Табышмаклар
материал по окружающему миру (3 класс) по теме

Әтнә районы Сибгат Хәким исемендәге Күлле-Киме урта гомуми белем бирү мәктәбенең Ары филиалы

Миләүшә Вәлиева

2 нче квалификацион категорияле укытучы

Табышмаклар

Бу табышмакларны 3 нче сыйныфта “Әйләнә - тирә дөнья” дәресендә “Кеше организмы” темасын узганнан соң йомгаклау итеп кулланырга мөмкин

Йөрәк.        

Мин - организм “моторы”                                                                                 Үтим шул вазифаны                                                                                                                        Көне-төне хәрәкәттә,                                                                                                  Даими йөртәм канны.

         Баш мие.

Ә мин булам-компьютер                                                                                    Көйләүче пульты миндә                                                                               Кайда нәрсә эшләнәсе                                                                              Язылып куйган мидә.

       Кабыргалар.

Ә без үтик сакчы ролен                                                                             Саклыйк йөрәк, үпкәне                                                                                   Әйтми калдырмагыз безне                                                                 Белдерербез үпкәне.

Күзләр.

Бездән башка гүзәллеккә                                                                                 Кем соң соклана ала                                                                           Югалганны, ташланганны                                                                           Бездән башка кем таба?

       Колаклар.

Сез күрәбез дисез инде -                                                                                       Ә бит без ишетәбез,                                                                                       Матур яңгыраганнарны                                                                                Яратып эш итәбез.

Борын.

Суыкны да, җылыны да                                                                                         Иң беренче мин сизәм,                                                                                          Бияләй дә киертмиләр,                                                                                      Мин бик сабыр-мин түзәм.

Иреннәр.

Баллы диеп җырлыйлармы                                                                                     Дуслар безнең турында?                                                                                                   Баллы да без, аллы да без                                                                             Елмайганда, нурлы да.  

Тешләр.

Энҗе кебек ялтырыйбыз                                                                                          Бигрәк аклар үзебез                                                                                                     Хуҗабыз саклый белмәсә,                                                                                              Нихәл генә түзәрбез.

Үткен келәшчәләр тотып                                                                                            Килсәләр яныбызга,                                                                                                 Борчылабыз, елашабыз                                                                                                          Зур кайгы барыбызга.

Тел.

Ә минем гадәтем шундый-                                                                                                         Бер дә тик тора алмыйм.                                                                                              Кирәк чакта дөрес сөйлим,                                                                                             Кирәк чакта гел алдыйм.

            Муен

Бөгелә алам алга, артка                                                                                                   Уңга, сулга, кырыйга                                                                                              Шундый вазифам булганда                                                                                                          Мин соң читтә торыйммы?

Куллар.

Тота алабыз нык кысып,                                                                                                           Йомшак кына, йомарлап;                                                                                                Без булганда тәртип була                                                                                           Торабыз җайлап, барлап.

Аяклар.

Бу дөньяда иң кирәге -                                                                                                    Бездер әле, мөгаен.                                                                                               Куркыныч килгән чакларда                                                                                   Табабыз бик тиз җаен.

Чыгабыз да йөгерәбез                                                                                                        Һичкем куып җитәлмас                                                                                              Көн дә күнекмә булганда                                                                                       Беребез дә һич армас.

Ашказаны.

Көтеп ятам кайчан килә                                                                                             Миңа дигән чималлар.                                                                                                      Зур казанга охшаганмын                                                                                             Мине һәркем чамалар.

Бавыр.

Синең янәшәңдә генә                                                                                                Мин дә яшим туганым.                                                                                      Чималың тик ятар иде                                                                                   Эшкәрткече миндә аның.

Эчәклек.

Эшкәртәсез, үпкәләмим,                                                                                                           Ә кем аны тарата                                                                                                 Игелекле хезмәтем бар                                                                                       һөнәремне яратам.

Үпкәләр.

Ә без парлы- икәүләшеп                                                                                   Башкарабыз зур хезмәт.                                                                                          Һава белән эш итәбез                                                                                               Безгә тиеш зур хөрмәт.

Бөерләр.

Ә без парлы түгелмени?                                                                                              Безнең хезмәт начармы ?                                                                                   Беребез әгәр туктап калса,                                                                                                               Бөтен начар качармы?

Бөтен канга кирәкмәгән                                                                                 матдәләр   таралсынмы ?                                                                                                           Организм хәлдән таеп,                                                                                              һәм авырып ятсынмы.

Арка мие.

... ... буламын мин                                                                                              Умырткалык эчендә                                                                                                            Уяу булу кирәк миңа                                                                                      Сигналлар күп эшемдә.