Внеклассное мероприятие по родному (чувашскому) языку "Давайте вместе поиграем"
методическая разработка (1, 2, 3, 4 класс) на тему

Чăваш Пăрнай вăтам шкулĕ

Элкелти муниципалитетлă районĕ

Тутар Республики

    Класс тулашĕнче ирттернĕ    

     экранизациленĕ мероприяти

   «Айтăр  пĕрле выляр - и?»

                                                                    Яковлева В.Г. кĕҫĕн классенче чăваш  

                                                                               чĕлхипе    литературине вĕрентекен

 Пĕлӳ тĕллевĕ:

•  ачасен пурнăҫĕнче вăййа тĕленмелле пысăк пĕлтерĕшлĕ  пулнине кăтартасси;
•  расна ӳсемри ачасен юратса вылянаă вăййисемпе паллаштарасси;

  Воспитани тĕллевĕ:

• ачасен тавра курăмне, ҫынлăхне, ерет-несĕпне хăпартас тĕллевпе чăваш халăх сăмахлăхĕн тĕслехсемпе пурнăҫра усă курма вĕрентесси;

  Эстетика тĕллевĕ:

• вăйăсенче чăваш культури, чĕлхи, ачасен пурнаҫĕ туллин ӳкереннине кăтартасси, илемлĕ туйăмсене ачасенче вăратса ҫиреплетесси, вăйăсене выляс килнине аталантарасси;

  Зала йеркелесси: «Ҫĕр пин юрă, ҫĕр пин сăвă, ҫĕр пин  тĕрĕ ҫĕршывĕ» плакат, ачасем тĕрленĕ чăваш тĕррисем ҫакăнса тăраҫҫĕ, тĕрленĕ ĕлекхи чăваш саппунĕсем, кĕписем…  

Мероприяти йĕрки:

       /Ачасем зала алла-аллăн тытăнса «Ҫĕмĕрт ҫĕски ҫурăлсан» чăваш халăх  

       юррине юрласа кĕреҫҫĕ. Икĕ картана тăрса юрлаҫҫĕ. Вĕсем хăнасене  

       сывлăх сунаҫҫĕ, пуҫ таяҫҫĕ./

Ертсе пыракан: - Ырă кун пултăр, сывă - и, хаклă ял-йыш: ачасем, хăнасем! Паян эпир сирĕнпе чăваш халăхĕн пултарулăхне тепĕр хут аса илсе мĕн вĕреннине, пĕлнине ҫирĕплетсе хăварар - ха.

Иреклĕ ҫĕр-шыв ытăмĕнче,

Ҫутă хумлă Атăл хĕрринче

                                                                         Ĕҫлĕ халăх,

                                                                        Чăваш халăх пурăнать.

-тесе ҫырнă П. Афанасьев. Чăваш халăхĕ хăйĕн уявĕсемпе паллă. Мĕнле илемлĕ чăваш ҫи-пуҫĕ, тĕрри. Чăваш халăхĕ мĕн авалтан ĕҫчен халăх пулнă. Вăл  уй-хирте те ĕҫленĕ, ал ĕҫне те тунă, юрра-ташша та пултарнă.

   Чăваш хĕрĕсемпе каччисем кунĕпе ĕҫлесе ывăннă хыҫҫăн каҫсерен вăййа тухнă. Вăйăра час-часах ывăнни ҫинчен мансах кайнă.

   -Ачасем, эпир те  асаттесемпе асаннесем ҫамрăк чух вăййă тухнă пек вăййă ирттерер, ташлар, выльар, савăнар. Хамăран ваййа йеркине уҫса пырса тĕлентерер-ха!

1-мĕш чĕрĕк « Пулмасла халап»

Ертсе пыракан: Ҫуркунне… Хĕвел пăхать… Хĕрачасем ҫерĕм ҫинче шакчульпе выляҫҫĕ.

(Пĕр ача сцена хĕрринче теттесем туса ларать,

пĕчĕкрех ача кĕрет, пысăкраххипеле калаҫма пуҫлать)

-Пичче, эс мĕн тăван?                               -Курмастăн- и, теттесем.

-Теттесемпе мĕн тăван?                            -Пасара кайса сутатăп.

-Сутса мĕн тăван?                                      -Укҫа тăватăп.

-Укҫапа мĕн тăван?                                    -Укҫа чул касать, теҫҫĕ ваттисем.

