Әлифба бәйрәме
план-конспект занятия (1 класс) на тему

МБГБУ “ Кенәбаш башлангыч мәктәп – балалар бакчасы”

Әлифба бәйрәме!

Башкаручы: Галиәхмәтов А.М.

Әлифба бәйрәме.

Максат:

1. 1нче класс укучыларының “Әлифба” дәреслеген тәмамлаулары, укый-яза белүләрен тикшерү.
2. Шушы чор эчендә алган белемнәрен үстерүне дәвам итү.
3. Халык аваз иҗатына карата кызыксыну тәрбияләу.

Җиһазлау:

хәрефләр, кисмә хәрефләр, мисал.мәсьәләләр, табышмаклар, бүләкләр.

Катнашалар:

Шәвәли, укытучы, укучылар.

Милли компонентлар:

Татар халык биюләре, җырлары, табышмаклары.

Бәйрәмне укытучы башлый.

• Кадерле укучылар! Сезне мәктәп дигән белем йортындагы беренче җиңеүгез Әлифбаны тәмамалавыгыз белән чын куңелдән тәбрик итәм. Хәрефләр белән танышу, алардан сүзләр төзү җиңел булмады. Әмма сез тырышып белем алдыгыз, укырга , язарга, санарга өйрәндегез. Әлифба үзара тату-дус, әдәпле булырга, укучылар өчен кагыйдәләрне үтәргә өйрәтте. Беренче бәйрәмегезгә сезнең якын дустыгыз – Шәвәли килде.

Шәвәли:

Мин – Шәвәли, Шук-малай

Ут малай!

Мин бик уңан, өлгер мин

Юк бар белән көлдермим!

Бик тапкыр мин, җыйнак мин,

Мин,мин,мин тыйнак мин!

• Исәнмесез, нәни дусларым! Әйтегез әле, сезне мәктәптә нәрсәгә өйрәтәләр?

Укучылар:

Укырга,язарга,санарга, дус,тату, әдәпле булырга, җырларга, биергә, туган илне, туган телне яратырга!Чын кеше булырга!

Шәвәли:

• Молодцы!
• Әйтегез әле, “Әлифба” сүзе нинди хәрефләрдән төзелгән?

(Әлифба сүзендәге хәрефләр булып киенгән укучылар шигырьсөйлиләр.)

• “ Әни” диеп, телем ачылган

Әни сөйгән назлаган,

Кайсыбыз соң дәфтәренә

Ә хәрефен язмаган?

• Күзләремнән яшьләр чыкты

Капкан идем лимонны

Сары булгач, бик татлыдыр

Дигән идем мин аны.

• Иген үскән, биек үскән

Башаклары тулып пешкән!

Комбайннар туктап тормый,

Ашлык суга, җырлый-җырлый.

• Фил бүрәнә ташып йөри ,

Кара урман эчендә

Хаман тора күз алдында,

Күрсәм дә тик төшемдә.

• Бәр барабан,уйна быргы,

Бар кешеләр ишетсен

Б дан башка бәйрәм югын

Барчасы күреп торсын!

• А хәрефе алмада,

А хәрефе агачта.

А хәрефен яратабыз

Өйрәнәбез иң башта.

(Кисмә хәрефләрдән “Әлифба” сүзе төзелә)

        Әлифба син алып кердең

Безне белем иленә.

Ялкаулык та, тырышлык та,

Шушы илдә беленә!

Җыр: “Әлифба”

-Исәнмесез, балалар!

Менә Сезнең җырлаганны ишетеп мин дә килеп җиттем әле. Минем дә Сезнең бәйрәмдә катнашасым килде. Сезне сәяхәткә чыгалар диеп ишеттем. Мин дә Сезнең б-н барырмын. Авырлык килсә сезгә ярдәм итәрмен.

А.б. :

• Укучылар ! без бүген сезнең б-н шушы утырып сәяхәткә чыгарбыз. (Юлда җыр) “Күңелле балачак”. Тактада без барасы юлның планы язылган.
• Безнең беренче тукталышның исеме юк икән. Исемен чыгарыр өчен менә шушы кроссвордны чишәргә кирәк. Кроссвордны чишкәч утрауның исеме чыгачак.
• Күптән түгел генә туган көне булып узган сөекле шагыйребезнең исеме Габдулла. Сез аның нинди әкиятләрен,шигырләрен, җырларын беләсез?
• Ярый,укучылар, бик тырышкач, бу утрауның да исеме чыкты.
• Ә хәзер без сезнең б-н икенче утрауга китәбез.

Җыр: “Бөрлегән”

• Менә икенче тукталышка да килеп җиттек. Бу утрауның исеме: “Математиклар утравы”
• Бу утрауда без сезнең б-н кызыклы мәсьәләләр чишәрбез, мисаллар эшләрбез.

Уен “Тычканнар”.

Бию “Сигезле”

• Өченче утрау: “Азбука утравы”
• Бу утрауда үзегезнең өйрәнгән бик матур шигырьләрегезне сөйләп күрсәтерсез.

Җыр: “Үрдәкләр”

• Дүртенче утрау : “Тапкырларга табышмак”
• Бу утрауда бер бик матур серле агач үсеп утыра. Аның һәр яфрагында төрле кызык табышмаклар, башваткычлар . Сезгә шуларның җавапларын табарга кирәк булачак. Таышмакларның җавапларын тапсагыз сез җиңүчеләр булачаксыз.

(Табышмаклар әйтелә. Җаваплар тыңлана)