Ачык дәрес
план-конспект урока по математике (1 класс) по теме

                            Азкомплектлы мәктәптә дәрес планы.

    Арча районы, Субаш-Аты башлангыч мәктәбе

    Вафина Гөлгенә Әмин кызы

             Класстан тыш уку +математика ( интеграл дәрес)

1 класс                                                                        3 класс

Тема:   Берурынлы саннарны                            Тема:Тапкырлау һәм бүлүне

кушу һәм алуны ныгыту.                                      ныгыту.

Максат: 1.Берурынлы саннарны                    Максат:1.Тапкырлау һәм бүлү- кушу һәм алуны ныгыту.                                   не  ныгыту.

2.Математика фәненә кызыксынуны һәм логик фикерләүне үстерү.

3. Әкиятләрне аңлый һәм эчтәлеген ачыклый  белүне камилләштерү.

Материал: Математика,1 класс,                      Материал: Математика,        

А.Л.Чекин                                                               3 класс, М.И. Моро          

       И.Г.Сәгъдиев “Хикмәтле математика”    

Җиһазлау: Компьютер, әкиятләргә презентация,тестлар, шәхси-дифференциаль карточкалар, ребус.

                                   Дәрес барышы.

                                            I.    Оештыру.

1.Исәнләшү.Уңай психологик халәт булдыру.

2.Укучыларның дәрескә әзерлеген тикшерү.

                                            I I.   Актуальләштерү.

Телдән исәпләү һәм соруларга җавап биреп ребус чишү.

1.   6х3 ничә була?
2. 4 дистә ничә ул?
3. 189 -170 алгач ничә кала?
4. 6 һәм 3 санының суммасы ничә?
5. Тугыз санын аска әйләндерсәк ничәле ясала?
6. Иң кечкенә икеурынлы сан ничә була?

Ребуста: Н Ы Г Ы Т У сүзе килеп чыга.

                                 I I I.  Төп өлеш.

1.-Балалар, без бүген сезнең белән әкиятләр иленә кунакка  барырбыз.Барасыгыз киләме?

–Әйе.

-Әкият иленә безне менә бу йомгак алып барыр.Мин аны тәгәрәтеп җибәрәм, без аның артыннан китәрбез.Ләкин башта аңа серле сүзләр әйтергә  кирәк. Минем арттан кабатлагыз әле:

   Серле түгәрәк йомгак,

   Тәгәрәп кит син ерак.

   Без, нәни дусларыңа,

   Әкияткә юл күрсәт.

-Әйдәгез киттек( йомгак тәгәри һәм серле тартма янына туктый)

-Карагыз әле, балалар, йомгак безне серле тартма янына алып килде. Эчендә нәрсә икәнен беләсегез киләме?

-Әйе.

2.- Иң элек минем сорауларга әйе яки юк дип кенә дөрес җавап бирсәгез, серле тартма капкачын ачар.    Башладык:

37саны 6 га калдыксыз бүленәме? –юк.(3кл)

10 нан 3 не алгач 7 каламы? – әйе.(1кл)

100не 1гә бүлгәч 100 буламы?-әйе.(3кл)

5 дистәгә 2 дистәне кушкач 8 дистә буламы? – юк.(1кл)

49 ны 7гә бүлгәч өлеше 7 буламы? (3кл)

10 һәм 5 нең аермасы 5 буламы?-әйе.

3.-Серле тартма ачылды. Балалар бу нәрсә?

-Песи.

Ә бу кем?

-Бабай.

Ә монысы кем?

-Әби.

Бу нәрсә?

-Эт.

Ә монысы нәрсә?

-Тычкан.

-Бу кем?

- Кыз.

-Һәм соңгысы: нәрсә бу?

-Ш а л к а н.

-Балалар, бу кайсы әкияттән микән?

-“Шалкан” әкиятеннән.

-Дөрес. Сез бу әкиятне беләсезме?Иң соңыннан шалканны кем ярдәмендә тартып чыгаралар?

-Тычкан ярдәмендә.

-Бик дөрес.