-Мĕнле касать вара вăл чулне?                -Мĕнле, мĕнле?! Ӳссен пĕлĕн ак.

-Тата мĕн сутаҫҫĕ пасарта?                       -Тем те сутаҫҫĕ пасарта.

-Атя, пичче, пасара.                                  -Ҫăпату ҫук.

-Пичче, ҫăпата туса пар.                           -Пушăт сук.

-Пушăт аҫта?                                              -Вăрманта.

-Вăрман аҫта?                                             -Йăлăмра.

-Атя, пичче, вăрмана.                               -Лаша ҫук.

-Лаша аҫта?                                               -Пасарта.

-Атя, пичче, пасара?                                 -Ҫăпату ҫук…

       -Эй, санпа калаҫса ҫăвар тутине ярас мар.  (Аслăраххи алă сулать те пăрахса каять)

2 –мĕш чĕрĕк «Кулăшлă вăйăсем»

Ертсе пыракан:- Чăваш халăхĕ сĕре сăнавлаă халăх пулнă, ĕлĕкренех ҫут-ҫанталăка сăнаса унăн йĕркине хăйне кирлĕ май ҫавăрса ĕҫлеме тăрăшнаă, юлхав та наян ҫынсенчен кулма, вĕсене вĕрентме тăраăшнă.

                                   /Ачасем пĕчĕкҫĕ сценкăсем выляҫҫĕ/

Пĕр ача:                    -Ачасем, пăхăр-ха, эп мĕн тупрăм?

-Уяр, уяр, уяр пулсан – ҫӳлелле кай,

Ҫумар пулсан – аяллалла кай.

Ачасем:                                                       Ҫӳлелле кайрĕ! Ҫӳлелле! Уяр пулать!

Тепĕр ача:                                                          -Ав,ав, тăри вĕҫет.

 Ачасем:                                                         -Ăҫта? Ăҫта?

-Ав, хĕвелпе ҫумăн.

Тăр-тăри, тăр-тăри,

Тăри килне куртăр-и?

Пăри пăтти ҫакрăр-и?

Мана ҫиме чĕнтĕр-и?

/Ҫĕр ҫине выртса йăваланать./

-Мĕн тăватăн эсĕ?

-Тăри курсан, ҫĕр ҫинче выртса йăваланмалла, теҫҫĕ, ваттисем. Вара ҫын чирлемест, тет.

-Апла эпир те выртса йăваланар.

/Виҫҫĕше те выртса йăваланаҫҫĕ/

/ Пĕчĕкҫĕ ачасем лашалла выляса чупса кĕреҫҫĕ. Пĕр ачи пĕчĕкреххине чарса ыйтать:/

-Пасара кайса-и?                                 -Кайса.

-Купăс илсе-и?                                    -Илсе.

-Калама юрать –и?                             -Юрать!

           / Пысакки пĕчĕккине кăтăклать. Пĕчĕкреххи кула-кула тухса каять.

                            Иккĕн сцена ҫине тухса тăраҫҫĕ. Пĕри теприне:/

-Итле-ха. Эсĕ ман хыҫҫăн «эп те» тесе пыраятăн-и?                 -Пыраятăп.

 -Эп пасара кайрăм.                                       -Эп те.

-Эп кулачă илтĕм.                                           -Эп те.

-Эп кулач ачасене ҫитертĕм.                         -Эп те.

Эп хура пыльчăк  ҫирĕм.                               -Эп те.

                                      3-мĕш чĕрĕк «Юмахсем»

Ертсе пыракан: - Чăваш халăхĕн ытти халăхсем пекех сĕре нумай юмах. Паян эпир, ачасем, ҫав юмах ҫĕршывне кайса килĕпĕр. Итлеме хатĕр-и?

(Сцена ҫине пĕр ушкăн ача тухса ларать, вĕсемпе ватă асанне)

Ватă асанне:                           - Уҫланкăра, сĕм вăрманта,

                                                Юмах калать ват тунката.

                                                Ăна итлет пин-пин кăмпа

                                                Питех хаваслă кăмăлпа.

-Итлеме хатĕр пулсан, итлĕр ман юмаха…

«Автанпа тилĕ»

       Фермă картишĕнче темĕн чухлĕ чăх-чĕп уткаласа ҫӳрет. Ту леш енче, ҫӳллĕ карта хыҫĕнче, хĕрлĕ тилĕ йăпшăнать. Шĕвĕр сăмсине унта-кунта тĕрткелесе пăхать, анчах ниҫтан та кĕмелли ҫук.  

