Күңелле мизгелләр.
занимательные факты по теме

“Сәламәт яшәү рәвеше” кичәсенә укучылар өчен төзелгән шигырьләрдән

                Хәрәкәттә – бәрәкәт

Саулыгың бит үз кулыңда,

Чыгарма син исеңнән.

Һәрчак хәрәкәттә булып

Яшә, эшлә бүгеннән.

 Шул максатны алга куеп

 Без үсәбез гөр килеп

 Һәр нәрсәдән ямь табабыз,

 Яшибез җаен белеп.

                                                 Әле менә рәхәтләнеп,

Туп тибәбез яланда.

           Кемдер җиңә, кем җиңелә,

Үпкәләү юк алай да.

                                                 Сөенеп көтеп алабыз

                                                 Һәрчак физкультураны..

                                                 Ныгытабыз сөякләрне,

                                                 Һәм мускулатураны

  Гәүдәгә дә, кулбашка да

    Гимнастика ул теннис.

    Чиратлашып шар сугабыз

    Бик теләп һәм бик җитез.  

                                          Табигатьнең һәр мизгелен

                                          Яратабыз, сөябез.

                                          Алтынсары яфракларны

                                          Зәңгәр күккә чөябез.

                                         Алтын көзнең муллыгыннан

                                         Витаминнар алабыз.

                                         Эре, кызыл миләшләрне

                                         Чиләкләргә салабыз.

Күтәренке күңел белән      

Уйныйбыз саф һавада.

Бездәгедәй матур кышлар

Юктыр ул беркайда да.

Саф һавалы ап-ак кышның

Әрәм үтми бер көне.

Тәгәрәтеп җепшек карны

Ясадык зур төлкене.

Хәрәкәтнең бөтен төрен

Ясыйбыз сизмичә дә.

Үреләбез, иеләбез

 Без эһ - эһ итмичә дә

                                Шашка – шахмат безнең дуслар,

                                Аерылмыйбыз беркөн дә.

                                Баш миләренә хәрәкәт -

                                Читттә калмый беркем дә.

Әз генә вакыт булдымы,

Биергә тотынабыз.

Ялкаулыктан ансат кына

Без шулай котылабыз.

Сәламәтлекнең нигезен

Хәрәкәт тәшкил итә.

Шуңа күрә безнең көннәр

Гел хәрәкәттә үтә.

                           Әгәр итсәң син хәрәкәт –

Булырсың һәрчак сәламәт.