Сценарий праздника "Һау бул,әлифба!"
материал (1 класс)

“Хуш бул, Әлифба!” Һәм “һау бул, 1 класс!”

Маҡсат:

• Балаларҙың алған белемен, өн-хәрефтәрҙе нисек үҙләштеререүен күрһәтеү;
• Белем алыуҙың ни тиклем кәрәклеген аңлатыу;
• Йыр-моңға, китапҡа һөйөү тәрбиәләү;

Йыһазландырыу: плакаттар, презентация.

Уҡытыусы:

Хөрмәтле ата – әсәләр, уҡыусылар! Бөгөн беҙҙә оло байрам, тантана. Яҙҙың иң матур, йәмле көндәренең береһендә 1 класс уҡыусылары әлифба һәм беренсе класс менән хушлаша.1 йыл элек, беҙ тәү башлап, Белем тауы баҫҡыстарының иң бейек үрҙәренә күтәрелдек. Уҡырға, яҙырға,һанарға, мәктәп тормошо ҡағиҙәләре менән йәшәргә өйрәндек. Хөрмәтле ата-әсәйҙәр! Балаларҙың белемде тырышып үҙләштереүендә һеҙҙең өлөш бик ҙур! Һеҙгә лә бик ҙур рәхмәт! Әле яңы ғына мәктәп ишеген асып кергән уҡыусыларыбыҙ бөгөн беренсе еңеүҙәрен байрам итәләр. Әйҙәгеҙ  уларҙы сәхнә түренә саҡырайыҡ.

Гүзәлиә:

Шаулап-гөрләп, бергә-бергә

Мәктәптә бер йыл үтте.

Инде бөгөн май ҡояшы

Сағыу нурҙарын һипте.

Ильмир:

Әлифба тигән китапты

Ҡулыбыҙға алғайныҡ

Серле хәрефтәргә ҡарап

Бик аптырап ҡалғайныҡ.

Шәүрә:

А, ә хәрефен танырға

Уҡытыусым өйрәтте

Тик хәрефтәр шаян икән

Тыңлашмайса йөҙәтте.

Руслан И.:

Хәҙер инде бөтәбеҙ ҙә,

Хәрефтәрҙе беләбеҙ.

Матур, яғымлы һүҙҙәрҙе

Аҡ ҡағыҙға теҙәбеҙ.

Зарина:

Әсәй- “Ә” хәрефенән,

Балам “Б”- нан башлана

Дәрес “Д” – нан, жираф “Ж”-нан

Зәкир “З” – нан башлана.

Данияр:

Ә иң аҙаҡ “Я” хәрефе

Яман тора ҡупайып

Сөнки ҡояш һүҙендә лә

“Я” тора бит йылмайып.

Алһыу:

Бер хәрефте икенсегә

Тырыша, тырыша ялғайбыҙ.

Һүҙ артынан һүҙ теҙелә

Артта тороп ҡалмайбыҙ.

Мәликә:

Хәҙер әсәй мин ҙур үҫтем

Уҡый-яҙа беләмен.

Әлифбаның шиғырҙарын

Ятҡа һөйләп бирәмен.

Шамил:

Әсәй һүҙен ижекләһәң

Ә һәм сәй килеп сыға

Сәй ярата шул әсәйҙәр

Эй көлдөк инде шуға.

Нәркәс:

Тел асҡысы – әлифбаға

Бөгөн рәхмәт әйтәбеҙ

Тырышып, матур уҡырға

Һүҙ бирәбеҙ бөтәбеҙ.

Йыр “Әлифба”.

Руслан К.:

“Әлифба” ярҙамы менән

Килеп еттек “Туған тел”гә.

Тел байлығын үҫтерҙек,

Шәп уҡырға өйрәндек.

Нуриман:

«Һә»тигәнсе уҡып бирәм

Туған телдең биттәрен.

Әкиәттәрен һөйләйем мин

Һәр көн һайын кистәрен.

Анжелика:

Мин был китапты яраттым,

Хәрефтәрен өйрәндем.

Ғорур әйтәм уҡый беләм

Таң ҡалдырып һәр кемде.

Шуға күрә әйтәм уға:

• Рәхмәт,һиңә, Туған тел!

Вадим:

Грамматика, грамматика,

Наука очень строгая.

Учебник по грамматике

Всегда беру с тревогой я.

Аделина:

Она трудна, но без нее

Плохое было бы житье:

Не отправить телеграмму,

И открытку не отправить.

Даже собственную маму

С днем рожденья не поздравить.

Денир:

И прекрасна, и сильна-

Математики страна.

Здесь везде кипит работа,

Все подсчитывают что-то.

Эльвира:

Литература – прекрасный урок,

Много полезного в каждой из строк.

Будь это стих или рассказ,

Вы учите их, они учат вас.

Фәнгиз:

Белем тауын асты мәктәп,

Белем тауы бик бейек.

Өҫкә менгән һайын донъя

Киңәйә бара кеүек.

“Өйрәтәләр мәктәптәрҙә” йыры

Уҡытыусы:

Аҡыллы гөбөргәйел һеҙгә эштәр алып килгән. Шуларға дөрөҫ яуап бирһәгеҙ, байрамығыҙҙы дауам итерһегеҙ. Һеҙ ризамы?

