"Минии бэе"
план-конспект занятия по развитию речи (старшая группа)
Предварительный просмотр:
Муниципальное бюджетное дошкольное образовательное учреждение
Шара-Азаргинский детский сад «Ургыхан»
Конспект НОД
по бурятскому языку
Темэ «Минии бэе»
Старшая группа
Воспитатель: Жалсанова Арюна Алексеевна
у. Шара-Азарга
2024г
Зорилгонууд:
- хүнэй бэеын хубинуудые тэмдэглэhэн үгэнүүдые дабтаха, зүбөөр үгүүлхэ, хэлэлгэ соо хэрэглэжэ һургаха;
- хөөрэлдөөнэй хэлэлгэ саашань хүгжөөхэ;
- хүн ба хүнэй хубсаha багшын хэлэлгэ доро зураг няаха дадал саашань хүгжөөхэ;
- үхибүүдэй ухаан бэлигээ, һанал бодолоо буряад хэлэн дээрэ зүбөөр хэлүүлжэ һургаха;
- үхибүүдэй хоорондоо харилсаха, бэе бэедээ туһалха мэдэрэл хүгжөөхэ.
Хэрэгсэлнʏʏд: хүнэй бэеын хубинууд тухай зурагууд, хүбүүн ба басаган хүүхэлдэйнүүд, самбар, зураг няаха хэрэгсэлнүүд
Мэдэхэ хэлэхэ ʏгэнʏʏд: хүн, бэе, толгой, нюдэн, хамар, хасар, аман, шэхэн, үhэн, гэдэһэн, хүзүүн, хоолой, хэлэн, аман г.м.
Хэшээлэй ябаса:
I. Эмхидхэлэй ʏе:
Х:- Сайн байна үхибүүд!
Ү:- Сайн байна багша!
Сайн байна гарнууд! (үхибүүд альгаа харуулна)
Сайн байна хүлнүүд! (үхибүүд хүлнүүдээ тоншоно)
Сайн байна хүбүүд! (басагад хүбүүд тээшэ хараад, хоер гараа урагшань татана)
Сайн байна басагад! (хүбүүд басагад тээшэ хараад, хоер гараа урагшань татана).
Таабари таая:
Хадын хажууда
Жалжагы гутал. (Шэхэн)
Аяга соо алаг булаг. (Нюдэн)
Домбо долоон нүхэтэй. (Толгой)
II. Хэлэлгэ хүгжөөлгэ:
Х: - Үхибүүд, мүнөөдэр бэеын хубинуудые дабтахабди.
Х: -Зураг харая. Үү,Энэ юун бэ? (Нюур)
Х: -Нюуртамнай юун дутанаб? (Үхибүүдээ харюу).
Х: - Нюдэн яадаг бэ?
Ү: - Нюдэн харадаг.
Х: - Нюдөө хайшан гэжэ аршалха еһотойбди? (Үхибүүдээ харюу).
Х: - Хамар яадаг бэ?
Ү: - Хамар үнэрдэдэг, амилдаг.
Х: - Хамараа хайшан гэжэ аршалха еһотойбди? (Үхибүүдээ харюу).
Х: - Шэхэн яадаг бэ?
Ү: -Шэхэн шагнадаг, дууладаг.
Х: - Шэхээ хайшан гэжэ аршалха еһотойбди? (Үхибүүдээ харюу).
Х: - Аман яадаг бэ?
Ү: - Аман эдидэг.
Х: - Амаа хайшан гэжэ аршалха еһотойбди? (Үхибүүдээ харюу).
Х: -Хүл яадаг бэ?
Ү: - Хүл ябадаг.
Х: - Хүл хайшан гэжэ аршалха еһотойбди? (Үхибүүдээ харюу).
Х: - Гар яадаг бэ?
Ү: - Гар бэшэдэг, зурадаг.
Х: - Гараа хайшан гэжэ аршалха еһотойбди? (Үхибүүдээ харюу).
Х: - Энэ хүбүүн хүн. Хүн бүхэн адли бэеын хубинуудтай: толгой, бэе, гарнууд, хүлнүүд. Хүнэй илгаань – хүбүүн ба басаган. Харагты наашаа, хэн бэ? Арина хэн бэ?
Самбарта бэеын хубинуудтай ажал ябуулга:
Х: - Энэ юун бэ?
Ү: - Энэ толгой,бэе, гар,хүл.
(Эндэ нэгэ хоёр үхибүүдтэ бэшэ үхибүүдһээ асуухынь дурадхаха. Здесь можно предложить одному ребенку спросить у остальных детей.)
