"Табигатьне саклагыз!"
материал (подготовительная группа)

“Табигатьне саклагыз!” экологик әкияте.

Бурычлар: Балаларны табигатьтәге матурлыкны күрә, тоя белергә, аның кадерен белергә өйрәтү; табигатьнең кеше тормышындагы әһәмиятен аңлату.

Күзәтүчәнлекне, үз фикерен әйтә белү, чагыштыра белү күнекмәләрен үстерү. Табигатькә сакчыл караш, экологик культура тәрбияләү.

Жиһазлау: Декорация  өчен агачлар, агач төпләре, гөмбәләр, чәчәкләр, язмада кошлар тавышы, балалар ташлап калдырган чүпләр.

Катнашалар:

Ял итүче 2 малай һәм 2 кыз

Керпе

Кошлар

Су анасы

Шүрәле

Музыка яңгырый. Чәчәкләр биюе.

2 малай, 2 кыз рюкзаклар асып, көлешә-көлешә керәләр.

 1 нче кыз: Карагыз  әле нинди матурлык!

2 нче кыз: Бик озак эзләдек бу аланлыкны.

1 нче малай: Менә  монда рәхәтләнеп  ял итәчәкбез инде...

2 нче малай: Син аргансың ахыры,  рюкзагың да бик зур күренә. Бушатабыз  әйдә, ашыйбыз.

1 нче кыз: - Мәгез конфетлар, “Магнит” тан үзем сайлап алдым,  сыйланыгыз дускайларым.

1 нче малай: -Чоко пай  бик тәмле. Әни кичә генә “Алинә” кибетеннән алып кайтты.   Мәгез, сыйланыгыз!

2 нче малай: - Синең согын бармы, бир әле.(Эчеп бетергәч, шешәсен ташлыйлар, ватыла)

1 нче кыз:  Сыйланып алдык. Минем әнә теге аланга барып чәчәкләрдән букет җыясым килә.

1 нче малай: Ерак түгел елга бар, әйдәгез, суга таш атып уйныйбыз.

2 нче кыз: Ә минем  күбәләкләр тотып уйныйсым килә. Әйдәгез, шунда барабыз.

2 нче малай: Әйдәгез, киттек. (Агач арасында качып торган Керпе чыга ).

Керпе: Ай-яй нинди тәртипсез балалар! Аланлыкны бөтенләй танып булмый.

Кошлар очып керәләр.

1 кош: Күрегез әле сез мондагы тәртипсезлекне! Үләннәрне таптап бетергәннәр.

2 кош:  Чәчәкләрне тамырлары белән өзеп алганнар.

3 кош: Бөтен җирдә чүп-чар аунап ята.

Керпе: Моны болай гына калдырырга ярамый. Берәр чарасын күрергә кирәк.

 ( Балалар кире әйләнеп киләләр)

1 нче кыз: Без бик күңелле ял иттек.

2 нче кыз:  Менә мин нинди матур букет җыйдым.

 1 нче малай: Бөтен кошларны, балыкларны, хайваннарны куркытып бетердек. Ә суга ташны  иң ерак мин ыргыттым.

2 нче малай: Бик рәхәт булды  монда име  беркем дә комачауламый, ачуланмый.

1 нче малай:  Әйдә, музыкаңны кабыз, биибез. (Бииләр. Музыка ахырында  бер  малай кычкырып җибәрә)

 1 нче малай: Ай-ай-ай  аягым, аягым авырта!

Барысы бергә: Нәрсә булды, нишләдең?

1 нче малай: Аягыма пыяла кисәге керде.

1 нче кыз: Коткарыгыз!

2 нче малай: Ярдәм итегез!  

2 нче кыз: Нишлибез инде хәзер? Керпе чыга 

Керпе: Нәрсә булды? Нигә  шулай кычкырасыз?  Менә, балалар, үзегез казыган чокырга үзегез үк төштегез. Әйтегез әле,  дөрес эшләдегезме сез шулай табигатьне пычратып?  

Барысы да (башларын иеп, әкрен генә):  Ю –ю - к

(Кошлар керә, берсенең канаты бәйләнгән)

1 нче кош: Аланлыкта тынычлыкны бозып кемнәр йөри?

2 нче кош: Сез безнең  дустыбызга таш атып, аның да канатын авырттырдыгыз.

3 нче кош: Синең аягың авырткан кебек, аның  да канатлары би-и-ик авырта.

4 нче кош: Ярый әле Керпе очрады, ул ярдәм итте.

 (Усал кыяфәттә Су анасы белән Шүрәле чыгалар, балаларга якынрак килеп)

Су анасы: Кайсыгыз минем елгадагы балыкларны таш атып  куркытты?

Шүрәле: Сезме ул урмандагы яшеллекне таптап бетерүчеләр? Тукай һәм Былтыр исемле малайлар мондый явызлыклар эшләмиләр иде. (Балалар янына якынрак килеп)

1 нче кыз: Без үзебезнең ялгышны аңладык, зинһар кичерегез безне.

1 нче малай: Гафу итегез безне.

2 нче малай: Хәзер чүпләрне җыярбыз.

2 нче кыз: Мин дә чүпләрне җыярга булышам. (Чүпләрне җыялар)

1 нче малай: Без сүз бирәбез, башка андый начарлыклар эшләмәбез.

2 нче малай:  Кошларны, балыкларны куркытмабыз. Кагыйдәләрне  төгәл үтәрбез.

Керпе: Безнең табигатебез бик бай һәм матур. Шуңа күрә без бу табигать байлыгын саклый белергә тиеш.

2 нче кош: “Бердәмлектә –көч”, - диләр бит.

3 нче кош: Бергә булганда гына  без, барын да булдырачакбыз!