Чуар тавык гаилэсе
план-конспект занятия по рисованию по теме

Балтач муниципаль районы муниципаль бюджет мәктәпкәчә белем бирү учреждениесе “Куныр балалар бакчасы”

Тема: “Чуар тавык гаиләсе”

I нче кечкенәләр төркемендә рәсемләү эшчәнлеге буенча план конспект

Тәрбияче:  НӘБИЕВА З. Г.

Бурычлар:   Балаларның  йорт кошлары турында күзаллауларын киңәйтү;сүзлекләрен баету:тавык, чебиләр, чукый;кош тавышын кабатлау күнекмәләрен ныгыту;өлкәннәр белән уңай эмоциональ аралашу булдыру; балаларның кул чукларын ,бармак мускулларын ныгыту,җан ияләренә карата мәрхәмәтле караш тәрбияләү.                                                                                                                                                        Җиһазлар:уенчык тавык,чеби силуэты ясалган битләр,пластилин,сары гуашь,салфеткалар.                                                                                                                                                                                                

Балаларның   игътибары   стенадагы   кояш   рәсеменә    юнәлтелә.

• Кояшкай.  Кояшкай!
• Безгә  син  елмай.  (кул  чәбәклиләр.)
• Бик  рәхәт  син  булганда,
• Яратабыз  уйнарга  (сикерәләр.)

Тавык  кытаклаган  тавыш  ишетелә.  Тәрбияче  уенчык  тавык  күрсәтә.

- Балалар, безгә  кунакка  нәрсә  килгән? (тавык,  чуар  тавык.)   Ул  нинди?  (зур,  матур, чуар.)   Канатлары  кая, күзләре?  (Балалар  күрсәтәләр.)  Ә  бу  тавыкның  нәрсәсе?  (Койрыгы, тәпиләре.)  Томшыгы  кая?  Ә  аңа  нәрсә  ашаталар?  (Балалар  җаваплары.)  Тавык  кытаклый. Балалар , нишләп  тавык  шулай  кычкыра  икән?  Сорыйк  әле (тавыкны  тыңлый).  Аның  чебиләре  югалган  икән  бит.  Аңа  ничек  булышырга  соң?  Әйдәгез,  чебиләрне  ясыйк.(бармак  белән  ясау).

  -  Карагыз  әле,  тавык  ничек  куанды.(Тавык  чебиләрне   карый.  “Ой, нинди  матур,  сары,  йомшак  чебиләр  ясадыгыз.  Рәхмәт,сезгә.)

   -Без  нинди чебиләр  ясадык?(сары.)  Алар  ничек  кычкыралар?  (Балалар  сулыш  гимнастикасы  элементлары  ясыйлар:  борын  аша  сулыш  алырга,  борынны  кысып ,  сулышны  авыз  аша  чыгарырга.  “Пи-пи”  дип әйтергә.)  Әнә  ничек  кычкыралар.   Аларның  ашыйсылары  киләдер.  Әйдәгез,  ашарга  әзерлик. (Бармаклар  белән  пластилинны вак  кисәкләргә  өзгәләү.)  Чебиләр  ничек  ашыйлар,  күрсәтегез  әле.

-Уяндылар  чебиләр

Канатларын  кактылар.

Савыттагы  ярманы

Чүпли  дә  башладылар.(Бармак  башлары белән суккалыйлар: тук-тук.)

Тавык  -Рәхмәт, балалар,  тәмле сыйларыгызга.  Әйдәгез, бергәләп уйнап алыйк.

-Өй алдында  чебиләр( кулларын артка  җәеп , як- якка  борылалар.)

Чип-чип-чип  - дип йориләр( канатларын як-якка җәяләр.)

Кечкенә  канатлары (канат  җилпиләр.)

Муеннары сап-сары.(Башларын чайкыйлар.)

Тавык:  -Рәхмәт, сезгә,  балалар.Чебиләремне  ашаттыгыз.  Шуның  өчен  минем дә  сезгә  күчтәнәчем  бар.(Балалар  кәрҗиннән  күчтәнәч алалар.)