   4. Менә без әкиятләр иленә дә килеп җиттек. Ә хәзер бераз ял итеп алу өчен телевизор карап алыйк. Ә безгә анда әкиятләр күрсәтерләр. Иң беренче әкиятнең исеме ничек дип атала? (презентация карау, слайдларда)

• “Шүрәле” әкиятеннән.
• Бик дөрес. Сез бу әкиятнең эчтәлеген беләсезме?
• 3 нче класс укучысы сөйли. Былтыр исемле бер егет шүрәленең бармагын кыстырып калдыра. Ә Шүрәле былтыр кысты ,-дип кычкыра. Шүрәлегә иптәшләре былтыр кысканны нигә быел кычкырасың , -дип җавап бирәләр.

    5.  Шүрәлене бу бәладән коткару өчен саннарны чагыштырып алыйк әле.(Тактадагы  саннарны чагыштыралар.)

    1 класска                                            3 класска

13 һәм 15                                                 1м һәм 10 см

8  һәм 5                                                    10 дм һәм 1 м

9 һәм 8+1                                                 1дм һәм 100 см

 Физкультминутка “Шүрәле” җырын күнегүләр ясап җырлау.

6. Әкият карауны дәвам итү.

-Бу кайсы әкияттән?

“Су анасы” әкиятеннән.

-Бик дөрес. Сез бик күп әкият беләсез икән. Афәрин, балалар!!!

-Су анасы әкияте безне нинди булырга өйрәтә?

-Кеше әйберенә тимәскә!

-Дөрес, укучылар, Беркайчан да кеше әйберенә тияргә ярамый икән. Ә бездә андый балалар юк, шулай бит?!

  7. Әйдәгез су анасына да үзебезнең математика яратканны күрсәтик инде.

3класс компьютерда тест эшли.            1 класс белән мәсьәлә эшлибез.

                                                             Диләнең 6 дәфтәре, ә Динарның      

                                                            3 кә күбрәк дәфтәре бар.

                                                            Динарның ничә дәфтәре бар.

                                                            Икесенең бергә ничә дәфтәре бар?

                                                                    Дилә-6 дәфтәр

                                                                    Динар-3кә күбрәк?

                                                                    Барысы-?

                                                                Чишү: 6+3=9(дәфтәр) Динарныкы

                                                                            6+9=15(д.)икесенеке бергә

Тестның дөреслеге тикшерелә.

                                                                Җавап: 15 дәфтәр.

7. Бу әкиятләрне кем язган соң?

– Г.Тукай.

– Бик дөрес.Портреты слайдта.

-Кайсы авылда туган ул?

- Кушлавыч авылында.

 Әкият карауны дәвам итәбез.Бу слайдта гы әкият ни исемле икән?

Без 3 класс белән укыдык, шулай бит.

_”Батыр әтәч” әкиятеннән.

-Иң батыр хайван кем булды инде?

• Әтәч.
• -Әйе, ул кәҗәне ничек куып чыгарды?(укучы җавабы тыңлана)
• -Бик дөрес.Һәркемнең үз өе, үз куышы булырга тиеш. Кешенекенә кызыгырга беркайчан да ярамый. Әйдәгез куянның яңадан үзенең өендә яшәү шатлыгы өчен тактада мисаллар чишик.

8.1 класска мисаллар әйтеп торыла         3 класс баганалап бүлүне аңлатып

(укучы чишә)  17 -7,8+8, 6-3,2+6              чишә. 845:5

9.Слайдта нинди әкияте күрәсез?

-“Бүре һәм җиде кәҗә бәтие” әкияте.

-Бик дөрес.Бу әкият ничек тәмамлана инде?

-Бүрене барыбер тоталар,үтерәләр. Ә кәҗә бәтиләре исән кала.

    Слайдлардагы әкияләрне карап, аларның исемнәрен һәм кыскача эчтәлеге ачыла.

                                  IV. Йомгаклау.

1.Серле йомгакны тәгәрәтеп җибәрик һәм мәктәбебезгә кайтыйк. Ә безне мәктәптә дә серле сандык көтеп тора. Аның эчендә нәрсә икән?(балаларга бүләк)

2. Дәрестә ниләр эшләдек. Максатка ирештекме?

3. Укучыларның белеменә бәя бирү.

4. 3класска өй эше бирелә.(карточка)