 Акă хӳме ҫине автан вĕҫсе ларчĕ, ҫуначĕсене ҫат-ҫат-ҫат ҫапса илчĕ те янравлăн юрласа ячĕ: « -Ки-ку-ре-ку-у!»

-Ах, автан тус! –йăпăртатса пычĕ ун патне чее тилĕ. – Сассу ытла та хăватлă санăн. Вăйлă пулас эсĕ. Ан кунта, кĕрĕшсе пăхатпăр.

  -Вăхăт ҫук манăн санпа выляма. Эп Хураҫка туса кĕтетĕп. Вăл паян ирех вăрмана тилĕ тытма кайрĕ.

-Ки-ку-ре-ку-у!- каллех хыттăн кăшкăрчĕ автанĕ.

    Ҫакна илтсен тилĕ вĕлт ҫаврăнчĕ те тарăн ҫырма енелле вĕҫтере пачĕ.

Асанне: - Мĕнле, ачасем, килĕшрĕ - и сире ман юмах?

Ачасем : -Килĕшрĕ. Килĕшрĕ. Тата каласа пар – ха, асанне.

Асанне:  - Юрать. Малалла итлĕр. Пĕр юмах каласа парап. Михали, Кĕркури, Ҫатлаттар кимĕпе ишнĕ, тет. Михалипе Кĕркури шыва ӳкнĕ, кимĕ ҫинче кам юлнă?

-Ҫатлаттар!

/Малтан кăшкăраканнине ҫемҫе ҫупкă лекет/

-Эс мана ма ҫатлаттартăн?

-Ху каларăн вет, ҫатлаттар тесе. /Ачасем кулаҫҫĕ/

- Ертсе пыракан: - Пирĕн уяв малалла тăсăлать…

4-мĕш чĕрĕк « Ташăсемпе юрăсем…»

-Ертсе пыракан: 

- Ташлăр, ташлăр темесен те     -Юрлăр, юрлăр темесен те      

Ташлаканĕ пулас ҫук та,             Юрлаканĕ пулас ҫук та,

Ташлаканĕ пулас ҫук та.            Юрлаканĕ пулас ҫук.

                                         (Ачасем сцена ҫине пуҫтарăнса тухаҫҫĕ, хуравлаҫҫĕ)

-Ма юрлас мар, ташлас мар та

Савăнăҫлă ӳснĕ чух та,

Савăнăҫлă ӳснĕ чух.

/Ачасем «Кукаҫипе кукамай»  юрра юрлаҫҫĕ, иккĕн инценировка кăтартаҫҫĕ,  ун хыҫҫăн «Линка-линка» юрă-ташă янрать./

Ватă асанне: - Вĕсем ташланине курса, хамăн та ташлас,  юрлас килсе кайрĕ. Атьар, хĕрсем, юрлар, ташлар.

/Ташлани, такмаксем янравлă кĕвви илтĕнсе каять/

Хĕрсем:                                                                -Каччăсем:                              

1. -Анаталла тăвал:                              2. -Анаталла тăвалла

 Хыт шăпăрпа шăлмалла,                        Хыт шăпăрпа шăлмалла,

Ҫакă ялăн каччисене                            Ҫакă ялăн хĕрĕсене

Тапмалла та утмалла.                                 Пăрпа лартса ямалла.

3.- Ҫырмара лачăка,                                     4.-Хура вăрман ҫырлине

Лачăкара вĕт шапа.                                          Чĕреспеле пухмалла,

Пирĕн ялăн каччисем                                      Сирĕн пире тиркеме

Чисти усал качака.                                     Шухăшласа пăхмалла.

             Пĕрле:        - Ҫырмара, лапара                         -Анне те вăрҫать мана,

                                   Лапра пулать-и вара,                    Атте те вăрҫать мана.

                                 Эпĕр кунта ташланăшăн                Вĕсем вăрҫни ним те мар

                                  Намăс пулать-и вара.                       Савни юратать мана.