Х:Бидэ бэеэ наринаар абаад ябаха еһотойбди. Дулаанаар хубсалха, угааха
Х: - Нэгэ гар дээрэ хэды хургад бэ? Ямар нэрэнүүдтэйб?
Ү: - Барбаадай, Батан Туулай, Тоохон Тобшо, Толи Байса, Бишыхан Шэгшүүдэй.
Физминутка: “Бэеын дасхал”
Х: -харыт, Баяр, Аюна хоеромнай нюсэгэн байна. Хубсалуулая. Уриид гуталын няахабди, дэгэлынь, малгайгынь.
Няажа дууһахадань, бултанай зурагуудые харанабди.
III. Амаралтын үе:
Хэшээлэй дүн:
Х: - Иигээд хэшээл дүүрээ. Мүнөөдэр юу хээбди? Юу мэдэхэ болообди?
Ү: - хубсаһа няагаабди, наадаабди, тоолобди, дуулаабди.
Х: - Булта бэрхэнүүд, баяртай!
Үнгэрһэн хэшээлэй багшын өөрын һанамжа
Бэлэдхэлэй бүлэгтэ “Минии бэе” гэжэ сэдэбээр хэшээл үнгэргэгдэбэ. Булта эдэбхитэй, журам һайтай, оролдостой, буряад хэлэнэй хэшээлнүүдтээ дуратайнууд гэжэ тэмдэглэхээр.
Хэшээлэй байгуулга, бүхы шатанууд зохидоор, зүбөөр зохёогдожо табигданхай, бэе бэетэеэ холбоотой, үрэ дүнтэй.
Түрүүшын шата – хэшээлэй эхин. Энэ шатада үхибүүд хэлнэйнгээ һорилго хэнэ, мэдэхэ үгэнүүдээ дабтана. Үхибүүдтэ хэшээлэй зорилго табигдана.
Хоёрдохи шатада хэлэлгэ хүгжөөлгын ажал ябуулаад, үхибүүдые зураг няахыень заланабди. Үхибүүд дахаад няана. Гол юумэниинь гэхэдэ, тэдэ үгэнүүдые буряадар хэлэжэ һургаха.
Гурбадахи шата – хэшээлэй дүн. Үхибүүд хэһэн ажалаараа дүн гаргана.
Үгтэһэн сагай болзор зүбөөр түсэблэгдэжэ, хэшээлэй зорилгонууд бэелүүлэгдээ. Хэрэглэгдэһэн хэрэгсэлнүүд хэшээлэй удхада таараа.
Үхибүүд энэ хэшээлдээ дадалнуудаа харуулаа, дүн гаргажа шадаа.
Хэшээлэй психологическэ оршон байдал зүбөөр тааруу зохидоор сахигдаа.
Бүхы табигдаһан зорилгонууд бэелүүлэгдээ гэжэ һананаб.
По теме: методические разработки, презентации и конспекты
Проект мини-музей «Мир воздуха » Руководитель мини-музея: Горкина С.С.- воспитатель первой категории р.п. Пышма МБДОУ ПГО « Пышминский детский сад № 7».
Наименование мини-музея: мини-музей «Мир воздуха »Профиль музея: познавательно- исследовательский. Цель:Изучение детьми воздуха и способы его обнаружения.Формировать осоз...
Обогащение предметно-развивающей среды посредством создания мини-музея в группе. Наш мини- музей "Чудо-дерево"
Каждое посещение нашего мини-музея – это деятельность, имеющая учебную, воспитательную, развивающую цель. В мини-музее в условиях группы происходит развитие познавательных интересов и познавател...
Организация мини-библиотечек в ДОУ. В качестве нестандартного метода приобщения дошкольников к литературе мы создали в группе детскую мини-библиотеку.
Мини-библиотека...
Проект «Минем туганнарым», «Минем өем – мой дом»
Лэпбук–тематическая папка по комплекту «Татарча сөйләшәбез»(«Говорим по-татарски»)...
Консультация «МИНИ – МУЗЕЙ В ДЕТСКОМ САДУ КАК ФОРМА РАБОТЫ С ДЕТЬМИ И РОДИТЕЛЯМИ. МИНИ – МУЗЕИ ПАТРИОТИЧЕСКОЙ НАПРАВЛЕННОСТИ»
Цель: Обогащение воспитательно-образовательного пространства новыми формами работы с детьми и их родителями. Задачи: ·...