Внеклассное мероприятие на тему "Кельгса эсь шачема уженязень" 4 класс
классный час (4 класс) на тему

     МБОУ «Мамолаевская средняя общеобразовательная школа»

                    (литературно – музыкальнай композиция 4 – це класса)

                                                               Етафтозе: начальнай классонь

                                                               учительницась

                                                              Чубаева Т.В.

Цельхне:

Касфтомс и крхкалгофтомс   тонафнихнень содамошиснон шачема уженяснон колга, сонь просторонзон, природанц мазышинц колга.

Касфтомс мяльснон кельгомс эсь масторснон.

Воспитандамс иттнень улемс внимательнайкс, заботливайкс, оцювонь кулхцондыкс, тевса лездыкс.

  Мордовия Республикась тиевсь 1930 кизонь 10-це январьста. Сон

ащи Россиять Европань пяльксонц кучкаса.

Эсонза эряйхтьмокшет,эрзят,руст,татархт и лия кяльса корхтай ломатть.

     Шачема краеньке Мордовиясь кизоста кизос полафты, одкстоми, мазоми. Минь республикасонк лама заводта, фабрикада. Строяфт и строявихть од школат, гимназият, лицейхть, техникупт, больницят, эряма кутт. Лама вастова работайхть кинотеатрат, музейхть, аптекат.

    Мокшень и эрзянь кяльса нолявихть книгат, газетат, журналхт. Аф аньцек ошса, велесонга эрь кудса радио, телевизор, палыхть электрическяй лампочкат.

    Паксяса, фермаса, садса работайхть машинаса. Пяк теждялгофтозе минь республикасонк велеряйхнень эряфснон газсь, кона етафтф ламонц велева.

    Мокшэрзятне ашезь юкста и тянемс лац ванфнесазь марнек Россияти и масторлангти содаф тяфтама ломаттнень, кода адмиралсь Ф.Ф. Ушаков, скульпторсь Степан Эрьзя, врачсь В.П.Филатов, художниксь Ф.В. Сычков, Советскяй Союзонь Геройсь М.П.Девятаев и лиятнень.

     Саранскяень электролампань, кабелень, полупроводниконь, медицинскяй препаратонь завоттнень продукциясна моли аф аньцек миньцонк народнай хозяйстваса, но и лия лама странаса.

       Катк панчфокс панжи кельгома Мордовияньке!

                                 ( Иттне лувихть стихт)

Шумбрат! Шумбрат, Мордовия!

Гайняк! Гайняк, Мордовия!

Кельгома краеньке – най панжи маеньке,

Мокшэрзянь шачема – касома край!

Шумбрат! Шумбрат, Мордовия!

Морак! Морак, Мордовия!

Павазу эряфсь катк Тонь эрь кудозт сувай!

Ульхть шумбра, ульхть шумбра,

                             Кода сонць Сияжарсь, ульхть шумбра!

Тага лаймарькснень ацазень порф,

Тага тузе тундать нармонь полга.

Эрьда гайняфтсаськ седиень морть

Панжезь панжи мордовиять колга.

Вай, шачема край,

Кода одкстомат, одкстомат най.

Вай, шачема край,

Одонь тол эсот палы- юрнай!

Седи ваксста тейть спасиба,

Алянь мастор,

Шачема край,

Мес тон аннесамак кшидот,

Пара ломанькс тиемайть.

Мархтот эряфозе мазы,

Алянь мастор,

Шачема край,

Васень морозень тейть казян,-

Лямбе валнянень примайть!

Руснень мархта ялгакс арань,

Фкя ши валда тейнек прай,

Мельган ванат, арьсят  пара,

Алянь мастор,

Шачема край!

Шачема мастор, мон тонь  кельктя кемоста,

Тон эряфозень валдопнесак шикс.

Тага каркне морайхть сенем менельса,

Тага куду терди эсон кись.

Вай, мзяра етань кида, масторда,

Вай, мзяра ашень няе край,

Сембе сяка косонга, мзярдонга

Седи лангстон лемце Тонь аф прай.

Савор Вадось канды ару ведензон,

Каршезон стирькс келунятне лиссть.

