Мордовские частушки.
картотека

1.Шумбратадо паро ялгат

Кода тынь эрятадо

Кунсолодо паро мельсэ

Минь тыненк моратано.

2.Тече инжет тенык арсть

Паро кулят маро

Мазый тёрат, ды ават

Варштадояк зяро.

3.Морак, морак тон ялгине

Кода вишка баягине

Тейтернитне пек парт минь

Кунсолодо весев тынь.

4.Эйкакш садонок паро,

Начальникесь седеяк

Варштадаяк лангезенде

Седее паро а муят.

5.Минь морынек тенк морынеть

Беряньсте эль вадрясто

Тыненк, ялгат, энялдтано:

Седее парьсте цяпадо.

6.Ней эрзятне пек «культурнойть»

Тиринь кельде нулгодить.

Ванна минь тыненк невтьсынек,

Кода эзятне кортыть.

7.Через речку, леенть трокс

Кепе проходила.

Не успела чалгамо-

Пильгем промочила.

8.Верев варштан ковонтень,

Алов варштан ловонтень.

Бути алужом кадсамам,

Молян прокуроронтень.

9.Шумбратадо, ялгат-оят!

Минь ванынек тынк веленк.

Моратано минь частушкат,

Бути ули тынк меленк.

10.Вальмалонок кассы килей,

Налкси лопасо вармась,

Эх, кода ней веселасто

Юты эйкакшень порась.

11.Лангс ваномс тон ялгай вадрят,

Велень келес кудряват.

Бути тон тонавтлевлить,

Овсе вадря улевлить.

12.Монь ялгинем ошсо

Яки ашо клёшсо,

А мон тесе велесе

Юбкам сисем келесе.

13.Седяк, седяк пианино,

Карман мельгат морамо,

Ялгань марто эрзянь кельсэ

Седейшкава кортамо.

14.Кода прядсынь кемень класстнэнь

Сесте ошов а туян,

Эсь велесэ авань ладсо

Эстень ялгине муян.

15.Карман тонавтнеме парсте,

Паро ломанекс улян.

Прянь кепедезь ялгань вакска

Сестэ велеванть ютан.

16.Нурька морынеть авадом

Тыненк, ялгат, мон моран.

Ломань седее вадря-паро

Мастор лангсо а содан.

17.Эрзянть аванть мазычинзэ

Скульптор Эрзя невтизе

А чарькодьса ансяк, косто

Монь авань сон неизе.

18.Сехте мазый монь авам

Весенень теде моран.

Сехте превей, чевте седей-

Ванна кодамо авам.

19.Авам кодыця ды стыця,

Викшне мазый суресэ.

СонзЭ кодамо пидиЦя

Арась минек велесэ.

20.Нурька морот авадом

Пек ламо, ялгат, содан.

Ломань седее вадря – паро

Мастор лангсто а муян.