Белем бәйрәме
методическая разработка (1 класс) по теме

        Белем бәйрәме.

(1нче сыйныфлар өчен әзерләнгән бәйрәм сценарие).

1нче алып баручы:  Исәнмесез хөрмәтле укытучылар , укучылар , әти-әниләр!

2 нче алып баручы: Хәерле көн!

1 нче алып баручы:

Нинди ямьле безнең көн
Йөгереп урамга чыгам.
Күңелле уйлар белән
Мәктәбемә ашыгам.

2 нче алып баручы

Кояш нуры иркәли
Шат йөзле һәркем , кара
Кайсы эшкә , хезмәткә
Кайсы укырга бара.

“Татар халык биюе”.Бии 2нче г сыйныфы укучысы Чулакова Вероника.

1 нче алып баручы:

 Малайлар һәм кызлар
Тотынышып кулларга,
Белем иленә килдегез
Зур җиңүләр яуларга.

2нче г сыйныфы укучысы Сычёва София җырлый.”Бәйрәм бүген”.

2 нче алып баручы:

Белмибез ару-талуны
Без өлгер һәм алдынгы,
Һәммәбезне алга өнди
Көмеш кыңгырау чыңы...

Фортепьянода  2нче в сыйныфы укучысы Тарышкина Ксения уйный.

1 нче алып баручы:

-Яна уку елы һәркемгә шатлыклар –сөенечләр,
-«4»леләр, «5»леләр ,зур уңышлар гына алып килсен!

2нче а сыйныфы укучысы Ковалёва Алиса җырлый.

 ”Мин үсәм,үсәм,үсәм”.

2 нче алып баручы:

Әлифбаны язган галимнәр бар,
Дәреслекләр туган телемдә!
Туган телдә булган һәр яңа бит
Илтте мине яңа белемгә.

“Заманча бию”.Бииләр :Сычёва София,Сычёва Даша,Петрова Катя,Кольцова Полина.

1нче алып баручы:
Горурланыр әти-әнием бар
Туган телен миңа өйрәткән.
Укытучым бар шигырьләрне яттан
Туган телдә миннән сөйләткән.

Шигырь ”Яхшы бел”.Укый 2а сыйныфы укучысы Дериглазов Тимур.

2 нче алып баручы:
Дөнья булгач жиңел генә булмас,
Авырлыклар очрар , киртәләр,
Сез аларның барын җиңә алырсыз,
Тыныч кына тусын иртәләр.

 2нче г сыйныфы укучысы  Платонова Даша бии.

1 нче алып баручы:
Белем булса барын эшләп була
Һәр укучы моны дөресләр.
Котлы булсын Яңа уку елы,
Котлы булсын тәүге дәресләр! 

2нче а сыйныфы укучысы Ишмөхәмәтова Азалия җырлый.

”Кәрия-Зәкәрия”

1нче укучы:
Исәнмесез минем якын дуслар,
Хуш килдегез ,рәхим итегез:
Кулга тотып белем ачкычларын
Я әйдәгез түрдән үтегез!

2 нче укучы:

Чәчәк тотып кулларга
Сез чыктыгыз олы юлларга.
Һәркем белә әлбәттә
Сез барасыз мәктәпкә.

3 нче укучы:.
Бүген йөзләр көләч сезнең,
Күңел сөенә.
Атлыйсыз тәүге адымнар
Белем иленә.

4 нче укучы:
Туган телнең моңын , бар тылсымын,
Җир йөзендә ниләр барлыгын,
Ни өчен кояш батуын,
Якты йолдызларның балкуын,

5 нче укучы:

 Диңгез-океаннарны, күлләрне,
Иксез-чиксез галәм серләрен,
Агач, үсемлекләр, гөлләрне,
Африканың кайнар чүлләрен

6 нчы укучы:
Җырчы чишмәләрне,җилләрне,
Сандугачлы җылы җәйләрне,
Тагын бик күп әллә ниләрне,
Сезнең беләсегез бар әле.

Җыр .,,Өйрәтәләр мәктәпләрдә”

7 нче укучы:

Әти- әниләргә сүз бирегез,

Һәрчак  ярдәм итәргә.
Хәрефләрне өйрәнергә,
Мисалларны чишәргә

8нче укучы:

Шулай булгач, сезгә кирәк
Бик тырышып укырга.
Артык шаярмыйча, дуслар,
Зирәк, тапкыр булырга.

 2 нче алып баручы:
Тырышып укырга чакырып,
Звонок яңгырасын.
Нәни дуслар өчен хәзер
Дәрес башлансын.

1 нче алып баручы:Шушының белән безнең “Белем бәйрәм”ебез тәмам. Игътибарыбыз өчен зур рәхмәт!