Тага мокшень морот гайняйхть седисон,

Тага куду вяти эсон кись.

(Морави мора «Лайме порась»)

Родной масторсь – родной тядясь. Шачема вастта мазы мезьге аш. Шачема вастсот шиняське сяда лац эжди, нармоннятневок сяда мазыста морайхть, модаське сяда ляпоня и лямбоня, нъльня раса ведь путькскясь эшеньфтянза и штасы сиземацень.

             (Сценка «Минь эряфоньке »темать коряс)

Шумбратада, кельгома ялгат. Т'ячиень эфирса лиссь «Корхтамка» передачась «Минь эряфоньке» темать коряс. Передачазонк састь кафта ломатть. Азк, кода тонь лемце?

Стирсь: Монь зовут Марианна.

- А тинь кода? ( кизефнесы бабать)

Бабась: Ой, мон стыдандан (кяшсы шаманц)

Хуш васенце буквать азк.
Бабась: М

• Тоже Марианна ?
  Бабась: Да аф, аф . Марфа.
• А тяни азк, Марианна, коста тон сать?
  Стирсь: Мон приехала из Москвы
• А тон коста, Марфа?
  Бабась: Ой, мон стыдандан
• Хуш васенце буквать азк.
  Бабась: М
• Тоже Москуста

Бабась: Да аф, аф , Малав велеста.

• А мзяра кизоце, Марианна?
  Стирсь: Комсь.
• А тонь, Марфа, мзяра кизоце?
  Бабась: Ой, мон стыдандан.
• Хуш васенце буквать азк.
  Бабась: К
• Тейнть тоже комсь?

Бабась: Да аф, аф, кафксогемонь,

Марианна, а коса пульхкат?

  Стирсь: пульхкаю дизайнеркс.

• А тон, Марфа, коса пульхккат?
  Бабась: Мон стыдандан
• Хуш васенце буквать азк.
  Бабась: Д

- Тоже дизайнеркс?

Бабась: Аф, аф, дояркакс. Минь велесонк аш дояркат. Оттне тусть ошу тёждя эряф вешема, а конат лядсть вели - нят аф молихть фермав, лучше кудса ащихть, ши шишкань сериалхт теликса ванондыхть, да караокиса моронят морсихть ванома каршеса. А тяфтак , эхи, пархт Малавонь ломаттне, лофцонявок макссихть,кинь аш.

• Ну саты, саты !
• Марианна, азк, а мезе тиендят тя специальность коряс?
  Стирсь: ( аф содасы мезе азомс)

(Бабась ваны лангозонза ширде.коль шарьхкотькшнесы, кие сон. Щай очкат, ваны шамазонза и корхтай)

Бабась: Марина, тя тон? Проса ялгазень унокоц!

-А щаваце эрь шиня учси эсот. Пенсиянянцка кочказе, кле Марина уноконязе сай инксон и сявсамань ошуширенза эряма.

Стирсь: ( стяй вастстонза) Накой только я приехала тя передачав. (И туй)

Бабась ( мельганза):

- Содатядязь, содатядязь,. кодама дазайнерат. Базарса равжа алянди банатт, пильситт, памадорат мишендят. ( сон стяй и туй)

Ва тяфтама эряфса эрятама тяни . Минь передачаньке аделавсь. Сай васедемозонк.

Шачема вастозе.

Мон шачень мокшень велеса

И тяса кочкань ень.

Катк сон аф Иссать берякса,

Мон сяка кельгса сонь.

Медяру лаймонь таньфонзон,

И вирьса лаймонь циньфть.

Лугаса панжи панчфонзон…

Монь велесь тя – аф кинь.

Мазопнесы велезень

Акша паля келузе.

Кунци вармась прянянц,

Сязендьсы руцянянц.

Няендьса мянь онцтонга

Кельгома велезень:

Содаса, сон монценне,

Тоса касонь серезень.

( Морави мора «Ляйть трваняса»)

Мокшень велеса мон эрян,

Мокшекс корхтама аф пелян.

Кие мялезень монь колай –

Эйнякс инголен монь солай –

Мокшекс корхтамазень кельгса,

Кельгса, тянь мон афи сёпса.

