Әтәч, тавык һәм чеби
план-конспект занятия по развитию речи (младшая группа) на тему

Тема: Йорт кошлары-әтәч, тавык, чеби.

1 нче кечкенәләр төркеме.

Танып белү эшчәнлеге. (ФЦКМ)

Алдагы эшчәнлек:

-йорт кошлары турында альбом карау;

-дидактик уеннар уйнау: “Нәрсә тавышы?”, “Әнисен тап?”;

-“Чуар тавык” әкиятен уку;

-чебиләр турында ял минутлары өйрәнү;

-“Тавык һәм чебиләр” хәрәкәтле уенын уйнау.

Материал: йорт кошлары: әтәч, тавык, чеби, рәсемнәре белән слайд шоу; йомырка белән тартма; диск җыр белән;

                                        Шөгыль структурасы:

1. Кереш өлеш:

-Исәнләшү. Ишектән тартма алу. Рәсем карау. Табышмак әйтү.

2. Төп өлеш.

-Әтәч белән танышу.

-Ял минуты.

-Тавык белән танышу.

-Чебине әти-әнисе белән таныштыру.

3. Йомгаклау.

Бурыч:Йорт кошлары белән таныштыруны дәвәм итү

Максатлар:

-балаларны тавык һәм аның чебиләре белән таныштыру;

-тавык һәм әтәчнең үзенә генә хас үзенчәлекләрен әйтү, охшаш якларын   карау;

-балаларның сүз байлыгын арттыру(тавык, чеби,йомырка); гади сорауларга җавап биру теләге уяту;

-йорт кошы әтәчне таный һәм әйтә белүләрен ныгыту;

-балаларның кабул итү сәләтен, игътибарын, хәтерен, тәрбияче күрсәтмәләрен үтәү осталыгын үстерү;

-логик һәм мөстәкыйль фикерләү сәләтен үстерү;

-йорт кошларына миһербанлылык тәрбияләү;

Сүзлек:  тавык, чеби, йомырка, йорт кошлары.

                                        Шөгыль барышы.

1. Кереш өлеш.

-Балалар, тәрәзәгә карагыз әле, кояш безгә ничек елмая. Әйдәгез без дә кояшка карап елмаеп күрсәтик. (елмаялар).

-Менә без барыбызның да күңелләре шат.

-Ә хәзер матур итеп утырабыз. Менә минем кебек. Булдырдыгыз! Тыңлагыз әле мин ниндидер тавыш ишетәм? (ишек шакыйлар).Балалар тыңлый.

-Барып карыйм әле. (тартма алып керә)

-Балалар безгә кемдер  тартма җибәргән.Ә анда нәрсә барын ачып карамыйча әйтеп булмый. Әйдәгез тартманы ачып карыйк әле? Ачабызмы? (йомырка ала)

-Балалар минем кулда нәрсә бу? (йомырка) Балалар белән кабатлау.

-Дөрес балалар бу йомырка. Ишетәсезме ул тукылдый. Нәсә булыр икән бу?(ул ватыла эченнән чеби чыга)

-Балалар нәрсә килеп чыкты? (чеби)

-Әйе, бик дөрес чеби. Ә чеби нинди? (Йомшак, сары) Тотып карыйлар.

-Балалар чебиебез никтер моңсу. Нәрсә булган икән чебигә? Сорыйм әле.

-Балалар чебинең әти-әнисен табасы килә.

-Ярар чеби без сиңа әти-әниеңне табарга булышырбыз.

- Мин сезгә хәзер бер табышмак әйтәм, нәрсә турында икән ул:

                    Иртән бик иртә тора,

                    Кикрикүк дип кычкыра. (Әтәч)

-Бик дөрес, ул әтәч.

(Экранда әтәч рәсеме чыга)

-Әтәч зур, матур. Аның  тәпиләре, башы, канатлары бар. Койрыгы бигрәк матур. Әйдәгез кабатлыйк әле: Әтәчнең башы бар, тәпиләре бар, канатлары бар.

-Балалар әтәч ничек кычкыра? (Кикрикүк) Кабатлау.

Ял минуты:

Нәни чебиләр барсыда,

Сары майка кигәннәр.

Зарядка ясарга диеп,

Бер урынга килгәннәр.

Корт, корт бер урынга

Бер урынга килгәннәр.

-Мин сезгә хәзер тагын бер табышмак әйтәм, нәрсә булыр икән?

Яшел чирәм өстендә,

Кыт-кыт, кытаклый,

Балаларны йомырка белән сыйлый.(тавык)

-Ул нәрсә? (экранда рәсем күрсәтелә)

-Әйе, бу тавык.

-Әйдәгез әле әйтеп карыйк? (бергә һәм аерым-аерым әйтү)

-Балалар әтәч тә, тавык та  кош. Алар әтәч белән бергә яшиләр.Әйдәгез тавык белән әтәчне карыйк, алар бер-берсенә охшашмы.

-Икесенең дә башлары, канатлары, аяклары бар бар.

-Балалар тавык күп итеп йомыка сала. Менә безнең тартмадада күп йомыркалар бар.Ә йомыркадан нәрсә чыкты? (Чеби)

-Балалар, без йомыркалардан чеби чыкканын күрдек инде.

Өй алдында чебиләр,

Чи-чи-чи- дип йөриләр.

Кечкенә канатлары,

Муеннары сап-сары.(чеби рәсеме чыга)

-Балалар,без чебинең әти- әниләрен таптык инде. Әтәч- әтисе, тавык әнисе.

-Балалар. Без сезнең белән бүген нәрсәләр турында сөйләштек?(Әтәч, тавык, чеби)

-Чебигә әйтик инде, әтисенең, әнисенең исемнәре ничек була? (Әтәч, тавык).

-Балалар әтәч ничек кычкыра? Әйдәгез бергәләп кабатлыйк әле.(кикрикүк)

-Ә тавык ничек кытаклый?(кыт-кыт) (бергә кабатлау, аерым әйттерү).

-Ә чеби ничек кычкыра.(чи-чи)

-Балалар, әйдәгез без аларны үзебез белән төркем бүлмәсенә алыйк. Иртәгә без аларга яралар ашатырбыз. Алар ярма яраталар.