Сценарии праздников (4 класс) по теме: "Сау бул, башлангыч мәктәп!"
методическая разработка (4 класс) по теме

Арча районы Лесхоз урта гомуми белем мәктәбе филиалы –

Кече Төрнәле башлангыч мәктәбе

“Сау бул, башлангыч мәктәп!”

4 сыйныфны тәмамлаучы

укучыларга багышланган бәйрәм кичәсе

Укытучы: Фахриева Дания Фарух кызы

2013 ел

Класс бүлмәсе плакатлар, шарлар, чәчәкләр белән бизәлгән. Укучыларнын кул эшләреннән, үрнәк дәфтәрләрдән күргәзмә оештырыла. Талгын музыка яңгырый. («Укытучыма» жыры Э.Мөэминова сүзләре, И.Хисамав музыкасы). Музыка астында укучылар чыгып тезеләләр.  

Укытучы: Исәнмесез, хәерле көн хөрмәтле әти-әниләр, кунаклар, балалар. Бүген без "Соңгы      Кыңгырау" бәйрәменә җыелдык. Әле кайчан гына сез мәктәпкә барырга әзерләнеп йөри идегез. Күлмәк, алъяпкычларыгызны ничә тапкыр киеп карадыгыз."1сентябрь кайчан җитә дип?"әти-әниләрегезне аптыратып бетердегез. Мәктәптә сезне мин каршы алдым hәм без бергәләп "Белем иле"нә кердек.

   Әйе, хәтердә ул көн. 2009нчы елның 1сентябрь көне сезнең әти-әниләрегезнең,туганнарыгызның күңеленә мәңге онытылмаслык көн булып кереп калды. Шул көннән башлап бу бина сезнең икенче туган йортыгызга әйләнде, сез 4ел буе монда теләп, яратып белем серләренә төшендегез.

Укучылар сойли:
           1)Дуслар,бүген нинди көн?
               Сез беләсездер бәлкем?
               Белмәсәгез,үзем әйтәм,
               Бүген безнең бәйрәм көн!
                          2)Ямьле май иртәсен күреп
                            Күңелләр канатланды.
                            Бүген бездә бәйрәм дуслар
                            Укулар тәмамланды.
             3)Уку елы тәмам булды,
               Без җыелдык бәйрәмгә.
               Шатлыгыбыз эчкә сыймый,
               Ничек сезгә сөйләргә?
                            4)Бәйрәм белән барыгызны
                             Котлыйбыз дуслар!
                             Безне дә бит котлар өчен
                             Кайтканнар кошлар.
               5)Нигә бүген куанмаска,
                 Без бит инде зур үстек.
                 Дүртенчене тәтамлап,
                 5нче сыйныфка күчтек.
                           6)Кулларыма чәчәк җыйдым
                              Өскә матур күлмәк кидем.

                              Тәүге тапкыр укырга дип
                              Әй,мәктәбем сиңа килдем.
               7) Ел да шулай очар кошлар кебек
                   Озатып кала мәктәп -изге йорт
                   Сабый чакны эзләп без килербез,
                   Онытма син, мәктәп безне көт.
   Укытучы: Әйдәгез, дусларым, бу елларның ничек узуын искә төшереп китик.Әйе,укучылар, беренче сентябрь, беренче кыңгырау, беренче дәрес,аннан икенчесе, өченчесе hәм бик күп дәресләр. Дәресләр белән беррәттән тәрбия сәгатьләре, очрашулар, бәйрәм-кичәләргә әзерләнү мәшәкатьләре дисеңме, төрле бәйгеләр, санап бетерерлек түгел. Кыскасы 4ел заяга узмаган.
Кадерле укучыларым! Башлангыч сыйныфларда алган белемнәрегез, без башкарган эшләр алдагы елларда сезгә ныклы нигез, гүзәл башлангычлар булса иде дигән теләктә калам. Ә хәзер әйтегез әле, укучылар, 4ел буе сез аеруча кайсы фәннәрне үз иттегез?
 (Җаваплар)
   Укытучы: Чыннан да үзенең мәшәкатьләре, шатлыклары белән 4ел вакыт үтеп тә киткән. Шушы еллар эчендә сез укучылар минем өчен иң матурлар, иң уңганнар, иң кадерлеләр булдыгыз. Сезнең белән мин үземне бик бәхетле итеп тойдым.

«Укытучыма» жыры башкарыла.Э.Мөэминова сузлэре, И.Хисамов музыкасы.

Укучылар сойли:
              8)Әле кичә генә иде кебек
                 Тар сукмактан сиңа ашыктым.
                 Әй, мәктәбем, син бит безгә маяк
                 Ничек итеп сине онытасың.
                        9)Бу йортта никадәр
                         Яктылык,матурлык.
                         Күңелләр гел аңа
                         Торадыр тартылып.
              10)Чәчләремә ак тасмалар тагып
                  Кулларыма алдым букчамны.
                  Әй, мәктәбем, - белем илеңә
                  Ачып кердем синең капкаңны.    
                          11)1сентябрь – ул көнне
                        Мин hаман хәтердә саклыймын.
                         Әй, мәктәбем, синнән гүзәлрәк

                         Башка җирне бер дә тапмыйм мин.    
              12)Җәен дә истә ул

                   Йөрсәң дә кайда да.
                   Сентябрь җиттеме,
                   Чакырып кайтара.
                           13) Хәтерлим ул көнне мин
                                  Дәртләнеп йөргән идем.
                                  Син, мәктәбем, балачакның
                                  Асылы дияр идем.  
                                  Иң нурлы изге йорт -
                                  Кадерле кемгә дә.
                                  Иң саф уй күңелдә
                                  Бу йортка килгәндә
                                  Класска кергәндә.