Уҡыусылар:

Риза, риза,!

Уҡытыусы:

-Алфавитта барыһы нисә хәреф?

- Ике өндө белдергән хәрефтәрҙе әйтегеҙ.

Уҡытыусы:

- Ә хәҙер йомаҡтарымды сисегеҙ:

1. Һәр көн кәрәк өҫтәлдә

Беҙгә ҡеүәт өҫтәргә.(Икмәк)

2. Йылы яҡтарҙа йәшәй,

     Ауыр йөктәр ҙә ташый.(Фил)

3. Без-без безелдәп,

     Ҡорттар йыялар мине.

     Һалҡын тейеп ауырығанда

     Дауалайым мин һине. (Бал)

1. Кескенә йорт,

     Эсе тулы ҡорт.(ҡыяр)

2. Ултыра бер аҡ сүлмәк

       Өҫтөнә кейгән йөҙ күлмәк.(кәбеҫтә)

3. Түңәрәк-ай түгел,

     Һары-ҡояш түгел,

     Тәмле-шәкәр түгел,  

     Ҡойроҡло-сысҡан түгел.(шалҡан)

4. Тышы йәшел, эсе ҡыҙыл,

     Йылы яҡтарҙа үҫә.

     Бигерәк тәмле, бигерәк һутлы!-

     Исемен әйт әле белһәң!(ҡарбуз)

5. Йәйен һоро, ҡышын аҡ,

     Ҡылый күҙ, оҙон ҡолаҡ.(ҡуян)

6. Бер нәмә тегә белмәй,

     Энәләр тағып йөрөй.(терпе)

7. Үҙе ул бал ярата,

     Ҡыш буйы йоҡлап ята.(айыу)

8. Береһе көндө ярата,

Береһе төндө ярата.

Икеһе лә донъяға

Яҡты нурҙар тарата.(Ай һәм Ҡояш)

9. Алмаш-тилмәш өс күҙ яна:

Йәшел, һары һәм ҡыҙыл.

Урамда иҫән йөрөргә

Булыша ул көн оҙон.(Светофор)

10. Ағас түгел-япраҡлы,

Тун түгел-тегелгән.(китап)

11. Ултырабыҙ урманда

Ап-аҡ эшләпә кейеп.

Киптерә лә, ҡыҙҙыра ла

Кешеләр беҙҙе йыйып.(бәшмәк)

В линейку, в клетку что-то

Расчерчено всегда,

И буква, цифра, нота

Заносятся туда. (Тетрадь)

Меня ладонь в наклон берет,

По полю белому ведет,

Я оставляю черный след,

Его лишь грамотный прочтет. (Ручка)

Передо мной вращается Земля,

Но дивно, что ее вращаю я. (Глобус)

Как в школе у меня дела идут,

Они моим родителям не врут. (Оценки)

Уҡытыусы:

• Дәрес дәрес менән, шулай ҙа ял итергә онотмайыҡ.

Малайҙар бейеүе.

Уҡытыусы:

- Мин һеҙҙең бик зирәк, бик тапҡыр икәнлегегеҙҙе белдем. Әйҙәгеҙ әле, минең мәсьәләләрҙе сисегеҙ.

1. Терпе бәшмәккә барҙы,

9 аҡ бәшмәк тапты.

          3-тө ҡуйҙы энәһенә,

          Ҡалғанын кәрзиненә.

          Терпе нисә бәшмәкте

          Кәрзиненә ҡуйҙы?(6)

2. 7 малай урамға

Сыҡты футбол уйнарға.

Өсәү килде тағын да,

Иҫәплә һин барын да.(10)

3. Аҡ ҡайында өс турғай,

Түбәндә биш сыйырсыҡ.

Әйтмәҫ микән берегеҙ-

Барыһы нисә ҡошсоҡ?(8)

4. Айҙар китте урманға,

Тәмле еләк йыйырға.

Бына ун елән тапты,

Бишәүһен үҙе ҡапты.

Нисә ҡалыр силәктә?

Уйла, тиҙрәк иҫәплә!(5)

Уҡытыусы: Ҡәҙерле балалар! Әлифбаны өйрәнеүҙә ата-әсәйҙәребеҙҙең ярҙамы ҙур булды. Әйҙәгеҙ уларға рәхмәтебеҙҙе белдерәйек.

Бөтәһе бергә:

Һеҙгә ҙур рәхмәтебеҙҙе

Еткерәбеҙ һәммәбеҙ.

Оло ярҙамығыҙ өсөн

Башыбыҙҙы эйәбеҙ!

“Әсәйемдең ҡосағы” йыры

Уҡытусы:

• Әсәйҙәр! Балалар һеҙгә бәләкәй генә бүләк тә әҙерләгәйнеләр.

«Тирмәкәй” әкиәтен сәхнәләштереү:

Сысҡан – Шәүрә

Тәлмәрйен – Илмир (һикерә)

Терпе – Денир (шиғыр һөйләй)

Ҡуян – Зарина (ҡалаҡта уйнай)

Төлкө – Аделина (Яулыҡ менән бейеү)

Бүре – Анжелика (туп һикертә)

Айыу – Руслан И.(йырлай)                                                                                             )

Ҡотлауҙар (бүләктәр, грамоталар, конверттар тапшырыу, сәй эсеү).