Сыйфат- сүз төркеме. 2 нче сыйныф өчен татар теленнән дәрес эшкәртмәсе
план-конспект урока (2 класс) по теме

Тема:Сыйфат .

Максат:  

1. Сыйфат турында мәгълүмат бирү.
2. Сыйфатларны телдән һәм язма сөйләмдә урынлы  куллану.
3. Логик фикерләү сәләтләрен үстерү .

Җиһаз: предмет , яшелчә ,җиләк-җимеш ,хайван, табигать күренешләре рәсемнәре ,магнитафон язмасы ,индивидуаль- дифференциаль карточкалар ;тема , сораулар язылган плакат ,кроссворд , уен-“Салават күпере “ табышмаклар , дәреслек .

Оештыру өлеше .

Актуальләштерү . -Өй эшләрен тикшерү .

-Исем нәрсәне белдерә ? Сораулары нинди ?

-Кем ,нәрсә сорауларын кайчан куябыз ?

-Исем нинди сүзләрне белдерә ?

-Исемнәр нинди санда киләләр ? (берлек , күплек ) мисаллар китерегез .

Яңа тема .

-Балалар ,әйдәгез кроссворд чишеп алабыз .

1. Җир астында җирән ат

Аның тиресе җиде кат

Суярсыңда тунарсың

Тунагачтын еларсың (суган )

1. Агач , агач өстендә табак

Табак эчендә кибет

Кибет эчендә мең кибет (көнбагыш)

1. Кечкенә генә көчек,өрмидә җибәрми дә (йозак)
2. Үзе көчле, чыдам авыр агачлар ташый (фил )
3. Аягын –башын яшерә ,таш күлмәге эченә (ташбака)
4. Канаты бар ,аягы бар ,йөзә алмый (тавык )

-Нинди сүз килеп чыкты? (сыйфат)

-Без бүген сезнең белән сыйфат сүз төркеме турында сөйләшеп үтәрбез.

СЫЙФАТ-предметның билгесен белдерә ,нинди?  Кайсы? кебек сорауларга җавап булып килә. -Ә предметның нинди билгеләре бар соң ?  Әйдәгез бергә карап китик .

-Алма нинди ? Кыяр нинди ? Шалкан нинди ? –Кызыл, яшел , сары –төсне белдерә.

-Туп нинди ? Кишер нинди ? Пычак нинди ? –түгәрәк ,озынча ,очлы –форманы ;

Бүре нинди ? Төлке нинди ? Кыз нинди ? – усал , хәйләкәр , матур , акыллы , ягымлы –характерны белдерә .

-Көн нинди ? –Кояшлы , буранлы , җилле , яңгырлы  -табигать күренешләрен белдерә.

Һәм вакытны белдерә -кышкы , иртәнге , җәйге .

ДИМӘК, сыйфат предметның төрле билгеләрен белдерә:  төс, форма , характерны , табиг.  күренешләрен , вакытны белдерә .

Магнитафоннан  Зәки  Нуриның “Яңа шәһәр “  шигырен тыңлау .Сыйфатларны дәфтәрләргә язып бару .

Индивидуаль - .дифференциаль  карточкалар тарату .

Карточка  № 1

Түгәрәк ,кызыл ,татлы карбыз . Озынча , яшел , тозлы кыяр . Түгәрәк ,алсу , сусыл алма .

Сыйфатларның астына сыз .

Карточка № 2

Җөмләләрне тутырып яз .

... елга , ... күл , ... урман , ... тау .

Сүзләр : тирән , куе , биек , түгәрәк .

Карточка № 3

Җөмләләр төзе .

Яз , җитте , матур ; Килделәр , җылы , яктан , кошлар .

Физминутка “Светофор “

Ә хәзер бераз ял итеп алабыз .

- Нәрсә ул Салават күпере .Кайчан чыга ул .Төсләрен санагыз (рәсемгә карыйбыз ) .

Ләкин безнең күперебезнең ярты өлеше болытлар арасына качкан .Аны ачу өчен сорауларга җавап бирергә кирәк .

1. Исем нәрсәне белдерә ?
2. Исем нинди санда килә ?
3. Сыйфат нәрсәне белдерә ?
4. Ак Кремль , биек манара , кызыл кирпечле Сөембикә  манарасы  -сыйфатларны әйт.
5. Казандагы иң матур урам ? Сыйфатны әйт .
6. Татарстанның символлары: герб ,флаг. Формаларын ата .
7. Казан нинди шәһәр .

Җөмләдә сыйфат исемгә бәйләнеп килә .-Салкын кыш килде . –Нәрсә ? –кыш . Кыш нинди?

Дәреслек белән эш .219,221 күнегү.

Ныгыту. Без нинди сүз төркеме белән таныштык ?

Сыйфат нәрсәне белдерә ?

Өй эше .

  Төрле сыйфатлар кулланып үзегезнең гаиләгез турында кечкенә күләмле хикәя язарга .

Билге кую.( аңлатып )

Йомгак .