Балалар баҡсаһында үткән саралар
план-конспект занятия

ҺАБАНТУЙ

Фольклор байрам

Маҡсат: Балаларҙа башҡорт халҡының байрамдарына, ғөрөф-ғәҙәттәренә ҡыҙыҡһыныу уятыу; һүҙлек запасын байытыу, бәйләнешле телмәр үҫтереү; уларҙа етеҙлек, талапсанлыҡ, ныҡышмалылыҡ, әүҙемлек, тапҡырлыҡ, сослоҡ, зирәклек тәрбиәләү.

Йыһазландырыу. Башҡорт халыҡ кейемдәре, икешәр тоҡ, бәләкәй флаг,

таҫтамал, көйәнтә һәм күнәк, көршәк,таяҡ, ҡалаҡ, йомортҡа, арҡан, бала ларға бүләктәр, сәк-сәк.

Байрам барышы

Байрамса биҙәлгән майҙансыҡта балалар һәм килгән ҡунаҡтар ярымтүңә-

рәк яһап ултыра.

Тышта төркөмдәр теҙелеп баҫҡан, күңелле ҡурай көйө уйнай.

А.б- Һаумыһығыҙ, ҡәҙерле, мөхтәрәм ҡунаҡтар, тәрбиәселәр, балалар.

Бөгөн беҙҙең балалар баҡсаһында оло байрам, һабантуй байрамы.

Ошо байрам менән ҡотлайбыҙ, һаулыҡ, таҙалыҡ, ил именлеге теләйбеҙ.

Һаумы, һаумы, һабантуй,

Бөтә эшең ҡуйып ҡуй,

Йыйылығыҙ майҙанға

һабантуйҙы башларға.

(Музыка) балалар майҙан исемдәре яҙылған планшеттар тотоп сығалар.

1-се бала- (Йыр-моң  майҙаны)

Күмәк йырҙар йырлайбыҙ

Бейеп өҙә баҫабыҙ.

2-се бала- (һыу ташыу майҙаны)

Әйҙәгеҙ әле, ҡыҙҙар,

Алып көйәнтә- күнәк,

Ярышыҡыҙсы күмәк.

3-сө бала- (йомортҡа ташыу майҙаны)

Тормағыҙ елкә тырнап,

Бына йомортҡа, ҡалаҡ.

4-се бала- (тоҡ менән йүгереү майҙаны)

Бер мәрәкә булһын әле,

Йүгерәйек тоҡ кейеп.

5-се бала- (ат сабыш майҙаны)

Беҙ башлайбыҙ ҙур алыш,

һабантуйҙа ат сабыш.

6-сы бала- (арҡан тартышыу майҙаны).

Үҙ-ара ярышабыҙ,

Арҡандар тартышабыҙ.

А.б- Байрам үтер күркәмерәк,

Барыһы ла шатланыр.

Әйҙәгеҙ күңел асайыҡ,

Майҙандар ҙа бергәләп.

                    (Балалар сығып китәләр).

А.б- Йыр-моң майҙаны һеҙҙе күңел асырға саҡыра.

А.б- ҡулдар сабып ҡаршыларға

Дуҫтар булығыҙ әҙер

Алма кеүек матур балалар

Бейергә төшә хәҙер.

13-сө төркөм башҡарыуында парлы бейеү

А.б- һеҙҙә күңел асалармы

Беҙҙә күңел асалар

һеҙҙә нисек, беҙҙә шулай

Йырлап күңел асалар.

«Дуҫлыҡ  йыры»  

менән 6-сы төркөм балалары. Ҡаршы алығыҙ.

А.б- Таянабыҙ бөйөргә

Тотонабыҙ бейергә

Тыпыр-тыпыр тыпырлатып

Әйләнәбеҙ бит бергә.

7-се төркөм башҡарыуында парлы бейеү.

Улай итеп, былай итеп

Үтә беҙҙең ғүмерҙәр

ҡысҡырып йырлап ебәрһәң.

Күтәрелә күңелдәр-ти 12 төркөм.

Башҡорт халыҡ йыры

«Ал бәйлә ҡулыңа»

А.б- Аҡта булла, күктә була

Төрлө була күбәләк

Сәскә осҡан кеүек була

Улар осһа бергәләп.

Гилязетдинова Динара башҡарыуында йыр

«Күбәләкле болонда»

А.б- Тал бөгөлә, тал бөгөлә

Ниңә бөгөлә икән

Һеҙҙең өсөн күңелдәрем

Ниңә өҙөлә икән- ти 13-сө төркөм.

Йыр «Бейеүсегә»

А.б- Йырлайбыҙ, һамаҡлайбыҙ

Байрамсалап бейейбеҙ

Изге теләктәр теләп

Баҫа торған көйөбөҙ.

7-се төркөм башҡарыуында

 йыр «Мин үҙемде яратам»

А.б- Ҡәҙерле ҡунаҡтар, балалар.

Хәҙер башлайбыҙ ярыш

Атта шәп сабыусылар,

Йүгереүселәр, көрәшселәр,

Мәргәндәр, майҙандар

һәммәгеҙҙе көтәбеҙ.

Алдан ярыш майҙандары әҙерләнгән:

1. Йомортҡа ташыу –  Ләйсән Рафаэловна
2. Биҙрәләр менән һыу ташыу-  Зөлфиә Талгатовна
3. Тоҡ менән йүгереү –  Венера Рушатовна
4. Арҡан тартышыу –  Фәнилә Рәфитовна
5. Ат сабышыу –  Юлия Йәдгәровна

Мед пункт – Лилия Чулпановна

Фотограф – Ғәлимә Рәисовна

Йәншишмә (һыу)  -  Эльмира Рифкатовна

Музыкаль би621се – Фирүзә Ғәниевна

Сәхнәне биҙәү- Рәшиҙә Зәкәриевна, Миләүшә ;Әбделмановна

75- башҡорт балалар баҡсаһы «Аҡбуҙат» 

«Һабантуй”

(фольклор байрам)

Төҙәнө

Музыка етәксеһе

Йыһангирова Ф.Ғ