Лексик уеннар
материал

“Күлмәк” уены

   Бу уенны уйнар өчен сыйныфтан бер укучы сайлап алына. Ул тактага күлмәк рәсемен ясый һәм шуның эченә төрле сүзләр, саннар яза (даталар, урыннар, исемнәр һ.б.). Калган укучылар аңа төрле сораулар биреп, бу сүзләрнең нәрсә аңлатканын белергә тиеш.

   Дөрес сорау биргән һәм җавап тапкан укучыларга яшел карточкалар бирергә мөмкин. Кемдә күбрәк яшел карточка җыела, шул җиңүче була.

“Сүзне яса”

   Кәгазь битләренә билгеле бер темага кагылыәлы сүзләр языла һәм капчыкка яшерелә. Сыйныф – ике төркемгә, ә такта ике өлешкә бүленә. Һәр төркемнән бер укучы капчыктан сүз язылган бер кәгазьне ала һәм шул сүзне аңлаткан рәсемне ясый башлый. Кайсы төркем сүзне беренче белә, шуңа бер балл. Иң күп балл җыючылар җиңүче итеп билгеләнә.

   Әгәр дә рәсем ясалып бетеп. Сүзне әйтә алмасалар, “рәссамны” алыштыралар.

“Сүзне бел”

   Катнашучылар ике төркемгә бүленәләр. Тактада һәр төркем өчен темага кагылышлы сүзләр языла. Бер укучы тактага арты белән утыра. Калган укучылар, аның каршысына утырып, тактадагы бер сүзне синонимнары аша яки тасвирламалары ярдәмендә чиратлашып аңлатырга тырышалар. Тактадагы сүзне әйтергә, рәсем ясап күрсәтергә ярамый. Һәр укучыга сүзне аңлатып бирү өчен, бер вакыт аралыгы каралган.

   Кайсы төркем күбрәк сүзне әйтергә өлгерә, шул җиңүче була.