5- мĕш чĕрĕк «Юмах ярап юптарап, йанаш ҫулпа  чуптарап …»

Ертсе пыракансем:  -Пирĕн чăваш халăхĕ сĕре пултаруллă, ăста тупмалли юмахсем калама, юптарусем юптарма. Эсир пĕлетĕр-и вĕсене? Тупсăмĕсене тупма пултартăр-и? Апла пулсан, итлер:

-Сер си                 - Ҫĕр ҫинче мĕн ҫемсе? (ал тупанĕ)

-Ҫĕр ҫинче мĕн ҫивĕч? (ҫивĕч сăмах)

- Ҫĕр ҫинче мĕн тутлă? (ыйхă)

-Ҫĕр ҫинче мĕн вăйлă? (ҫын)

                            -Авалхи чăвашсем кĕрхи вăхăта питĕ хакланă. Кĕр пуҫтарать, хĕл салатать, тенĕ вĕсем. Кĕрхи кунсенче хĕл каҫмалăх апат-ҫимĕс, утă-улăм тата хуҫалăхра кирлĕ япаласене пухма тăрăшнă. Кĕрхи апат-ҫимĕҫ ҫинчен тупмалли юмахсен тупсăмĕсене тупса пама пултаратăр-и эсир, ачасем?

-Теп сакайне ҫĕрсисем кĕрр! вĕҫсе кĕчĕҫ. (Ҫĕр улми)

                                   -Хăй ҫаврака – уйăх мар, хӳреллĕ –лаша мар, ҫап-ҫара та - ҫар ҫу мар, ҫулси симĕс – вăрман мар. Мĕн - ши ку? (Ҫарăк)

- Сарă Сарпикен сакăр вунă сараппан. (Сухан)

- Хĕрлĕ хĕр тĕрмере ларать, ҫӳҫĕ тулта. (Кишĕр)

-Ҫитмĕл хут тăхăннă, пĕрне те ҫелемен. (Купăста)

6 – мĕш чĕрĕк  «Пĕленккей е пĕлменккей»

Ертсе пыракан: - Ваттисен самахĕсемсĕр пирĕн тăван чĕлхе чухăн, янăравсăр, кăнттам янранă  пулĕччĕ. Ахальтен  мар ассаннесемпе асаттесем кулленхи калаҫура, ҫыравҫăсемпе сăвăҫсем ҫырура вĕсемпе анлăн усă кураҫҫĕ.

-Ачасем, эсир ҫак ытарлă пĕлтерĕшсене аҫта, хаҫан тĕл пулатар? Кам калама пултарать?....Тĕрĕс, ҫав тери пултаруллă вĕт-ха эсир!

  -Сирĕнпе вайă ирттеретĕп: эсир «пĕленккейсем-и»  е  «пĕлменккейсем-и» ?

     Пирĕн паллă учитель, ҫутта кăларакан И.Я.Яковлев чăваш халăхне халал парса хăварнă: вырăс халăхĕпе килĕштерсе пурăнма хушнă. Ҫак халала тĕпе хурса, вырăс халăхне сума-суса ваттисен сăмахĕсене икĕ чĕлхепе янраттарма тăрăшăпăр. Пултаратăр-и, тĕрĕслĕтпĕр?

-Аллупа ĕҫле, пуҫупа шухăшла. /Руками делай, а головой думай/

-Васкаса тунă ĕҫ тĕплĕ пулмасть./ Сделанное наспех не бывает прочным/

-Ĕҫрен хăраман ăста пулнă./Кто не боится работы, тот станет мастером./

-Калаҫассине сахал калаҫ, ĕҫлессине нумайрах ĕҫле./Меньше говори, больше работай/

-Ҫĕр ҫинче этем туман ĕҫ ҫук./На земле нет такого дела, которое не мог бы совершить человек./

 - Маттур, ачасем, эсир мана сĕре килĕшрĕр!

                         -Халь сире, хăнасене, пирĕн ăста ачасем юптарусемпе паллаштараҫҫĕ. Тимлесе итлĕр, хăвра вĕсем хушшинче палласа илмĕр-и?

                                                     «Вĕҫевҫĕсем» (юптару)

                                                           Кăркка хăпартланать,

Лупас урлах вĕҫмешкĕн хăтланать:

-Халех,- тет вăл,-халех!...

Анчах хăпартланни ун ахалех.

-Санран пулать-и! – тет автан.-

Ҫатан ҫине те эс ларса курман.

Манран вĕрен: тем ҫӳллĕш каштана

Вĕҫсе ҫитетĕп вăшт! кăна.

