Күбурынлы саннарны разрядлы чагыштыру
план-конспект урока по математике (3 класс) по теме

Күбурынлы саннарны разрядлы чагыштыру

(III сыйныф)

Зөлфия Нәбиева

Кукмара  районы Сәрдекбаш урта гомуми белем бирү мәктәбенең башлангыч сыйныфлар укытучысы

Максат:

- күбурынлы саннарны разряд буенча чагыштыра алу;

-логик һәм иҗади фикерләү сәләтен үстерү;
− дуслык, бер-береңә хөрмәт, ярдәмчеллек сыйфатлары тәрбияләү.

Предмет нәтиҗәләре: 

- саннарны дөрес итеп укый белү;

 - күбурынлы саннарны разряд буенча чагыштыра алу;

Универсаль уку гамәлләрен формалаштыру

Шәхси:

 -яңа уку материалын үзләштерүдә кызыксынучанлыкны үстерү;

-үзара дуслык, җылылык атмосферасы тудыру;

-дәрестә актив, тәрбияле, кайгыртучан иптәш булу.

Метапредмет нәтиҗәләре
Регулятив: эшчәнлекне планлаштыра, үз алдыңа максат куя, үз фикереңне әйтә белү; нәтиҗә ясау, үз эшчәнлегеңне контрольдә тоту, игътибарлы булу,өстәмә чаралар  куллана белү;
Танып-белү: таблицаны файдалану ,  өйрәнгәнне көндәлек тормышта кулланырга өйрәтү.
Коммуникатив: төркемдә эшләгәндә, бер-берсен тыңлый белү; сөйләшү барышында, үз фикерен җиткерә алу; үзара килешү, алган мәгълүматларны куллана белү.

Материал: «Математика» (А.Л.Чекин) дәреслеге,  1 нче кисәк, 78−80 нче битләр; эш дәфтәре.

Җиһазлау: парларда, төркемдә эшләү өчен карточкалар, үзбәя өчен «смайлик»лар, өстәлнең һәм укучыларның тәртип саны язылган карточкалар, презентация, компьютер, проектор,сүзлекләр.

Дәрес тибы: яңа белемнәр ачу

Предметара бәйләнеш: әйләнә-тирә дөнья.

Эш төре: Сингапур структураларын кулланып, укучылар белән фронталь, индивидуаль, парларда, төркемнәрдә эшләү.

Дәрес барышы
I. Мотивация..

 Сыйныфташларны сәламләү (кара-каршы, җилкәдәш күршене сәламләү).
Дәрескә әзерлекне тикшерү, уңай психологик халәт тудыру.

          1.Дәрестә безнең күзләребез - күрә,

Колакларыбыз - ишетә,

Кулларыбыз - яза,

Башыбыз – эшли.

           2.Ә безнең дәресебезнең девизы-

«Математика – фәннәр патшасы  ,ә арифметика – математика патшасы»

                                                      ( К.Гаусс)

1 нче слайд

Арифметика нәрсә ул? Сүзнең мәгънәсен белмәсәң кайдан карыйсы?

1 укучы аңлатмалы сүзлектән арифметика сүзенең мәгънәсен укый.

Аңлатмалы сүзлектән саннар табу:1977 елгы, инвентарь №4033,475 бит.

II. Актуальләштерү

ТЭЙК  ОФ–ТАЧ  ДАУН (басарга-утырырга)

-6009 саны болай языла; Слайд 2---

 -Һәр класс 3 разрядтан тора;    Слайд 3   +                                     987.654.321

-сан уңнан сулга таба укыла;  --(бу вакытта башта 987,аннары 654,аннары 321 чыга)

-санаганда арттан килгән сан  зуррак; алдан килгәне кечерәк;  Слайд 4 . 99<100, 100>99

-22350 санында дистәләр разрядында 3 цифры тора; Cлайд 5. Зур итеп 22350

-70312 санында берәмлек меңнәр разрядында 0 тора; С лайд 6. Зур итеп 70312

-1000-иң зур  дүртурынлы сан;

-Күрше саннар аермасы 1 гә тигез

-Разряд –ул цифрның сандагы  эш урыны.

-Сез  өйдән язып килгән газ счётчигы күрсәткече-бишурынлы сан.

Смайликлар белән үз-үзеңне бәяләү.

III.Кыенлык тудыру.

1. Дәфтәргә число, сыйныф эше язу.

Укучылар өйләреннән язып алып килгән газ счётчигы күрсәткечләрен дәфтәрләренә матур итеп язып куялар,карандаш белән классларын күрсәтәләр.

.Арифметик диктант:-иң зур бишурынлы санны языгыз;

                                    -иң кечкенә алтыурынлы сан; Слайд 7. башта бер бер артлы 99999,100000 саннары чыга ,аннары аска 99 мең< 100 мең чыга

Аларны чагыштырыгыз: бишурынлы сан зурракмы , алтыурынлымы?  

-Ни өчен?( санаганда бишурынлы сан алданрак килә, бишурынлы санда 99 мең, алтыурынлы санда 100 мең, берсе бишурынлы, икенчесе-алты.)

