Рәхмәт һиңә, ӘЛИФБАМ!
методическая разработка (1 класс) на тему

“Әлифба” байрамы

Маҡсат:  Класс коллективының эшенә йомғаҡ яһау,

                 Балаларға белеем алыуға аңлы ынтылыш тәрбиәләү.

         Плакаттар:

             Күп  уҡыһаң , күп белерһең.

             Белемле белеменә таяныр.

             Рәхмәт һиңә,  «Әлифба, яҡын дуҫ һин беҙгә.

             Беҙҙе уҡырға өйрәттең,онотмаҫбыҙ мәңгегә.

Байрам барышы

Музыка аҫтында балалар шар тотоп сығалар.

  Инеш һүҙ.

Ҡәҙерле балалар,ҡунаҡтар, 1синыфта оло  тантана -

«Әлифба байрамы. Бөтәгеҙҙе лә байрам менән ҡотлайым.(Слайд1)

Әле яңы ғына уҡырға килгәйнек.(Слайд 2,3,4)

Шиғыр ятлау.

1.Байрамдар беҙҙә етерлек

Үҙе байрам бала саҡ

Бала саҡтың шат йылдары

Мәңге иҫтә ҡаласаҡ.

2.Байрамдар бик күп былай ҙа

Иң кәрәкле, иң күнелле

Бөтәһе:   «Әлифба байрамы!

Ҡояш сыға таң менән,

Башлана байрам йыр менән!

          «Нурлы баласаҡ» йыры. (Слайд 5)

Уҡытыусы: Балалар ,һеҙ байрамға йыйылдығыҙмы ? Байрам  башланһын өсөн

Йомаҡтарҙы сисергә кәрәк.(Слайд 6)

Үҙе уҡый белмәһә лә

Ғүмер буйы яҙыша.(ҡәләм)

Ҡат-ҡат ҡатлама

Аҡылың булһа,ташлама.( Китап)

Ап-аҡ баҫыу өҫтөнән

Ҡара малай эҙ ҡалдырып йүгерә(ручка)

-Был йомаҡтар ҡайҙан?Эйе,Әлифба дәреслегенән.(Слайд 7,8)

Байрам түрендә кем булырға тейеш?

3.Эй Әлифба,Әлифба                                            4. Оло донъяға юл алдыҡ

  Беҙҙең беренсе китап                                        Ынтылып ,ҡанатланып.

Әлифба менән киләбеҙ                                       Әкиәт тә,хикәйәт тә

Белем һуҡмағын тапап.                                       Беҙ уҡыйбыҙ шатланып.

5.Рәхмәт ,һиңә,Әлифбабыҙ                               6. Әлифба,Әлифба

Белем иленең башы                                            Беренсе битеңде

Асыштарҙың,табыштарҙың                                Асҡан көн хәтерҙә

Бәхеттең нигеҙ ташы.                                         Ҙур байрам шикелле.

7.Иң яҡын дуҫыбыҙ                                        8. Хәрефтәр бик матур

Булдың һин гел беҙҙең                                       Һүҙҙәргә әйләнде.

Һәр хәреф йылмайып                                         Һүҙ төҙөп уҡыуы

Әйтте үҙ исемен.                                                  Ҡыҙыҡлы,күңелле.

9. Белем алыу еңел түгел

Белем еңел бирелмәй

Яулай уны бары шулар

Кемдәр уңған,иренмәй.

Әлифба. Уҡыусыларым ,аҡыллыларым минең ! Мине бөтәгеҙ ҙә матур итеп уҡый белә. Шуға ҡыуанам. Һеҙҙең алда ҙур һәм бейек фән тауы бар.Шул тауҙың башына

Менер өсөн тырышып уҡырға кәрәк.Хәҙер белемдәрегеҙҙе тикшереп ҡарайбыҙ.

-Ниндәй хәрефтән башланды?(слайд9)

-Нисә хәреф?(слайд10)

Уҡытыусы

Әйҙәгеҙ,серле биттәрҙе асайыҡ.

