Башлангыч сыйныфларда 8 Март бәйрәме!
методическая разработка (1 класс) по теме

1 нче алып баручы:  Хәерле көн , хөрмәтле әниләр, әбиләр, апалар , сеңелләр!

2 нче алып баручы : Исәнмесез,якын дусларым! Кадерле әниләребез,  әбиләребез, апаларыбыз, сеңелләребез ! Сезне язның беренче бәйрәме – 8 Март белән кайнар котлыйбыз!

1 нче алып баручы:

Кояш көлә, мин елмаям,

8 Март бүген.

Бүген әниләр бәйрәме,

Шуңа күңелем шат минем.

2 нче алып баручы:  Хөрмәтле әниләребез, кунакларыбыз! Бүген сезнең каршыгызда 2 команда чыгыш ясарлар.

I нче команданың исеме –“ Йолдыз”

II нче команданың исеме – “Чулпан”

(Хөкемдарлар сайлап кую)

(2 команда да  үз урыннарын алалар.)

1 нче алып баручы:

Дуслар, игътибар! “ Йолдыз” һәм “Чулпан” командалары хәзер үзара ярышны башлап җибәрәләр.

I нче бәйге.”Җырлыйм әнием турында “.

  Җырсыз  җирнең яме юк ,

Җырсыз тормыш тәме юк ,

Җыр сулар һава кебек ,

Җыр яши , җыр – мәңгелек!

Командалар әниләргә багышланган җырлар башкаралар.Һәр командадан да берәр җыр.

Командалар әзерләнгәнче концерт номеры тыңлап китик.

2 нче алып баручы:”Чулпан” командасы, рәхим итегез.

1 нче алып баручы: Хәзер “Йолдыз” командасы чыгышын тыңларбыз.

(Концерт номеры)

2 нче алып баручы: Хөкемдарлар нәтиҗә ясаган арада , залга 2 әнине чакырабыз . Рәхим итегез! Һәр командадан берәр укучы да чыга.

Бәйге” Бии беләсеңме?” дип атала.

Әйдә .әйдә , катырак бас ,

Бу кем бии  , дисеннәр .

Баскан җирдә ут чыгара

Безнең кызлар , дисеннәр .

                        Имән микән бу  сайгак?

                        Нарат микән бу сайгак?

                        Сикереп төшеп биегәндә

                         Чыдар микән бу сайгак?

Биремне тыңлагыз.Бию көенә әниләр төрле хәрәкәтләр ясый – ясый бииләр, ә чыккан 2 укучы аларның хәрәкәтләрен кабатлыйлар. Кем ахырга кадәр дөрес бии, шул җиңүче була. Рәхим итегез!

(Хөкемдарларга сүз бирелә.)

1 нче алып баручы: Ә хәзер командаларга сорау: Бәрәңгедән нинди ризыклар әзерләп була? (Кайсы команда күбрәк әйтсә, шул җиңүче була.)

(Концерт номеры)

2 нче алып баручы: Ярыш  дәвам итә.Хәзер булачак бәйге  - “Әниләргә багышланган шигырьләр “ дип атала.Командалар үзләренең шигырьләрен сөйлиләр.

(Бәйгедән соң хөкемдарлар нәтиҗә ясый)

1 нче алып баручы: 5 нче бәйге өчен һәр  команда күзләрен бәйләгән килеш кыз рәсемен ясарга тиеш.1 нче укучы - башын,2 нчесе – кулларын  һәм башкалар ...

(Хөкемдарлар нәтиҗә ясый)

 (Концерт номеры)

2 нче алып баручы: 6 нчы бәйге өчен  исемнәрне искә төшерергә кирәк булыр.Хатын –кыз исемнәре белән аталган җыр исемнәрен санагыз.

1 нче алып баручы: Ә хәзер,   командирлар ярышы. Һәр командир такта янына чыга һәм шакмакларга берәр иҗек яза.  5 кызлар исеме килеп чыгарга  тиеш.

        фи

        яки

        ли

2 нче алып баручы: Командирлар эшләгәндә концерт номеры  карап үтик.

(Хөкемдарлар нәтиҗә ясый)

1 нче алып баручы : 7 нче бәйге “Әниемә бүләк “ дип атала .Һәр команда   өйдә төсле кәгазьләрдән бизәкләр кисеп алып килде . Хәзер шул бизәкләр белән әниләргә бүләк әзерлибез . Алар бүләк әзерләгән арада концерт номерларын дәвам итәбез .

(Хөкемдарлар нәтиҗә ясый .)

2 нче алып баручы .

Күп сораулар ,күп җаваплар ,

Күп сынаулар сез үттегез .

Инде бу зур эшләрдән соң

Әйдә ,бераз ял итегез .

Бәйгегә нәтиҗә ясау өчен ,сүз хөкемдарларга бирелә .

1 нче алып баручы .

 Хөрмәтле хатын-кызлар! Һәрбарчагызны 8 март бәйрәме белән котлыйбыз .

Бәйрәмегез котлы булсын ,

Елмаеп , көлеп торсын .

Язгы кояш нурларыдай

Зур эшләргә рухландырсын .

2 нче алып баручы.

            Сәламәтлек юлдашыгыз ,

            Тату матур тормышыгыз ,

             Күңел сөйгән хезмәтегез –

             Һәр барчасы мулдан булсын .

        Алып баручылар:          Сау булыгыз!