План-конспект урока по татарскому языку для 3 класса русской группы "Безнең авыл” текстындагы яңа лексика."
план-конспект урока (3 класс) по теме

Тема: “Безнең авыл” текстындагы яңа лексика.

Дәреснең максаты: 
“Безнең авыл” текстындагы яңа сүзләр белән таныштыру.

Бурычлары:

Белем бирү:

• тема буенча  лексик күнекмәләрне камилләштерү һәм грамматик структураларны ныгыту;
• тыңлап- аңлау күнекмәләрен камилләштерү;
• сөйләм шартларына туры килгән ситуацияләрдә лексик-грамматик күнекмәләрне куллану;

Фикер сәләтен үстерү:

• логик фикерләү сәләтен үстерү;
• иҗади активлыкларын үстерү;
• танып-белүне үстерүгә ярдәм итү;
•  аралашу күнекмәләрен формалаштыру;
• коллективта хезмәттәшлек итү сәләтен үстерү;

 Тәрбияви максат:

•     әңгәмәдәшеңә ихтирам тәрбияләү;

• туган якка карата уңай мөнәсәбәт тудыруга йогынты ясау.

Җиһазлау:презентация, ноутбук, экран, проектор,  колонкалар.

Дәреснең тибы. Лексик күнекмәләр формалаштыру (ЛКФ).

Метод һәм алымнар: әңгәмә; биремнәрне аерым-аерым үтәү, парлап эшләү.

Дәрес барышы. 
I. Мотивлаштыру этабы. 
1) уңай психологик халәт тудыру; 
дежур укучы рапорты; 
 укучыларның бер-берсенә комплиментлар әйтүе. 
2) Өй эше тикшерү. 
1. Слайдлар аша нәрсә күргәнеңне сөйли белү (2нче слайд).

Мин Әлмәт...  (автобус рәсеме) барам.

Азат Бөгелмә... (поезд рәсеме) бара.

Дима Түбән Кама... (ак машина рәсеме) бара.

Мин Чаллы... (такси  рәсеме)  барам.

2. Туп кайда?

Туп урындык алдында. Туп урындык артында. Туп урындык янында.

3. УМ кую.

Ребус чишәләр.

1. Татарстанның башкаласы.

2.Хәзер  кайсы ай бара?

3. Урамда елның кайсы вакыты?

4. Нефтьчеләр шәһәре ничек атала?

Димәк,  без нәрсә турында сөйләшә башларбыз? (Авыл турында)3 нче слайд.

Дөрес, без авыл турындагы текст белән танышырбыз, ә бүгенге дәрестә яңа сүзләрне өйрәнербез, тәрҗемә итәрбез, җөмләләр төзербез.
II. Яңа сүзләр белән таныштыру. УМ адымлап чишү этабы.
1. Тактада транскрипция билгеләре белән язылган яңа сүзләр: 4 нче слайд
һәр [һәр] - каждый
гына/ генә, кына/кенә [гъына/ гэнә, къына/кэнә] –только 
авыл [аwыл] –деревня

анда [анда] – там

яшелчә бакчасы [йәшелчә бакъчасы] – огород

мәйдан [мәйдан] – площадь, площадка

алмагачлар [алмагъачлар] – яблони

чияләр [чийәләр] – вишни
1)Тактада язылган яңа сүзләрнең мәгънәсен ачыклау (семантизацияләү). 
2)  Яңа сүзләрнең әйтелеше өстендә эш (укытучы артыннан хор белән һәм аерым-аерым кабатланыла): 
- яңа сүздәге үзенчәлекле авазларны әйтү; 
- сүзне кабатлау; 
- сүзтезмә әйтү: һәр укучы, барлык эш, матур авыл, авылга кайтты, анда авыл, спорт мәйданы һ.б.; 
- 2-3 сүздән торган, ләкин яңа сүз кергән җөмләләр әйтү: 1). Маша авылга  кайта. 2). Һәр укучы укуыды. 3). Мин яшелчә бакчасында эшлим. 4). Укучыларспорт мәйданына чыкты. 
3) Яңа сүзләр кулланып, ситуатив күнегүләр белән эшләү: 
Скажите что: 
- каждая деревня красивая; 
- там большая площадка; 
- только овощи; 
- перед домом есть огород; 

- там растут яблони и вишни.
4) Яңа сүзләрнең язылышы өстендә эш.