Нинге морамазень кельгса

Минцень мокша ломань ёткса.

Тядянь-авань шачем крайняй,

Сетьме зарянь уженяй,

Вельхкссот сенем менельсь гайняй

Кизонь мани эрь шиня.

. Ётай-потаень кибряса

Варьхмодема пингова

Ноляй медяруня расась

Панжи лаймова -  кува.

Анцяй путерьксть эса палы

Атямъёнгонь тюсса шись.

Сельмованфцень салазь – салай

Горизонту моли кись.

( Частушкат)

Мы умеем веселиться

Улихть и артистоньке

Минць и пляшем и поем

Минцень гармонистоньке.

Дайте круг, дайте круг

Кругфтома пяк тесна

Кругса инголент кштимась

Пяк ни интересна.

Ох, подруга Аннушка,

Почему пяк нолат?

Ялгатне ни фермасот,

А ты только молят.

Эх, подруга запевай,

Морак сиденяста

В деле эздот мон аф лядан

Азса виденяста.

Тракторсь пашет целину

Пашет и катк пашет

Трактористсь кабинаста

Кядьса тейнек машет.

Кштинь, кштинь топодемс

Сяда тов аш мялезе

Ялганяне полафтомасть

Ату каладсь кямозе.

Частушкатнень морайнек,

Петемс ераськ мяленьтень

Кда тусть синь мялезонт

Цяпасть эста кядентень.

                   Шачем мастор, мокшэрзянь крайняй!

Седистот сай мора ладянь тейть,

Пайгонякс тонь лемце мяштьсон гайняй,

Кельгсайне лугатнень, сетьме ляйть.

Сяськомаса эстейть слава сатоть,

Кие вешендсь – мусь, и нльне вельф!

Мон аф содан тевонь кельгихть лацот,

Мазышице аф ли ёфксста сявф?

Тядянь-алянь келькфтонга келькф мастор,

Шнаян эсот моросон аф стак:

Кенярдян, мес шачемазе тястонь,

Зарятне пильгалон ёряйхть макт.

( Морави мора «Сембодонга мазыняй» Валхне С. Кинякинонь, музыкась Н.Кошелевать.)

1.Тядянязе, панчфкязе,

Сельмаванянь панчсизе.

Ляпе вастонь ацаняй,

Валда ононь лацсиняй.

Припевсь:

Тядяй, тядяй, аваняй,

Маланязон сак.

Моронязень ладяйне

Лемозот исяк,

Ладяйне и мороса,

Мяльняцень аф коласа.

2.Тядянязе, шнайнязе,

Лямбоняста щайнязе.

Симденяй и андыняй

Тячиняй и вандыняй.

Припевсь:

3.Тядянязе, фкянязе,

Золотонь сиянязе,

Виде алонь азыняй,

Сембодонга мазыняй!

Кеняртькшнян и ваймонь апак тарксек

Паксятненди ванан сюконязь:

Седи вийсон няйса, кода арси

Менелезень вельхксса зарясь стязь.

Вельхкссон акша коволсь серьгядсь эсон,

Эста оцю арьсемане шачсть.

Морасть жаворонкатне пряпесон

И лугаса панчфне тейне панчсть.

Мяляфтса, мон ласьконь раса ланга,

Кяпе ласьконь, а перьфпяле – гайф.

Маряйне – од эрьгя ласьки санган,

Мокшень цёран – морамазе сай.

.

(Морави мора «Луганяса келунясь»)

Кодама кепотьф мяльса минь корхтаме шачем-касом масторть колга. Пяк пара мяльти сянь эзда, што тинь аф юкснесасть эсь масторонттень. Вдь эрь ломантть ули сонцень ёмла Родинац, коса сон шачсь и кассь, тиезе васенце аськолксонц, азозе васенце валонц.

Монь пяк пара мялезон, што тинь кастада шачем  ширень кельги ломанькс. Содатада лама мора, лама стих.

   Кда сембе ломаттне мастор лангса тяфта арьсельхть эсь шачема вастснон колга, эста ни можналь аф пелемс минь вандыеньконь инкса.