У деп ун болгаш У,у деп ужуктер
план-конспект урока (1 класс) на тему

Темазы: У деп үн болгаш У,у деп үжүктер.

Сорулгазы:

1.Өөреникчилерни у деп үн болгаш У,у деп үжүктер-биле таныштырары база у деп үн кирген сөстерни номчуп өөредири;

2.Өөреникчилерниң словарьлыг курлавырын байыдар база аас чугаазын, кичээнгейин, чүвени сактып алырын, сагышка даап бодаарын (воображение) сайзырадыр;

3.Өөреникчилерни дириг амытаннарга ынак болурунга, оларны камнап, кадагалап чоруурунга кижизидер.

Планнаттынган туңнелдер:

Эртемниң туңнелдери:

Уруглар У, у деп үжүктерни танып  билип алыр; у деп үннүң характеристиказын чугаалап өөренип алыр;сөстерниң иштинден у деп үжүктүң кайда турарын тодарадып билип алыр; кичээлдиң темазын өөренип тургаш бодунуң аас чугаазын сайзырадып алыр.

Ниити өөредилгениң туңнелдери:

Ажылдап кылдынган методика (арга)-биле өөреникчи кичээлдиң өөредиглиг сорулгазы-биле таныжып алыр;  эртемниң үндезинниг билиин шиңгээдип алыр ( у деп үн болгаш У,у деп үжүктер); слог-үннүг арга-биле ажылдаар; билип алырының харыыларының (начальные формы познавательной рефлексии) эге хевирин шиңгээдип алыр.

Амы-хууда ѳѳреникчиниң түңнелдери:

Өөреникчи кичээлдиң темазын сайгарып, өөренип тургаш кол моральдыг нормаларны  шиңгээдип алыр -  шынчы чорукту, дузааргак чорукту, харысаалгалыг чорукту; өөреникчиниң социалдыг ролюн шиңгээдип алыр; өөреникчи өөредиглиг ажылдың чугула чылдагаанын (развитие мотивов учебной деятельности) шиңгээдип алыр.

Кичээлдиң дерилгези:

Өөредилге ному арын __ , аттыг чуруктар, плакатта бижээн слогтар, сөстер, домактар, презентация.

Кичээлдиң чорудуу

Организастыг кезээ. (2мин)

Башкы:

Коңга даажы дыңналды

Кичээниңер уруглар

Улуг үүле бүдүрер

Кичээливис эгелээл!

Башкы:  - Уруглар! Бөгүнгү бистиң үжүглеливис кичээли онзагай байдалга эртер. Чүге дизе бистиң клазывыста хөй санныг башкылар аалдап чедип келген. Бис кичээливис үезинде боттарывыстың билиглеривисти харам чокка аалчыларга көргүзер, дидим болур ужурлуг бис.

Катаптаашкын.

- Кичээлде оон оске чуу аалдап келген-дир? (кушкаш)

Бо кушкаш силерден дилеглиг келген кушкаш-тыр. Кажар дилги соокта чиир чем тыпайн, куштун уругларын чиир дээш уязын урегдеп каапкан. Бис уяны катап кылып дузалажыр бис бе?

Уяны бис дилгинин белеткээн даалгаларын эртип тургаш, кылып бээр бис. (уруглар  харыыны бээр)

Кажар дилгинин 1-ги даалгазы.

1. Чурук-биле ажыл (уруглар домактар чогаадыр)

3.Домак чүден тургустунганыл? (сөстерден тургустунган)

4.Бижикке домакты канчаар бижиирил? (Эгезин улуг үжук-биле бижиир, төнүп каарга улуг сек салыр)

5.Сөстер чүден тургустунарыл? (слогтардан тургустунар)

6.Слог чүден тургустунарыл? (үннерден тургустунар)

7.Үннер кандыг болурул? ( ажык болгаш ажык эвес болур)

8.Ажык үннер дугайында чүнү билир силер?