- хаталар профилактикасы үткәрү;

- хәтер диктанты язу. 

2. Яңа сүзләрне сөйләмдә куллануны ныгыту. 
1) “Тәрҗемәче” уены. Балалар парларда бер-берсеннән сүзләрнең тәрҗемәсен сорыйлар. 
2)  Сүзләрнең антоним парларын табу. 
авыл -... 
анда-... 
бар-... 
матур-... 
алдында-... 

өстендә-...

3. Презентацион материал белән эш. Дөрес тәрҗемәне табыгыз.Укучылар дөрес тәрҗемәне таба; 6-13 нче слайд

һәр - там
барлык – яблони
гына/ генә, кына/кенә – огород

авыл – площадь, площадка

анда– каждый

яшелчә бакчасы– вишни

мәйдан – деревня

алмагачлар – весь, всё

чияләр – только 

Физминутка.14 слайд. (МИКС-ФРИЗ-ГРУП)Такта янына чыгып бииләр. Музыка туктагач, сорауларга җавап бирәләр. Җавап –сан. Ләкин җавапны әйтмиләр, ә төркемләшәләр.

• - Сез ничәнче сыйныфта укыйсыз?
• - Китапханә ничәнче катта?
• - Бер атнада ничә көн?
• - Сезнең сыйныф ничәнче катта?
• 4. Ишетеп аңлау күнегүләре белән эш. 
  а) Прослушайте и укажите слова со звуком [ә]: авыл, мәктәп, алдында, урам, чия, йорт, бакча, үсә, суган, барлык, һәр.  

б)Прослушайте и укажите,что изменено во втором предложении каждой пары.

1) Безнең урам бик матур.

    Безнең йортлар бик матур.

2) Бакчада алмагачлар, чияләр үсә.

    Бакчада алмагачлар, чияләр, юкәләр үсә.

3) Мәктәп алдында чәчәкләр үсә.

    Мәктәп алдында һәм артында чәчәкләр үсә.
5. Презентацион материал белән эш. Кая? Кайда? Кайдан? сорауларын кабатлау. 15-17 слайдлар. Кушымчаларны дөрес ялгарга.18-20 слайдлар.

6. “Иң матур сөйләүче” конкурсы. 21 слайд.Тактада язылган текстны укучылар укыйлар, парларда бер-берсенә сөйлиләр. Аннан соң такта алдына чыгып сөйләү оештырыла. 1-2 укучы сөйли.

                                                                                   Текст.

Мин каникулда авылга кайтам. Анда минем әбием белән бабам яши. Авыл зур һәм матур.  һәр йорт янында яшелчә бакчасы бар.

Укучылар иптәшләренә бәя бирәләр. Ничәле куясың? Ни өчен?

6.Ситуатив күнегүләр белән эш.(вакыт калса) 
Спроси у друга: 
- был ли он в деревне; 
- растут ли у него в саду яблони; 
- растет ли в огороде лук и морковь; 
- растут ли цветы перед нашей школы; 
III. Рефлексия. Бәяләү этабы.

1) Бүген дәрестә....

• 1. Без бүген дәрестә ... (авыл темасына яңа сүзләр белән таныштык)
• Без бүген дәрестә ...(тәрҗемә иттек)
• Без бүген дәрестә ...(җөмләләр төзедек)
• Без бүген дәрестә ...(матур сөйләүче конкурсы үткәрдек)

2) Өй эше. 
42 бит, 5 нче күнегү (язмача)