Ни өчен чыршы барлык ел фасылларында да яшел?
3. Чыршы агачының файдасы нидә?
4. Чыршы агачы кулланылган нинди бәйрәм бар?

Проектның бурычлары:

1.Үстерүче бурычлар:

- кирәкле материалны сайлап ала белү күнекмәсен үстерү;

- коммуникатив күнекмәләрне үстерү;

- укучыларның сөйләм телен үстерү;

- шигъри әсәрләрне сәнгатьле уку күнекмәсен үстерү;

-компьютер техникасы куллану күнекмәсен үстерү.

2. Өйрәтүче бурычлар:

- укучыларның чыршы агачы турында белемнәрен киңәйтү;

- “чыршы” сүзе нәрсә аңлатканлыгын, аның файдасы нидәлеген ачыклау;

3. Тәрбияви бурычлар:

- табигатькә сак караш, гуманлы мөнәсәбәт тәрбияләү.

4. Практик  бурычлар:

- электрон презентацияләр ясау, чыршы турында шигырьләр, табышмаклар, мәкальләр, сынамышлар җыентыгы булдыру, музыкаль җыентык, укучылар ясаган рәсемнәрдән, укучылар ясаган эшләрдән күргәзмә оештыру;

- ата – аналарны чакырып проектның презентациясен уздыру.

Эзләнү методлары:

1. Әдәбиятне өйрәнү һәм анализлау.
2. Интернеттан, мәктәп һәм авыл китапханәләреннән информация эзләү.
3. Күзәтү, чагыштыру.
4. Эзләнүле әңгәмә.
5. Табигатькә экскурсия.

Проектның нәтиҗәсе (продукты): электрон презентацияләр, чыршы турында шигырьләр, табышмаклар, мәкальләр, сынамышлар җыентыгы, музыкаль җыентык,  укучылар ясаган рәсемнәрдән, укучылар ясаган эшләрдән күргәзмә.

Проектны чынга ашыру этаплары:

1 этап – оештыру-әзерлек эшләре этабы– эш юнәлешләрен билгеләү һәм укучылар арасында эш бүлешү

2 этап – информацион этап

3 этап – практик-ориентлашу этабы

4 этап – нәтиҗәләр этабы

                               Чыршы

Саргаядыр көз көнендә һәр агач яфраклары;
Юк яшеллекләр хәзер, урман вә сахра сап-сары.

Саргая таллар, усаклар, алмагачлар һәм каен;
Хәстә төсле, арта сары төс аларда көн саен.

Үз төсен үзгәртми саклаучы арада берсе бар:
Көз көне һәм кыш буе саргаймый торган чыршы бар.

Габдулла Тукай

                                                  Чыршы сүзе

Сез Яңа ел каршылыйсыз,  

Сезнең өчен яңа ул.                                                                  

Ылысларда шәмнәр булып

Минем гомер яңа ул.

Шулай минем йөрәк яна

Яңа елга кергәндә,

Балта - пычкы тотып килгән

Кешеләрне күргәндә.

Сезгә бәйрәм. Әйлән - бәйлән

Уйныйсыз да көләсез.

Ә бит юкса, кисү белән,

Үлүемне беләсез.

Бу соравым - әйләнәмдә

Җырлап йөргән җырчыга.

Сезнең Чыршы бәйрәмегез

Бәйрәм микән чыршыга?

                                                    Җ.Дәрзаман     

Үсте чыршыбыз урманда

Шаулап торды ул анда

Җәен дә, кышын да зифа,

Яшел тора һаман да.

Хәзер чыршыбыз бизәнгән,

Муенсалар да элгән.

Безгә шундый матур бәйрәм

Яна ел алып килгэн.

Чыршы турында сынамышлар

Әгәр чыршы ботакларын аска төшерсә -                                                       яңгыр көт, өскә күтәрсә - аяз булачак.

Чыршының күркәләре аскы ботакларында үссә -                                              салкынннар кыш башында була,                                                                                 әгәр күркәләр биектә үссә -                                                                                                                салкыннар кыш азагында булачак.

Чыршы күркәләре ачылса -                                                                                            җылы кояшлы һава торышы булачак.

Чыршы күркәләре башында булса,                                                                 ашлыкны иртә чәч,                                                                                                              әгәр дә төбендә булса - соң чәч.