9.Ажык эвес үннер дугайында чүнү билир силер?

   1 дугаар даалганы кылыпкан бис. Уявыстын чартыы белен. Уянын  чартыы чок  ам-даа кызып ажылдаалынар.

Физминутка (сула шимчээшкин)

Чаа теманың тайылбыры: 2 дугаар даалгазы.

-Чурук-биле ажыл

- Бо куштуң адын билир силер бе? (ус-кушкаш)

- Куштарга кижиниң хамаарылгазы кандыг болур ужурлугул? (кижизидилге ажылы)

- Ус-кушкаш деп сөстү слогтап көрээлиңер, каш слог бар-дыр? (3) бирги слогун алыылыңар, уруглар. Адап көрүңерем: ус.

УС деп сөсте кандыг  үжүктер бар-дыр? ( У, С)

- Оларның аразында чүү деп үжүктү өөренмээн-дир бис. Кым эскерип кагды.(У)

- Ынчап кээрге үжүглеливис кичээлинин темазын кым тода билип каан эвес көрээлиңерем. (У деп үннүң үжүүн өөренир бис.)

Эр хейлер. 2 дугаар даалгазын кылып алдывыс.

- Кичээлдиң темазын эки билип алыр дээш канчаар ажылдаар ужурлуг бис, уруглар? (Кичээлдиң сорулгаларын тургузар. (Кичээнгейлиг болур, кызымаккай болур,  у деп үжүк кирген сөстерни номчуп өөренир.)

- У деп. үннү адап көрээлиңер.

- У деп үжүк  кандыг үннү илередип чоруурул? (У деп үжүк  ажык  үннү илередип чоруур. Чүге дизе, ону адап турувуста аас иштинге өкпеден үнген хей кандыг-даа шаптыкка  таварышпас.) 

- Ам УС деп сөзүвүсче катап эглип кээлиңер. УС деп сөсте каш ажык болгаш ажык эвес  үннер бар-дыр адаңарам.Ус деп сөс каш слогтан тургустунганыл? (чаңгыс)

- Ус деп сөстүң утказын чугаалаар. Өске кандыг сөс – биле солуп болурул? (Шевер)

• Презентацияны  башкы көргүзер. (ус-кушкаштың бодун, ооң уязының дугайында көргүзер) 
• Дурт –сынынын узуну 12 см.
• Кили – 20 грамм.
• Чалгынынын узуну – 60 мм чедер.

Ус-кушкаш дузак-биле кылган нарын уязы –биле алдаржаан

Физминутка (сула шимчээшкин).

Кушкаштарнын саражын

Ында-мында ушкан.

Баштарын чайгылаар-даа,

Чалгыннарын хергилээр-даа.

У кирген сөстер тыптырар.

Ном-биле ажыл. 3-ку даалгазы

1.Номчулга арын 35   (Плакатты  самбырага азар.)

У-уу лу-луу су-суу чу-чуу  му-муу

Со-лаан   ном-чу    мал-чын

со-лун      ном-ну   аалчы

Солаан, солунну номчу.

Солун-оол, номну ал! Ол со-лун ном. 3-ку даалгазын кылыпкан бис .

Быжыглаашкын.

Сөзүглел-биле ажыл. Ол суму. Суму чону солун улус. Чон чалаан, оон манаан. Солун-оол – аалчы. Аалчыны суму манаан. (уругларга номчудар)

- Сөзүглелде у деп ужук кирген сөстерни тывыңар.

Туңнел. Рефлексия

Кичээл солун болду бе?

- Чүнү билип алдыңар?

-Кичээлге чаңгыс-даа айтырыгга торулбайн ажылдадым, чаа теманы эки билип алдым дээр улус сылдысчыгажын көдүрер.

-Кичээлге арай оожум ажылдадым, келир кичээлде эки ажылдаар мен дээр улус дорт- булуңчуктарын  көдүрер.

Бажыңга онаалга номчуур арын 35,36