Әниемә бер җыр бүләк булсын...
методическая разработка (2 класс) по теме

МББУ Зур Сәрдек гимназиясе

Сафиуллина Ф.Х.

2013

Талгын көй яңгырый, укучылар тезеләләр.

Укытучы. Кадерле балалар! Хөрмәтле кунакларыбыз:әниләр, әбиләр! Сезнең барыгызны

да бәйрәм белән котлыйбыз. Сәламәтлек, ак бәхетләр юлдаш булсын сезгә! Балаларыгызның матур җырлары, шигырьләре сезгә бәйрәм бүләге булсын.

1-бала Күкнең матурлыгы-йолдызларда,

            Көннең матурлыгы-кояшта,

            Җирнең матурлыгы-әниләрдә,

Бергә: Сәлам сезгә бездән иң башта.

2-бала. Кырлар әле кардан әрчелмәгән,

            Тик яз инде якын, бик якын.

            Бу ак пәрдә кинәт ачылыр да,

            Язлар җитәр җәеп канатын.

3-бала. Аксакал кыш инде озак тормас,

            Вакыт уза, китәр ул бездән,

            Шаулап-гөрләп кошчыклары белән,

            Кояшлы яз килер яңадан.

Х О Р      Ямьле язлар җиткәч (07) - 50

4-бала. Күтәренке күңелле,

             Бар да көләч, шат бүген.

             Күктә кояш елмая,

            Яшерә алмый шатлыгын.

5-бала. Тып-тып тама тамчылар,

             Җырлап бәйрәм көенә.

            “Бәйрәм бүген”,-дип, гүя

             Тамчылар да сөенә.

6-бала. Җырлыйсы килеп кенә

             Тора бүген минем дә.

             Көтеп алган бәйрәме

             Бүген һәммәбезнең дә.

7-бала. Җыр күтәрә күңелне,

             Бар да көләч, шат бүген.

             Бүген әни бәйрәме,

             Сигезенче март бүген.

Х О Р      Җыр “Иң матур җыр” (Җ.Тәрҗеманов сүзләре, Г.Гәрәева көе)   (12)  -  55

8-бала. Килеп җитте 8нче Март!

             Әниләр, бу сезнең көнегез.

            Сез үстергән балалардан бүген

            Кайнар котлау кабул итегез.

9-бала. Котлыйбыз сезне, әниләр,

             Көләч йөзле әбиләр,

             Эштә уңган апалар,

Бергә:  8нче Март белән!

10-бала. Йөзең синең һәрвакытта

               Балкып тора, әнием.

               Аш-суыңнан тәмле исләр

               Аңкып тора, әнием.

11-бала.  Нинди назлы, нинди эшчән

                Синең куллар, әнием.

                Бөтен дөнья бүләк итә

               Алтын нурлар бәйләмен.

Х О Р     Җыр “Әниләр бәйрәме” (Саҗидә Бикчәнтәева сүзләре)-“ (13)   56

12-бала. Күрәсезме, бүген кояш

               Ничек назлы елмая?

              Әниемнең бәйрәмен

              Ул да бит көтеп ала.

1-бала.  Безне назлап үстергәнгә,

              Әниләр, рәхмәт сезгә!

              Һәрвакыт эшчән булганга,

              Әниләр, рәхмәт сезгә!     

Бергә.   Һәрвакыт тырыш булганга,

             Әниләр, рәхмәт сезгә!

2-бала.  Бөтен әниләргә кояш

              Тигез өләшсен нурын.

              Таңыбыз нурлы булсын!

              Таңыбыз тыныч булсын!

3-бала.  Җырым бүләк итәм, әнием, сиңа,

              Онытылмас гомер-гомергә.

              Бу җырымны сиңа багышладым,

              Җырлыйм аны сиңа бүген дә.

Х О Р     Җыр “Әниемне яратам” (Ф.Илаева сүзләре) “Күбәләкле болында” кассетасы-2-як;11

         3.Яратам мин әниемнең

           Чишмәдәй саф тавышын.

           Чишмәдәй саф тавышында

           Челтерәп көйләр агышын.

           Моңлы көйләр агышын,

          Чишмәдәй саф тавышын.

          Әниемне яратам!

Укытучы. Хөрмәтле әниләр! Хәзер сезне уенга чакырабыз.Уен барышында балалар сезгә үзләренең җырлар-биюләрен әле тагын бүләк итәрләр.

 Уенда 12 әни катнаша. Аларның күкрәкләренә исемнәре беркетелә. Бер кырыйда өстәлдә сораулар куела.

1 уен. “Парлашу уены” (“Әнисә” татар халык җыры башкарыла.)Уенчылар ике түгәрәктә биеп әйләнәләр. Җыр туктагач парлашалар. Парсыз калган әни өстәлдә яткан сорауларның берсен ала, сорауга җавап бирә.

2 уен. “Кем өлгер?”     (“Талы-талы” татар халык көе яңгырый.)Уен кечкенә шакмаклар белән уйнала. Идәнгә уенчылар саныннан бергә ким шакмаклар куела.Уенчылар шакмак тирәли биеп йөриләр. Җыр туктагач, һәр кеше бер шакмак алып өлгерергә тиеш. Шакмаксыз калучы сорау ала.

1. Музыкаль тәнәфес. Җыр “Бииләр итек-читтекләр...”

3 уен.”Кем өлгер?” уены кабатлана.

4 уен.”Капкалы” (“Өммегөлсем” татар халык җыры башкарыла.) Ике алып баручы “капка” ясый. Уенчылар бер-бер артлы капкадан биеп чыгалар. Җыр туктаганда капкага эләгеп калучы сорау ала.

  Музыкаль тәнәфес. Зәмир.”Яз килә” (01) – 44

1.Җир җылыта микән,         Куш. Яз килә, яз килә,                  2. Канатлы җырчылар

Кояш та елмая.                                Чәчәкләр уяна.                        Моңлана таллларда.

Бар дөнья уяна,                                Йөрәккә яз килде,    2 кат      Бар дөнья уяна,

Бар дөнья уяна.                                Бар дөнья куана.                     Бар дөнья уяна.

                                                2-катта: Яз килә.                                                  Куш. 2 кат

                                                                                                           3. Куш. җырлана.

5 уен.”Йөзек салыш” (“Беләзегем-йөзегем” көенә.) Санамыш белән йөзек салучы сайлана. Йөзек салучы: ”Йөзек кемдә, сикереп чык” диюгә, йөзекле кеше сикереп чыга. Якындагы иптәше тотып кала алса. Ул сорау ала.

2. Музыкаль тәнәфес. Кызлар Җыр “Әнием, әнекәем...”

6 уен.”Йөзек салыш” уены кабатлана.

7 уен.”Такыя бирешле”(“Ал чия төпләрендә” татар халык җыры башкарыла.) Тәкыя кулдан-кулга күчерелә. Җыр туктауга тәкыя кемдә кала-шул сорау ала.

8уен.”Урындыклар”. 4 кеше уйный. (Бию көе уйнала. Урындык тирәли биеп йөриләр. Көй тукталуга урындыкка утырырга тырышалар. Урындыкка утыра алмый калган кеше сорау ала.

 Җиңүче билгеләнә. Аңа приз бирелә.

Әниләрне кочаклап бүләкләрен бирәләр.

Кичәнең икенче өлеше чәй өстәле янында дәвам итә.