Белемле кеше - канатлы кош.
статья по теме

          Белемнәрне бәяләү, билге кую катлаулы педагогик проблемаларның берсе булып тора. Бу процессны өйрәнүнең актуальлеге бүгенгәчә дәвам итә. Белем алу өлкәсендә катнашучыларның һәркайсы да(укучы, укытучы, ата-ана )  элек-электән үк белемнәрне бәяләүнең, билге куюның әһәмияте зур дип санаганнар. Бәяләүнең төрле илләрдә күптөрле формалары кулланылган. (Сүз белән, хәреф белән, 5, 12, 15 балл белән, соңрак – рейтинг системасы кертелгән) Бүген дә уку-укыту өлкәсендә билге кую- аның аерылгысыз өлеше булып кала бирә.

Безнең илдә күптәннән кабул ителгән 5 баллы укыту системасы бүген дә актуальлеген саклый. Белемнәрне баллар белән бәяләү – иң гади һәм балалар арасында үзара ярышырга, даими шөгыльләнергә этәргеч бирү чарасы буларак отышлы санала. Шулай ук төрле конкурслар, имтиханнар, статистика, отчет һ.б.лар өчен дә билгеләрнең әһәмияте зур.Һәр укытучы да билге куйганда үзенең интуитив күзаллавына таянып эш итә. Мәктәптә мәҗбүри куелган бер генә төрле билге критерийлары була алмый.

Билге куюга карата тәнкыйтьчеләрнең фикерләре дә игътибарга лаек. Алар санап киткән түбәндәге төп тезисларны әйтергә була:

1. Укытучы укучының хезмәтен һәрвакыт дөрес һәм (беспристрастно)       куя алмый.
2. Баллар куйганда укучы белән укытучы арасында еш кына мөнәсәбәтләр бозыла, даими рәвештә фикер каршылыклары һәм үзара ышанмаучанлык туа, нәтиҗәдә укучы укытучыны белем чыганагы урынына еш кына ялгышучы контролер итеп күрә һәм аны кайчакта алдарга да була, дип саный.
3.  Билге кую процессы укытучының үзенә дә кыенлыклар тудыра, төп эшчәнлегеннән игътибарын читкә этәрә, дәресен эчпошыргыч сорау алу юнәлешенә генә кайтарып калдыра.
4. Куелган билгеләр чагыштырмача булуы белән дә тискәре йогынты ясыйлар.
5. Мәктәп билгеләрен очраклы зурлыклар дияргә була.
6. Билгеләр укучының абсолют белем дәрәҗәсен исәпкә алмыйлар, ә бәлки теге яки бу укучының белем дәрәҗәсе белән чагыштыру функциясен генә үтиләр.