100 000 нән соң килгән санны языгыз:100 001.Аларны чагыштырыгыз:

100 000 < 100 001.Ни өчен?(100 000 алданрак килә)

2). Әти кеше  малаена су счётчикларын карарга кушкан: җылы су -205456,салкын су-204456 күрсәткән.Әтиләре кайсы су күбрәк тотылган дип сорагач, малай тиз генә җавап бирә алмаган.

Слайд8.  башта 205456, 204456 саннары бер юлда чыга,аннары аларны баганалап куярга кирәк

-Сез тиз генә җавап бирә аласызмы?

-Ни өчен?

-Шушы малай хәлендә калмас өчен нишләргә кирәк?

(-Суны саклап тотарга кирәк!)

  (-саннарны чагыштыра белергә кирәк)

-Саннарны чагыштыру өчен без нәрсәләр беләбез? (санны  дөрес итеп укый белергә, аның разрядлы составын белергә кирәк)

-Без бүген дәрестә нәрсә турында өйрәнәчәкбез? (күбурынлы саннарны чагыштыра белү кагыйдәсен чыгару һәм аны куллана белү)

Яңа слайд :Күбурынлы саннарны разрядлы чагыштыру

-Сезгә моны белергә кирәкме? Күбурынлы саннарны чагыштыра белү ни өчен кирәк?

-Бу саннар турында нәрсә әйтә аласыз? Аермалы һәм охшаш якларын табыгыз.Аларны ничек итеп язсаң чагыштырырга җайлы булыр?

IV.Кыенлыктан чыгу алгоритмын төзү:

-Саннарны чагыштыру өчен нәрсәләр белергә кирәк?

ФИНК РАЙТ РАУНД РОБИН (уйла-яз-командада тикшер)

Укучылар уйлый, җавап яза, чиратлап тикшерә,үз фикерләрен әйтә.

Һәр өстәлдән 1 укучы җавап бирә: № 2.

Саннарны чагыштыру өчен Слайд: 

                                                         1.Cаннарны  дөрес итеп укыйсы,

                                                  2.Разряд санын беләсе,разряд саны күбрәк булган сан зуррак                                   була;

                                                  3.Разрядлары тигез булса, югары разрядларны чагыштырасы.         Югары       разрядта кайсының саны зуррак булса, шул сан зуррак була.

V.Төзегән алгоритмны тормышка ашыру. 

1)№140.Күрше саннарны табып чагыштыру.

-Кайсы юл белән чагыштырдыгыз?(-Күрше саннар: санаганда арттан килгән сан  зуррак; алдан килгәне кечерәк)

№141.Саннарны кимү тәртибендә язу.

2) Дәреслек буенча эш: №142. Парлап эш (җилкәдәш күрше белән)

-Ничә сан язылган? Саннарны чагыштыруны нәрсә җиңеләйтә?(-Саннар разрядлар һәм класслар таблицасына язылган?

-Иң кечкенә санны табыгыз.-Ничек белдегез?

-Иң зурысы?-ничек белдегез?

№3 җавап бирә.

Ял вакыты  «Фолоу зе лидер»

VI. Укучыларның эчтән әйтеп беренчел ныгыту  этабы.

КУИЗ-КУИЗ-ТРЭЙД  (Укучылар өйләреннән газ счётчигы номерларын карап язып килделәр, парлашалар, чиратлап укыйлар, саннарны чагыштыралар, алмаштыралар, партнёрларына рәхмәт әйтәләр, икенче пар табалар)

№4 ,№1 саннарын укыйлар,чагыштыралар.Кемнең буе озын,шул аңлата.

Газ счётчигы күп  исәпләмәсен өчен нишләргә кирәк?

VII. Мөстәкыйль эш.

Саннарны чагыштыр:

1нче вариант:

1)  700 300...70 030                    800 100...80 010

    875 129...857 129                  254 316...245 316

2)  * урынына саннар куй.

54 802<5* *02

67 **3<67 **3

72 305<7* *05

2 вариант:

1)Саннарны чагыштыр:

600 340...60 040               900 200...90 020

836 592...863 592             321 569...312 569

2) * урынына саннар куй

   86 709 < 8* *09

   26 **1< 26 **1

   54 **8< 54 **8

Эталон буенчаүзара  тикшерү.  Слайд .1 вариант. 1) >,>,>,=

                                                                         2 вариант. 1)>,<,>, >    

VIII. Белемнәр системасына кертү һәм кабатлау.

Күбурынлы саннарны чагыштыра белү кайларда кирәк булачак?(счётчик ,спидометр күрсәткечләре,еллар, машина һ.б.бәяләре,китапханәдәге китаплар саны,сүзлектәге сүзләр саны, күп сандагы әйберләр белән эш иткәндә кирәге чыга)

№143.Биремен укыту.

Мин болай уйладым: монда машина спидометры күрсәткечләре язылган.Иң күп йөргән машинаны табыгыз.Сез үз вариантыгызны әйтегез.

Слайд яңа

XI.Рефлексия.

-Дәрестә нәрсәләр белдегез?

Слайд :

-Мин ...белдем.

-Миңа ошады...

-... авыр булды.

...кирәк булачак.

-Ут,су ,газны ...тотасы

Өй эше:Дәфтәр №68,69, 

Иҗади эш:өйдә күбурынлы саннар табарга һәм аларны чагыштырырга.