Урок Бурятского языка на тему "Перенос слов"
план-конспект урока (2 класс)

Хэшээлэй ябаса

I

Эмхидхэлэй үе.

- Бодогты! Хэшээлдээ бэлэн болоhоноо хуруулагты!

- Би таанадые энэ хэшээлдэ уринаб. Таанадта бэрхэ, шадамар, ухаан бодолоо hайнаар хүдэлгэхыетнай үреэнэб!

- Һуугты! Хэн мүнөө хэшээлдэ шэнэ юумэ ойлгожо абахаа hананаб? Гараа үргэгты!

- Зүбөөр, hайнаар hуугты!

II

Сэбэр бэшэлгэ.

- Дэбтэрээ нээгты! Мүнөөдэрэй тоо бэшэгты. Сэбэрээр, анхаралтайгаар, зүбөөр минии бэшэhэн үзэгүүдые бэшэгты. Эгээ гоёор бэшэhэн үзэгөө доогуурнь ногоон карандашаар зурагты.

III

Шэнэ эрдэм мэдэсэ үгэлгэ.

1.

- Конверт соо үгэнүүд байна.

шаазгай               хуhан            гγрөөhэн

борбилоо           нарhан           γнэгэн

гулабхаа            шэнэhэн        шэлγγhэн

хараасгай           уляаhан        хандагай

туун                                          ямаан

Тэдэниие абаад, самбарта байhан даабариие уншаад, дүүргэхэ.

(Слайд 2) Yгэнγγдые бγлэг болгон уншаха

• Нэгэ γетэй γгэ олохо.
• Хоёр γетэй γгэнγγдые олохо.
• Гурбан γетэй γгэнγγдые олохо.

- Ямар мэдэсэ, шадабари таанадта хэрэгтэй болооб?

- Яажа шалгаха болоноб?

- Аялган абяанууд доогуур улан карандашаар зураха. Хара карандаашаар  зурлаа зураад, үенүүдтэ таhалха. Зүб даабари дүүргэhэн байна гүт? Шалгагты!

2.

- Хоёрдохи конверт сооhоо үгэнүүдые абажа, мэдүүлэл зохёогты!

- Ямар мэдүүлэл болооб? (Yхибγγд ном уншаха дуратай) 

- Самбар харагты!

(Слайд 3) Yхибγγд ном уншаха ду 

- Минии бэшэhэн мэдүүлэл шалгагты. Юу хараабта?

- Юундэ иигэжэ бэшэбэбиб?

- Яахамни гээшэб?

- Теэд, үгэ шэнэ мүртэ абаашахада дүрим хэрэгтэй гү, али хамаагүй гү? Юун гэжэ hананабта?

- Тиимэ даа! Дүрим хэрэгтэй!

- Юун тухай энэ хэшээлдээ хөөрэлдэхэбди?

- Юу хэжэ hураха ёhотойбди?

- Манай хэшээлэй темэ «Yе таhалжа, шэнэ мүртэ оруулалга».

- Энэ мэдүүлэлээ дэбтэртээ бэшэхэт.

Бэшэхэhээ урид эдэ дүримүүдтэй танилсагты:

(Слайд 4)

• Yгэ шэнэ мүртэ оруулхадаа үе үеэрнь таhалжа бэшэдэг.
• Нэгэ үзэг таhалаад орхижошье, нүүлгэжэшье болохогүй.
• Удаан аялганай, дифтонгын гансаараа үе болоод байгаа hаань, таhалаад орхижошье, нүүлгэжэшье болохо.
• Зөөлэн тэмдэг урдахи байhан хашалганhаань таhалжа болохогүй.

(Слайд 5)

- Энэ мини бэшэhые шалгагты. Зүб гү?

- Эдэ дүримүүдые хэрэглэн, зохёоhон мэдүүлэлээ дэбтэртээ бэшэгты.

(Физминутка)

- Ородоор хэлэдэг шүлэгөө буряад болгон хэлэе.

Тучи ходят – Yүлэнүүд нүүнэ

Молнии сверкают – Сахилгаан сохино

Дождик капает – Бороон ороно

Дети спят – Yхибүүд унтана

Солнышко проснулось – Наран hэрибэ

Дети встали – Yхибүүд бодобо

Потянулись – Һуняаба.

IV

Бэхижүүлгэ.

- Yгэнүүдые яажа таhалжа, шэнэ мүртэ оруулха ёhотойб?

- Түсэб табия:

1. Аялгануудые олохо.

2. Yгэ үенүүдтэ хубааха.

3. Yгэ шэнэ мүртэ оруулхаяа таhалха.

(Слайд 6) Эдэ үгэнүүдые хэдэн янзаар таhалжа бэшэгты: гулабхаа, хуhан, үнэгэн, ямаан, хараасгай, уляаhан, туун.

- Ондоогоор таhалжа болохо гү?

- Һонин юумэ ойлгоо гүт? (Нэгэ үгэ ондо ондоогоор таhалжа шэнэ мүртэ абаашажа болохо)

- Булта үгэнүүдые таhалжа шадаба гүт?

- Юундэб?

- Мүнөөдэр юу хэжэ hурабабди?

- Хэн ойлгооб, яажа үгэнүүдые шэнэ мүртэ оруулхаб?

(Слайд 7) Уншагты шэнэ мүртэ нүүлгэжэ болохогүй үгэнүүдыень оложо бэшэгты.

Ёохор, абяан, гоёор, адар, аадар, одон, одон, шэхэн.

(Слайд 8) Шалгагты. Зүб гү?

Абяан, адар, одон.

V

Хэшээлэй дүн.

- Мүнөө хэшээл соо юундэ hурабат?

- Шэнэ юумэ ойлгоо гүт?

- Энэ ойлгоhон юумэнтнай таанадта хэрэгтэй гү?

- Хэн мүнөө хэшээл соо hайнаар хүдэлөөб, hайнаар ойлгооб гэжэ hананаб?

VI

Гэрэй даабари.

- Дүримүүдые сээжэлдэжэ абаха.

- Дүримүүдые хэрэглэжэ, упражнени 63 дүүргэхэ.

- Һайн даа! Бэрхэт! Хэшээл дүүрэбэ.