«Мәктәп» җыры башкарыла. Ф. Мортазин музыкасы, А.Хәмзин сүзләре.

Укучылар сойли:

14) Мәктәп. Укытучы. Бу ике сүз hәрберегезнең күңелендә. Укытучы! Бу сүздә күпме мәгънә.  Бүгенге бәйрәм көнебездә беренче укытучыбызга да җылы сүзләр табыйк.
                                15)Беренче укытучы! Бу сүзләр
                                 Мәңгегә калырлар йөрәктә.
                                 Сагынып гел искә алырбыз
                                 Булсак та без еракта.
 16)Тәүге тапкыр кулларыма
 Әлифбаны бирдегез.
 "Әйдә,балам,белем иле
 Сине бик көтә" дидегез.
 Өйрәттегез хәрефләрне
 "Дөрес яз, тырыш"-диеп  
 Әниемдәй якын кешем
 Бары сез генә минем.
                                 17 )Өйрәттегез башлангычта
                                 Хәреф танып, саннар язарга.
                                 Кешеләрне hәрчак яратырга,
                                 Ә зурларны хөрмәт итәргә.
18 )Минем нәни кулларымны
 Сез эшкә өйрәттегез.
 Ялгыш, хата, бозуларны
 Язганда кисәттегез.

                                19)Күпме сабырлык сыйгандыр
                                Сезнең күркәм йөрәккә.
                               Барлык эшләрегез өчен
                                 Сез бик лаек хөрмәткә.

«Ойрэтэлэр мэктэплэрдэ» жыры башкарыла.

  20) Төрле чакны апа күргәнсездер,
        Сызылгандыр бик күп яралар.
        Күзегезгә кунган моңсулыкны
         Бары еллар гына дәвалар.
         Онытмабыз апа,сез бит безнең
         Әниебез кебек булдыгыз.
         Кирәк чакта безгә иң беренче
          Ярдәм кулын сез бит суздыгыз.
                                  21)Укытучы. Әни. Бу ике сүз
                                 Күңелемдә булыр янәшә.
                                 Йөрәгемнән чыккан изге хисләр
                                 Әни сиңа бүген эндәшә.
                                 Безнең өчен җирдә иң кадерле
                                 Кешеләр бит сез әниләр.
                                 Белем иленә дә зур баскычтан
                                 Алып менәсез бит, сез, әниләр.
   22) Кадерле әти-әниләребез, әбиләребез. Менә без дә үсеп җиттек. Сез бөтен көчегезне безне тәрбияләүгә бирәсез. Безнең белән куанасыз, безнең белән кайгырасыз. Рәхмәт Сезгә барысы өчен дә. Сезгә сәламәтлек, бәхетле озын гомер, иминлек телибез.

«Әниемә  бүләгем» җыры  башкарыла.  (М.Минһаҗев  көе, Р.Вәлиева сүзләре).

 Ә хәзер сүзне укучыларны котлау өчен әти-әнилэргэ бирик. Котлаулар.

Укучылар сойли:
                                     23)Чәчәкләрдән җем-җем итеп
                                           Якты нурлар бөркелә.
                                           Бүген безнең укытучыбызга
                                           Рәхмәт әйтәсе килә.
24)Сездән күргән яхшылыкка
Ничек итеп рәхмәт әйтәсе.
Сез бит миңа бик кадерле
Килми минем китәсем.

                                   25) Укытучы язгы кояш кебек
                                         Күңелемне назлап җылыта.

                                         Авыр чакта ярдәм кулы суза
                                         Сабыр сүзе белән юата.
26)Баш иябез бүген сезнең алда,
Бурычлыбыз сезгә гомергә.
Өйрәттегез «Дус hәм тату булып,
Яшәгез!»-дип шулай гомергә.
                                      27) Зур тырышлык куеп мәктэп өчен
                                       Ару-талу белми эшлисез.
                                       Укытучы дигән зур исемгә
                                        Бик лаеклы кеше сез.
                                        Рәхмәт сүзебезне әйтер өчен
                                        Күп эзләдек матур сүзләрне
                                        Алыгыз сез бүген кабул итеп
                                        Чын йөрәктән шушы җырларны.  
28) Нинди рәхмәтләр дә аз булыр күк,
Аз булыр күк кылган теләгебез.
Зур хөрмәтләр белән моң -җырыбыз
Булсын сезгә безнең бүләгебез.
                  Бергә: Безгә белем биргән өчен,
                             Кадерләп үстергән өчен,
                             Назлы карашыгыз өчен,  
                             Дөрес тәрбиягез өчен,
                             Икенче әни булган өчен,
                             Барсы,барсы, барсы өчен,
                             Рәхмәт сезгә, укытучым!
 Җыр: "Иң гүзәл кеше икәнсез" Ф.Яруллин сүзләре, Ә.Хәйретдинов көе.
Укытучы: Ак юл сезгә дүртенчеләр
              Телибез без.
              Авырлыкны җиңү өчен
              Табыгыз көчләр.
               Кыңгырау чыңы сезне
               Илтә озын юлларга.
              Зур уңышлар юлдаш булсын
               Сезнең барыр юлларда.
              Хушлашу минуты чаң кага
               Укучы, сиңа ул юл сала.
              Мәктәбең, дусларың барысы
              Кул изәп озатып кала.

Тәмам. Соныннан алып килгән күчтәнәчләр белән чәй эчү оештырыла.