Светофорда кунакта!
план-конспект занятия по теме

Әлмәт муниципаль районы мәктәпкәчә мәгариф белем бирү учреждениясе гомумүстерешле-58 нче”Шаян нәниләр” балалар бакчасы

ИКЕНЧЕ КЕЧКЕНӘЛӘР ТӨРКЕМЕНДӘ ЮЛ ЙӨРҮ КАГЫЙДӘЛӘРЕ БУЕНЧА СПОРТ УЕН КИЧӘСЕ                                                                                       ( әти – әниләр өчен ачык шөгыль)

ТЕМА: Светофорда кунакта.

        Физкультура җитәкчесе: Боромотина Р. Д.

            Тәрбияче: Кирамова Г.М.

                                                  Тема: « Светофорда кунакта».

Максат: балаларны светофор белән таныштыру;  аның яшел, сары, кызыл сигналлары турында аңлату;  светофорның яшел уты янгач кына хәрәкәт итәргә кирәклеген өйрәтү; юл йөрү кагыйдәләре турында белемнәрен ныгыту; балаларда игътибарлылык сыйфатлары тәрбияләү.

Ярдәмлек: уенчык светофор, юл сүрәтләнгән сюжетлы рәсемнәр, юл билгеләре, уен өчен руль, кызыл, сары, яшел төстәге түгәрәкләр, уенчык машина, кәрзиннәр, кызыл, сары, яшел төстәге кечкенә туплар.                                                                                                                                            

Шөгыль барышы. ( Музыка астында тәрбияче артыннан балалар физкультура залына атлап керәләр һәм бер рәткә тезеләләр).                                                                                                                                     Тәрбияче: Балалар, мин сезгә хәзер табышмак әйтәм, ә сез аны игътибар белән ныгытып тыңлагыз һәм дөрес җавап бирергә тырышыгыз.                                                                                                                           Юл чатында тора бер батыр,                                                                                                                                               Күзләре төрле-төрле,                                                                                                                                                 Берсен ача, берсен йома-                                                                                                                                                                Аны белә һәрбер бала.                                                                                                                                                 Балалар: Светофор.                                                                                                                                         Тәрбияче: Әйе бик дөрес. Ә сезнең аның белән танышасыгыз киләме?                                                      Балалар: Әйе.                                                                                                                                                           Тәрбияче: Алай булгач, әйдәгез, бергәләп светофорга кунакка барабыз. Барасыгыз киләме? Балалар: Әйе.                                                                                                                                                               Тәрбияче: Моның өчен безгә машинага утырырга кирәк. Машинаны карыйк әле, төзек микән? Балалар карагыз әле,  машина тәгәрмәченең тыны юк икән, әйдәгез тын кертәбез. Насосны алдык ш-ш-ш-ш-ш-ш. Тын керттек хәзер бензин салырга кирәк. Бензин багын ачабыз чик-чик-чик-чик-чик-чик. Хәзер бензин агызабыз с-с-с-с-с-с. Бензин багын ябабыз чик-чик-чик-чик-чик-чик. Машинага утырып киттек. ( машина тавышлары чыгарып, бүлмәне бер тапкыр әйләнеп чыгалар да, светофор турында җыр җырлыйлар, шул вакытта светофор керә).                                              Светофор:                                                                                                                                                                 Урамнарны күзәтеп, урамнарны кисәтеп,                                                                                                            Һәрвакыт сакта торам мин.                                                                                                                          Кузгалма!-ди кызыл күз,                                                                                                                                          Сабыр!-дия сары күз,                                                                                                                                                        Ярый!-дия яшел күз. Исәнмесез, балалар!                                                                                            Балалар:Исәнме, светофор!                                                                                                                                          Светофор: Балалар, мин машиналарга, җәяүлеләргә юл күрсәтүче. Минем өч күзем  бар: кызыл, сары, яшел. Ул утлар бөтенесе берьюлы янмыйлар, бер-бер артлы яналар. Ә сез беләсезме, бу төсләр нәрсәне аңлата? Кызыл ут?                                                                                                                        Балалар: Юл аша чыгарга ярамый.                                                                                                                   Светофор: Ә сары ут?                                                                                                                                                        Балалар: Юл аша чыгарга әзерләнергә куша.                                                                                                Светофор: Ә яшеле нәрсә дия?                                                                                                                    Балалар:Юл аша чыгарга ярый дия.                                                                                                                    Светофор: Бик дөрес, беләсез икән? Ә сезнең минем белән уйныйсыгыз киләме?                                           Балалар: Әйе.                                                                                                                                                    Светофор: Башлыйбыз алайса. Беренче уен: “ Автомобиль һәм чыпчыклар” дип атала. Сез чыпчыклар буласыз һәм очып йөрисез, ә машина килгәндә ояларга качасыз, машинага тапталырга тырышмагыз. Молодцы, балалар, булдырдыгыз.                                                                                           Икенче уеныбыз: “ Урыныңны эзләп тап”. ( урындыкларга төрле төстәге гиометрик фигуралар кисеп ябыштырылган һәм балаларга да урындыктагы кебек фигуралар  таратыла. Балалар шул фигуралар ярдәмендә үз урыннарын эзләп табарга тиешләр.)                                                                                    Өченче уен: “ Өч төс”( идәнгә өч төстәге туплар таратыла һәм балалар әти- әниләренең ярдәме белән аларны өч кәрзингә аерып салырга тиешләр).                                                                                             Дүртенче уен: “ Светофор”( тәрбиче кулында кызыл, сары, яшел төстәге түгәрәкләр. Ул аларны алмаштыра - алмаштыра  бер – бер артлы күтәрә, а балалар аңа карап хәрәкәтләр ярдәмендә дөрес итеп күрсәтергә тиешләр. Кызыл төскә – туктап бармак янарга, сарыга – кул чабарга, яшелгә – атлап барырга тиешләр).                                                                                                               Светофор: Молодцы, балалар! Булдырдыгыз. Сезгә минем белән уйнавы ошадымы?                              Балалар: Әйе.                                                                                                                                                       Светофор: Балалар, мин өйрәткәннәрне онытмагыз, юлда йөргәндә һәрвакыт игътибарлы булыгыз! Балалар:Ярый, светофор.                                                                                                                                 Тәрбияче: Бик зур рәхмәт сиңа, ә хәзер безгә балалар бакчасына кайтырга кирәк.                                     Светофор: Тагын кунакка килегез!                                                                                                                             Балалар: Ярый.                                                                                                                                                      Тәрбияче: Машинабызга утырыйк та киттек.( шөгыль башлангандагы уен уйнала Һәм музыка астында балалар физкультура бүлмәсннән чыгып китәләр, ә светофор аларны кул болгап озатып кала).