Комплексная работа для 4 класса по даргинскому языку
тест (4 класс) на тему

Итоговая комплексная работа по родному языку

(даргинский язык и литература) для 4 класса

Разработала

 учитель высшей категории

2018 г.                                                                          Магомедзагирова Мадина

Школала анхъ

ДурхIнани янилизирал школала анхъличи какьес палда хIядурдирдирулри. Палдали гIявабарибси ванзали дахъал овощуни луга. Лебтанилра кIи-кIел бадира палдала хиб.

ХIеб садаиб. ДяхIи бацIиб. Ванза балбикайчи – кьелхIеличи цIапIхIелканбиайчи – дурхIни хIерли кабииб, илхIелицун къяяни укъесбяхIиб.

Анхълизир гье сен-сен дегIес гIягIнитил, учительницани хабар буриб. Набадурала дибгIян гье бара ванзализи кадихьахъалли, биуси саби. Хъарала халати кьукьри делгIухIели биалли, мурхьли гъарш кайуси саби.

Гьала-гьала анхъ бацIсиван кабизур. Амма ванати заб дариб. Шинишли гьардакIибти дегIнубани къяяни кIапIдуциб.

ДурхIнас дебали дигулиахъиб анхълизир дакIибти се сарил дагьес. ХIера, ванзализирад бурбуниван кадизурли набадурала хъими гьардакIили сари. Чакарла кьехIнала диштIати арани хIунтIенкадиубли сари.

ДуцIарти  бурхIни дакIиб. Илдани сагали дурхIни къайгънази бикахъиб. Гьар бархIи савли дурхIнани, анхъ-алав къунзбикIули, къараулбири. «Капустализир мулкъи агарара? Хиярти шинни дахес гIягIнили ахIенара?»- пикрибикIи.

ДурхIна дахъал хIянчи дариб. Илбагьандан гIебшнилис илди разили гьунибаиб. Школала анхълизир дахъал секIал дакIиб. Варъаван бухъутIа кьехIе журугкабиуб. Капустала букIри чIумакадиуб, някъбази дуцибхIели кьярждикIулри. Илцадра халаси ца къабакъ бакIиб – дурIнала цалилра ил ахъбуцес биъхIебиуб. Ил къабакъ школализи уркурличиб арбухес чебуркъуб.

БЕКIЛИБИУБСИ БУТIА

Иш бутIала лерилра заданияби  арзес къайгъибара.

Илди ярга-яргали дирен.

1. Текст бучIес вехIихьи. Учительли лишан барибхIели, учIули ваибси мерла точка кабати.  Текс ахирличи бикайчи белчIи там анбара.
2. Сегъунти  предложениеби  имцIали къаршидиркура  текстлизи?

А)  суалла                 б) вявла            в) хабарла

     2. Сунезиб числительное гьанбушибси предложение чеббелкIеная.

__________________________________________________________

3. КIиибил предложениелизиб существительное сегъуна лугIилизи бакIилил?

А) цалихълизи              б) дахълихълизи        в) белгибарес хIерар

4. Иш предложениелизибси сказуемое чиди заманала глаголли аргъахъили?

Шинишли гьардакIибти дегIнубани къяяни кIапIдуциб.

      А) гьаннала замана      б) гIурла замана            в) убла замана

5. Шуэсил абзацла бегIла гIелабси предложениелизи существительноеби даргая. Илди се падежла  сарив?

А) актив падеж                 б) гьалабихь падеж

В) хас падеж                      г) лугу падеж

6. Чум абзацлизибад цалабикибсил иш текст?

а) 3           б) 5            в) 7           г)   6

7. Чиди абзацлизи бурусил набадурачила?

А) цаибил          б) хIябъибил         в) шуибил   г) авъэсил

8. Мурхьли  гъарш кайуси саби се буршухIели?

А) хъара                б) капуста      в) хиярти      г) набадури

9. Чиди манзиллизир дурадуркIули дурхIнани текстлизирти  хIянчи?

а) хIеблизир       б)   дуцIрумлизир      в) гIебшнилизир       г) янилизир

10.  Авъэсил абзацла кIиибил предложение чеббелкIеная. Гъайла бутIни тукъ каили декIардарая. Илдачи суалти кадатирая.

______________________________________________________________________________________________________________________

11. Сегъуна къабакъ бакIилил школала анхълизи?

А) цIуба ва биштIаси                       б) бухъутIа ва биштIаси

В) бухъутIа ва халаси                      г) цIуба ва халаси

ЧЕИМЦIАБАРИБСИ БУТIА

1. Текстлизи гьандушибти овощунала уми делкIеная.

______________________________________________________________________________________________________________________

2. Анхълизир хIуша секьяйда дузутил бурая.

_______________________________________________________________________________________________________________________

3. Адамтани кьехIела, хъарала, капустала, набадарила, къабакъла  се мер букал, се хIебукал, белкIеная.

___________________________________________________________________________________________________________________________________________________________________________________

.  

.