Конспект урока по родному языку "Мут-влак кокласе кыл"
план-конспект урока (2 класс)

Класс:2

Предмет: Марий йылме.

Урокын типше: У шинчымашым налме урок.

Урокын темыже: Мут-влак кокласе кыл

Цельже: ойлончышто мут – влакын икте – весышт дене кылдалт шогымышт.

Задаче-влак:

образовательный: мут –влак коклаште йодышым шындаш туныкташ;

развивиающий (вияндыме): шке шонымашым раш да чын каласен кертмым, шкевуя паша ыштымым вияҥдаш.;

воспитательный: шочмо йылмым утларак йöраташ кумылаҥдаш.

Кучылтшаш материал – влак: компьютер, проектор, тунемме книга, тÿшка пашалан картычке-влак.

Урокышто тунемме действий – влакым вияҥдымаш:

Личностный УУД:

-Илышыште шкем кучен, аклен мошташ тунеммаш, тыгодым пашан вийжым шижмаш.

Регулятивный УУД:

-Марий йылмын моторлыкшым арален, чын кучылт моштымышт;

-Предложенийыште лÿм мут – влаклан чын йодышым шынден мошташ.

Коммуникативный УУД:

-Чын мутланен моштымышт;

- Урокышто икте- весым пагален, аклен моштымышт;

Урокын эртымыже.

Организационный ужаш.

- Салам, лийже йоча-влак. Таче мемнан урокышкына уна-влак толыныт. Айста нунын деке савырнен, шыргыжал колтена да жапнам шуйыде урокнам туҥалына. Шичса. А мемнан кумылнаже могай?,

Киддам рÿзалтыза(йоча-влакым паша деке кумылаҥдымаш)

- пурла киддам рÿзалтыза, кöн таче кумылжо сай;

- шола киддам рÿзалтыза, кö таче пашам сайын ыштынеже;

- кок киддам рÿзалтыза, кö мöҥгысö пашам ыштен толын;

Уроклан чылан ямде улыда, тугеже, тӱналына веле.

Тетрадьым почына, чын пыштена. Числам да Классысе пашам возена.

Арун да чаткан возымо пашам эртарена.

г к

Ик уш сай, кокыт – сайрак». Молан калык тыге ойла? (пашам ышташ куштылгырак, кунам йолташ пырля, але тӱшкан ыштет).

Урокнан эпиграфше: «Ик уш сай, кокыт - сайрак». Мыйын шонымаште, тиде калыкмут тачысе уроклан пеш келшен толеш.

2. Урокын цельжым шындымаш.

- Мемнан Марий Эл республикына пеш кугу. Тушто атобус, поезд кудалыштыт. Йоча-влак, а те поездым ужын улыда? А республикнан могай районла гоч кудал эрта? (Медведево, Звенигово,Волжский район) А кö поездым вÿда? (машинист)

-Поезд ден вагон коклаште могай кыл? (вагон-влак икте-весышт дене ылдалт шогат.)

-А мут-влак коклаште кыл лийын кертеш мо? Мут –влак икте-весышт дене кылдалт шогат? Те кузе шонеда, таче урокышто мо нерген ойлаш ÿналына?

Теме: Мут-влак кокласе кыл.

Урокын цельжым шындымаш. Урокышто мом пален налшаш улына? Ойлончышто мут – влакын икте – весышт дене кузе кылдалт шогат.

Машинист мыланна пашам конден. Айста икымше вагоныш ончалына, Могай паша мемнам вуча. Максим икымше вагоным почеш.

Мужырлыза. Слайдыште сÿрет.Рвезе воза мо?

Ручкаже уло мо? Ӱдырын кидыштыже мо? Тугеже, ÿдыр мом ышта?

Мут-влакна мо дене кылдалтыт? ( Ойлончышто мут-влак ик шонымаш дене кылдалтыт.)

-А ынде кокымшо вагоным почына. Кö почеш?

Книга почеш паша

48-ше паша - устно

Изам тунемеш. Тÿҥ членым муына. Тиде кÿчык ойлончо.Подлежащий ден сказуемый муткылдыш огыт лий Нуно кучык ойлончо лийыт

Йöратыме изам рÿдолаште тунемеш. Тиде ойлончым терадьыш возена. Изам (могай?)- йöратыме изам, тунемеш (кушто?) - рÿдолаште тунемеш.

Тидымак мыланна правил пеҥгыдемда. стр 32.

Правилым лудмаш

49-ше паша – устно

Физкультминутко

-Ту-ту-ту ту-ту-ту

Поезд писын кудалеш

Поезд писын кудалеш

Теве тышке шогалеш

-Пашанам умбакыже шуена. Кумшо вагоным почаш кÿлеш.Ко чолга?.

Сÿрет почеш паша Слайд

- Сÿретыште идалыкын могай жапшым ончыктымо?

-Рвезе-влак мом ыштат? (пареным кÿнчат) -Ӱдыр-влак мом погат?

Паренгым кушан оптат?(мешакыш) Слайд

-Шыже пагыт пакчасаскалан моткоч поян. Мешакыш мом эше поген кертына? (кешырым, ушменым, паренгым, ревым, йошкарушменым….)

- Нине пакчасаска-влак коклаште мом кокымшо кинде маныт? (пареҥгым)

-Йоча-влак, пареҥгым икымше гана мемнан деке Европо гыч (Голландий) 1698 ийыште Петр Первый кугыжа конден. Шыже чоя пагыт. Эрдене кече онча, кечывал деч вара йÿштö мардеж пуалеш, йÿрат оптал кая.

-Шыжым черланаш огыл манын, мом ыштыман?

-Кужгын чийман, пакчасаскам кочман. Слайд

-Мемнан «Москва» колхозна ковыштам ончен кушта. Шыжым тудым поген налеш. Айста «ковышта» шомак дене ойлончым чонена. Тидлан 2 тÿшкалан шелалтына.

1. Ковышта тазалыкым пеҥгыдемда.

2. Ковышта салатым йöратем.

- 4 вагоным почаш жап. Кö почеш?

Кö диктор лийнеже?» Кö вашке, йоҥылыш деч посна писылудышым (скороговоркым) каласа. Писылудыш почеш паша.(слайд 8)

Коча – пок – пок, йоча –коп – коп.

(Йоча –влак 3 гана ойлен ончат.)

Урокым иктешлымаш.

- Урокышто мом ум пален налда?

-Подлежащий лен сказуемый муткылдыш лийын кертыт мо? (Уке. Кÿчык ойлончо лийыт.)

- Ойлончышто мут-влак кузе кылдалтыт? (Шке шонымашышт дене)

-Мут шомак мыняр буква гыч шога? Айста шотлена. Ужыда, 3 буква гына, а мыняр шуко пашам ыштен шуктышна. Тиде але чыла огыл. Вес урокышто ме адак мут поянлыкнам пойдараш тÿналына. Тÿналме пашанам умбакыже шуена.

Шкем аклымаш

-Урокна мучашке лишеме. Могай кумыл дене урокнам иктешлена?

- Кö урокышто тыршен пашам ыштен, чыла умлен- кечым нöлталеш.

- Кö пашам эркынрак ыштен, вигак умылен шуктен огыл- пылым

- А кö изиш öрканенрак шинчен, пашам начарын ыштен – йÿрым нöлталеш.

Мöнгысö паша: правилым тунемаш, 54-ше пашам шукташ.