Коллектив бейеү “Әпипә” (слайд 11)

1-се бит. “ Уҡырға өйрәндек”(слайд12)

Үтелгән шиғырҙарҙы ятлау.

-Беренсе сентябрь.

- Тубым.

-Ни илайһыңХәҙисә?

-Төлкө ҡайҙа бараһың?

Һанашмаҡ.

Тиҙәйткестәр.

Әкиәттәр “ Торна менән төлкө” “Ике кәзә”,” Ҡомһоҙ эт”

Сәхнәләштереү  “Тирмә” әкиәте (слайд 15)

Сысҡан- Әрмәнде -Ҡуян- Төлкө- Бүре- Айыу

2-се бит “Уйнап әйтһәң дә,уйлап әйт”( карточка)(Слайд 16)

 1)Артыҡ хәрефте күрһәт.

-а, ә, о, у, ы;

-н, р, ж, л, м, ң, й;

-д, ф, к,  с, т, п, ҫ;

-ж-ш, з-с, г-к, ғ-ҡ, м-л;

-и, ү, ы, ә, ө, ә.

2) Ижектәрҙән һүҙ төҙө.(слайд17)

Кү- ,     са-  ,   кө-  , ас- ,     мәк- , сур- ,  

-тәп,     -рәк,      -ған,      

- мер,    -тан,    -ҡыс.

3)Әсәйҙәргә эш (слайд 18)

Белем тураһында мәҡәлде дауам ит

Уҡыған белер,уҡымыған бөлөр.

Белмәгәндең беләге тыныс.

Белмәү ғәйеп түгел,белергә теләмәү ғәйеп.

Белем алык- энә менән ҡоҙоҡ ҡаҙыу.

Ҡыҙҙар йыры “Әсәйемә ярҙам итәм”(Слайд 19)

Уҡытыусы: Дөрөҫ  уйланығыҙ, ихлас уйнанығыҙ. Хәҙер артабанғы бите асайыҡ. Бында ни яҙылған уҡып ҡарайыҡ, мәғәнәһен төшөнәйек.

3-сө бит  «Иҫәп белһәң- уңырһың,белмәһәң- туңырһың ».(слайд 20)

1) Һүҙҙәрҙән һан исемдәрен тап:

берҙәм, тун, көслө, алтын, йөҙгән, етегән, бишмәт.

2) Шиғри мәсьәләләр.

Ҡуңыҙ ниңә сатанлай                           Бер ҡарт ҡайын ағасында

Бер аяғын һындырған                           Үҫте 7 сәтләүек

Быға тиклем 6 булһа                              Уны тейен күреп ҡалды

Нисә аяғы ҡалған?                                  Алды 3-әүһен өҙөп

                                                                      Нисә сәтләүек ҡайында ҡалды?

.  «Әлифба: Афарин балалар! Бик шәп балалар бар икән бында. Серле биттәрҙе асып та бөттөгөҙ.

Гел шулай булығыҙ уҡыуҙа.

 Тырышты һөйә белем.

  Халҡым шатланһын һеҙгә

 Ҡыуанһын Тыуған илем.

Әлифбаны бик яраттым

Хәрефтәрен өйрәндем

Ғорур әйтәм уҡый беләм

Һоҡландырып һәр кемде.

Әлифба,Әлифба

Китәһең бит инде

Йыр итеп йырлайбыҙ

 Иң һуңғы битеңде.

     Күмәк йыр  “Әлифба” Слайд 21

Ҡәҙерле балалар, миңә инде китер ваҡыт та етте, башҡа балаларға ла барып,

Уларҙы,уҡырға,яҙырға өйрәтергә  ашығам.» Һеҙ минән һуң килгән китаптарҙы ла бик яратып укығыҙ, һәр саҡ шулай булығыҙ.

    Һау бул, «Әлифба

    Ҙур  рәхмәт һиңә.