Сыфат дереджелери: адий, тенъештирюв, устюнлик. Умумийлештирюв.
план-конспект урока (4 класс) на тему

Муниципальное бюджетное общеобразовательное учреждение

«Старокрымская общеобразовательная  школа №2»

Город Старый Крым Республика Крым

Башлангъыч сыныфлар оджасы

Абдуллаева Ленура Меметовна

2015 с.

Дерснинъ мевзусы: «Сыфат дереджелери: адий, тенъештирюв, устюнлик. Умумийлештирюв.»

Дерснинъ макъсады:

• Талебелернинъ сыфат акъкъында бильгилерини умумийлештирмек ве текрарламакъ. Сыфат дереджелерини айырмакъ ве нутукъта къулланмакъны огретмек.
• Талебелернинъ сербест багълы нутукъларыны, мантыкъий фикир этюв къабилиетлерини, зеинни инкишаф этмек;
• Тувгъан тильге севги дуйгъуларыны ашламакъ ве сёзге урьмет тербиелемек.

Дерснинъ донатмасы:

• Компьютер.
• Мультимедийный проектор.
• Интерактивная доска.
• Презентация “Сыфат дереджелери: адий, тенъештирюв, устюнлик. Умумийлештирюв”.
• Дидактик мальземелер: шахсий иш ве чифт иш ичюн варакъалар.

Ход урока

I. Тешкилий къысым

- Селямлашув.

Огюмизде дерсликлер,

Дефтерлер ве къалемлер,

Биз тырышып окъуйджакъмыз

Яхшы бала оладжакъмыз

- Бизим нутукъымызны аэнкли, дюльбер ве зенгин насыл сёз чешити япа?

- Бу проблема узеринде дерс девамында чалышаджакъмыз ве бу суальге джевап тапмагъа тырышаджакъмыз.

II. Дерснинъ мевзусыны илян этюв ве макъсадларыны къоюв. Окъув фаалиетнинъ мотивациясы.

1. Нутукъымызда сыфатларнынъ ролю.

И. Гаспринскийнинъ «Къырым» шииринде сыфатларны тапынъыз

2. Темиз язув дакъкъасы.

А) Бб, бл, бо арифлерини ве арифлер бирикмесини язув.

Б) Аталар сёзни язып алынъыз ве манасыны анълатынъыз.

Багъчасыз юрткъа бульбуль къонмаз.

В) Ресимли диктант вазифенен. Эр бир исимге сыфат язмакъ.

Къырымтатар байрагъы, дюльбер багъча, къыйметли бахшыш, бол берекет.

Бир де бир сёз бирикменен джумле тизмек.

Нетидже: Сыфат насыл сёз чешитинен багълы? – Сыфат исимнен багъланып келе.

Раатлыкъ дакъкъасы

III. Бильгилернинъ актуализациясы

1.  «Зеиний уджум»

- Къырымтатар тилинде насыл сёз чешитлери бар?

- Сыфат нени бильдире?

- Сыфат насыл суаллерге джевап бере?

- Сыфатлар насыл сёз чешитинен багъланалар?

- Джумледе сыфатлар насыл джумле азасы олалар?

- Сыфатларнынъ насыл дереджелери бар?

IV.  Янъы мевзуны анълатув.

V. Янъы мевзуны пекитюв ве системлештирюв

1. Группада иш.

Беяз, энъ дюльбер, йымшакъча, темиз, алчакъча, энъ енгиль, тегиз, ешильдже, энъ меракълы, фукъаре, къавийдже, энъ буюк, узун, мавыджа, энъ юксек.

1 группа (адий дередже): беяз, темиз, тегиз, фукъаре, узун.

2 группа (устюнлик дередже): йымшакъча, алчакъча, ешильдже, къавийдже, мавыджа.

3 группа (тенъештирюв дередже): энъ дюльбер, энъ енгиль, энъ меракълы, энъ буюк, энъ юксек.

Нетидже: Сыфатлернынъ насыл дереджелери бар?

2. Мешгъулиет «Антонимлер» 

къыйыш – догъру, узун – къыскъа, сыджакъ – салкъын, ач – токъ, къасеветли - шенъ

Нетидже: -Антонимлер неге керек? Нутукъымызны ифаделештирмек, дюльберлештирмек ичюн керек.

3. Мустакъиль иш. Метиннен чалышув. «Къарынджа ве богъдай данеси» икяеси.

Сыджакъ кунеш къыздыра. Къарынджа тар сокъакънен тарлагъа ёл тута. О, богъдай данесини къыдыра. О, ашамагъа истей. Къарынджа богъдай данесини кенъ тарлада тапты. Богъдай данеси балабан, къарынджа исе кичкене.

        Къарынджа озь якъын достуны чагъырды. Мына эки къарынджа балабан богъдай данесини юваларына алып кетелер.

Вазифе: Метинде исимлернинъ тюбюни 1 сызыкънен, сыфатларнынъ тюбюни далгъалы сызыкънен сызынъыз.

Нетидже: Нутукъымызда сыфатлар насыл макъсаднен къулланыла? Предметни догъру тасвир этмек ве онынъ аляметини бельгилемек ичюн къулланыла.

VI. Пекитюв

1. Контроль тесты

VII. Дерснинъ нетиджеси. Баалав.

• Насыл суальге джевап тапмакъ керек эдик?
• Бизим нутукъымызны аэнкли, дюльбер ве зенгин насыл сёз чешити япа?
• Бизим дерсимиз бу суальге джевап бермеге ярдым эттими?
• Бизим нутукъымызны аэнкли, дюльбер ве зенгин сыфат сёз чешити япа.

Рефлексия

• Дерсте насыл вазифелер беджердик?
• Нени бегендинъиз?

Эв вазифеси

• Сыфатларны ишлетип, баарь акъкъында икяе тизмек.
• Къаиделерни текрарламакъ.

Карточка

Беяз, энъ дюльбер, йымшакъча, темиз, алчакъча, энъ енгиль, тегиз, ешильдже, энъ меракълы, фукъаре, къавийдже, энъ буюк, узун, мавыджа, энъ юксек.

Карточка

Беяз, энъ дюльбер, йымшакъча, темиз, алчакъча, энъ енгиль, тегиз, ешильдже, энъ меракълы, фукъаре, къавийдже, энъ буюк, узун, мавыджа, энъ юксек.

Карточка

Беяз, энъ дюльбер, йымшакъча, темиз, алчакъча, энъ енгиль, тегиз, ешильдже, энъ меракълы, фукъаре, къавийдже, энъ буюк, узун, мавыджа, энъ юксек.