-Мухтанчăксем! –тесе вĕлт ҫеҫ

Ҫӳлтен вĕҫсе иртет Чĕкĕс. /А.Калкан/

«Чăрсăр автансем» (юптару)

Пĕр ирхине ик сар автан пĕр харăс курнă тулă пĕрчине.

-Эп куртам чи малтан!- пуҫланă янрашма пĕри.

-Ҫук, эпĕ! – тенĕ тапăнса тепри,- кĕҫтет-им сан пуҫу?!

Пуҫланнă акăш-макăш сапăҫу.

Ăна ҫерси илтсе кĕҫ пынă та сиксе

тул пĕрчине кап! хыпнă та вĕҫтернĕ йăвине.

Сисмен ҫакна «мăнаҫлă» автансем;

Ҫĕрси сăмси пек тулăшăн вĕсем

юнпа пĕветне пĕр-пĕрне.

Туссем! Ун пек ан пулăр ĕмĕрне!

7-мĕш чĕрĕк « Ача-пăча  вăййисем»

/Сак ҫинче ватă асаннепе хĕр ачасем лараҫҫĕ. Асанне ачасене тĕрĕ тĕрлеме вĕрентет. Хĕр ачасем саппун тĕрлеҫҫĕ, пĕри асанне патĕнче тăрать/

Асанне: -Эсĕ, хĕрĕм, йĕппе икĕ хутчен вĕттĕн чик те ҫип вĕҫне татса ил. Ҫĕвĕ сӳтĕлсе каймасть.

Хĕр ача: -Ай, пӳрнесем ывăнчĕҫ!

Асанне: -Пӳрнесем ывăнсан калама пӳрне такмакĕсем пур: эпĕ ыйтатăп, ыттисем хуравлаҫҫĕ.

-Пуҫ пӳрне, атя ларма!          -Пуҫ ыратать, пымастăп!( пуҫне тытса ахлатать)

-Шĕвер пӳрне, атя ларма!     -Шĕвĕртетĕп, пымастăп! (шĕвертне пек тăвать)

-Вăта пӳрне, атя ларма!         -Вăтана-а-тăп, пымастаăп! (вăтаннине кăтартать)

-Кача пӳрне, атя ларма!         -Качча каятăп, пымастăп! (тăрса саркаланать)

-Ятсăр пӳрне, атя ларма!       -Ятсăр эпĕ, каймастăп!

Ачасем: -Асанне, эпир тĕрлесе пĕтертĕмĕр.

Асанне: -Ну-ка, ну-ка, саппунусене ҫакăр-ха, сирĕн ĕҫе курам./Ачасем сакассе/. Ай, мĕнле маттурсем эсир! Ĕпле хитре сирĕн тĕррĕрсем!

-Кĕрем-ха эп пӳрте, эсир выльăрах.

             / Ачасем ҫĕнĕ вăйă тытанаҫҫĕ «Шур куянла»/

Вылякансем мулкачсем пек сиккелеҫҫĕ, ертсе пыракан патне пĕшкенсе лараҫҫĕ, сăмах калаҫҫĕ:

- Мулкач ларать пашкаса,

Ик хăлхине вылятса.

Ак ҫапла, ак ҫапла

Ик хăлхипе вылятса.

/Ачасем, мулкач хăлхисене вылятнă пек, аллисене ҫӳлелле ҫĕклесе вылятаҫҫĕ/

-Тӳсеймерĕ сиввине

Ăшăтать вăл тяппине.

Ак ҫапла, ак ҫапла

Ăшăтать вăл тяппине.

/Ачасем сиксе тăраҫҫĕ те аллисемпе ҫупаҫҫĕ, унтан аллисене умĕнче хĕрĕслесе тытса сылтăм аллипе сулахай хулпуҫҫине, сулахай аллипе сылтăм хулпуҫҫине ҫапкалаҫҫĕ, хăйсене ăшăтаҫҫĕ/

-Сивĕрех ăна тăма,

Вăл пуҫларĕ ташлама.

ак ҫапла, ак ҫапла

вăл пуҫларĕ ташлама.

/Ачасем пĕр вырăнта икĕ урипе хăрассăн сиксе ҫаврăнаҫҫĕ/

Ертсе пыракан: /пӳрнине ҫӳлелле ҫĕклесе, вăрттăн ҫапла калать:/

-Хӳри тукмак, шăлĕ шак-шак!

