Китапны саклагыз
консультация на тему

Китап – киңәшчең синең, 

Дустың, ярдәмчең синең.

Ул хөрмәткә бик хаклы,

Кадерлә син китапны.

Почмакларын бөкләмә,

Битләрен дә ертма син.

                    Керле кул белән аны

Беркайчан да тотма син.

Ул яратмый пычракны-

Керне, тузанны, тапны.

Саф, керсез күңелең белән

Бик чиста тот китапны.

Көн дә укы син аны:

                                     Китап – якын дустың ул.

                                            Синең сорауларыңа

                                           Җавап биреп торсын ул!

Әти – әниләргә

киңәшләр

• Китапка кызыксынуны кече яшьтән үк тәрбияләгез.
• Китап сатып алганда бизәкле, матур китаплар сатып алырга тырышыгыз.
• Күбрәк бергәләп укырга тырышыгыз.
• Укыган китабыгыз турында гаиләгез белән фикер алышыгыз.
• Балагызга китап авторы турында сөйләгез.
• Өегездә кечкенә генә булса да китапханә булдырырга тырышыгыз.
• Гаиләгез китапларын саклап, балагызда китапка карата сакчыл караш, ихтирам тәрбияләгез.
• Балагызга китаплар бүләк иткәндә изге теләкләр язып бирегез. Еллар үткәч, балагызның хәтерендә туган өй, әти-әни белән бәйле бәхетле мизгелләре искә төшәр. Ул сезгә мең рәхмәтле булыр.

      Балаларга  киңәшләр

• Китапка язарга һәм рәсем ясарга ярамый.

• Китапны пычрак кул белән тотарга ярамый.

• Ашаганда китап укырга ярамый.

• Китап битләре пычрактан, кояш нурларыннан, юештән бозылалар. Аларны тагын тузаннан, корткычлардан сакларга кирәк.

• Китап битләрен бөкләргә ярамый.

• Китапның ертылган битләрен ябыштыр.

Мәкальләрне бергәләп өйрәник

• Китаплы гаилә – бәхетле гаилә.

• Китап – белем чишмәсе.

• Уку кешене күзле итәр.

• Яхшы китап – гомерлек дус.

• Китап – акыллы киңәшче һәм якын дус.

• Китапның белмәгәне юк.

• Күп укысаң, күп белерсең.

• Укымаган бер телле,

укыган ике телле.