Ав килет!

Кашкар:                           -Эпĕ кашкăр – кашаман,  Выҫăх чухне ăсакан,    У-у-у!

/Мулкачсем кашкăртан тарса пытанаҫҫĕ, кашкăр никама та тытаймасть. 2-3 хут выляма юрать./

Ертсе пыракан: - Сывхарать вĕҫне пирĕн пĕчекҫĕ уяв.Юрă-кĕвĕпе пурăнакан ҫын вăл пуян чун-чĕреллĕ, усă кăмăллă, ырă шухăшлă, илемлĕ ҫын. Уншăн юрă та ырă ҫимĕс, сиплĕ эмел пекех. Сăпка сиктерет-и, вăййа тухать-и, ĕҫре вăй хурать-и – хай емерне юрăпа, ваййăпа, шӳтпе ирттернĕ чăваш ҫынни.

-Ырă йаласем пуррине

Асра тытса пурнар-и?

Атте-аннен сăввисене

Чунтан савса калар-и?

-Ачасене сăмах паратăп.

1-мĕш ача «Чи хитри»

1.Эпĕ ыйтрăм чечекрен:     3.  Эпĕ ыйтрăм чĕкесрен:       5.  Эпĕ ыйтрăм аннерен:

«Чи хитри мĕскер?»           «Чи хитри мĕскер?»                     «Чи хитри мĕскер?»

Хуравларĕ вăл кĕскен:        Хуравларĕ вăл кĕскен:                Хуравларĕ вăл кĕскен:

«Ҫӳлелле тинкер:               «Ман ҫине тинкер:                        «Таврана тинкер:

2.Сар хĕвел унта ҫисет,     4. Эп вĕҫетĕп ирĕкре,                 Пур ҫĕрте те ҫынсенче

Ҫич тĕсле шевли.                 Ҫул тӳпе карри                         Савăнăҫ йĕрри.

Пĕр тĕсне мана пиллет –     Пуринчен те кирлерех -             Ырлăх пултăр ҫĕр ҫинче –

Вăл чи илемли».                   Вăл чи чиперри».                      Пурнăҫ чи хитри».  /В.Эктел/          

2-мĕш ача «Ҫĕр пин юрă ҫĕршывĕ»

Сĕм вăрман, ылтăн хир, Атăл шыве… Ман ҫĕршыв – ҫĕр пин юрă ҫĕршывĕ,

Тĕрлĕ халăх кунта пурăнать.                 Калаҫать вăл ҫĕр пин сăмахпа.

Чăваш ҫĕре – юратнă ҫĕршывăм           Ун ҫĕр пин тĕррине эс куҫ хывăн          

Ҫулсĕрен ҫĕнелсе улшăнать.                 Чи илемлĕ таса туйăмпа.

Ман ҫĕршыв – чăн сăмах ҫĕре-шывĕ,  Ман ҫĕршыв – тус-тăванлăх ҫĕршывĕ,

Икселми вăй-хăватлăн сывлать.             Чапĕ ун хĕвел пек ялтăрать.  

Вăл ӳстернĕ ҫунатлă хĕр-ывăл                Улăп ĕвĕр эпир паттăр, сывă,

Ҫăлтăрсем патнелле ҫул хывать.            Ырă ĕмĕт мала йыхăрать.

                                                                                                           /Ю. Петров/

Ертсе пыракан:- Эпир сирĕнпе, ачасем, ваттисем – пурте Тутар Республикинче пурăнатпăр. Пирĕн туслă, килештерсе,  пĕр-пĕрин культурине хисеплесе паллă уявсене: Ҫăварние, Сабантуя, Мункуна… ирттермелле. Мĕншен тесен туслăха ҫитесси пурăнан пурнăҫра нимĕн те ҫитмест. Ĕмĕрне ҫапла пултăр!

                                         3-мĕш ача   «Тавтапуҫ – рахмат»

Чăвашла та вырăсла

Вулама, ҫырма пĕлетĕп.

Халĕ акă тутарла

Калаҫма эп вĕренетеп.

Пулăшать мана Асхат,

                                           Тавтапуҫ ăна, рахмат.   /Анатолий Тимофеев/

- Сывă пулăр, ан чирлĕр,  пĕр-пĕринпе туслă пурăнăр!