Һанашмаҡтар
картотека по развитию речи (старшая группа)

Һанашмаҡтар

Бер , ике, өс , дүрт.,

Биш , алты, ете,

Һигеҙ, туғыҙ , ун –

Бында торма , вон !

*****

Мүк, мүк, мүк, мүк,

Мүк өҫтөндә

 Йүгереп бара,

Матур ғына , Кәкүк

*****

Зәй,зәй, Зәйнәбем

Атты ҡайҙа бәйләнең,

 Алмағасҡа бәйләнем,

 Алма төштө шап итеп,

 Зәйнәп китте ялп итеп

*****

Аҡ суҡ

Ҡара суҡ

Бында торма

Бар сыҡ!

*****

Алма тәгәрәй

Ҡала тирәләй

Кем уны тота

Шул сығып китә.

*****

 Бер бабай юлға сыҡҡан

Тәғәрмәсе боҙолған

Уны йүнәтер өсөн

Нисә сөй кәрәк булған?

******

Аладан - баладан,

Бесәй йөрөй йылғанан.

Сәүкә, сыпсыҡ,

Һин ҡал был сыҡ!

*****

Бер, ике, өс, дүрт, биш,

Алты, ете, һигеҙ,

Туғыҙ, ун.

Ундан -уймаҡ,

Табала -ҡоймаҡ,

Мейестә -бәлеш,

Сыҡ та йәбеш.

*****

Ҡайында – ҡарға,

Имәндә – сыпсыҡ,

Ерҙә – йылан,

Һауала – ҡош,

Бар, һин сыҡ!

*****

Ырғанан, мырғанан,

Бесәй йөрөй ҡолғанан.

Бесәй түгел, ата -ҡаҙ,

Ата -ҡаҙҙың башы таҙ.

Аҡ сәйнүккә һалдым.

Нисә булды?

Йөҙ булды.

Әтәлсек, мәтәлсек,

Һиңә тура килде, сыҡ!

Һин -әбәк!

*****

Гөр -гөр килеп гөрләйем,

Ваҡыт күбен белмәйем,

Ваҡыт күбен белергә,

Мин бит һеҙҙе күрмәйем.

Бик тә оҙаҡ гөрләйем,

Бынан ары түҙмәйем.

Түҙемлегем бөткәс тә,

Йөрөп һеҙҙе эҙләйем!

– Ағаҡайым, ҡайҙа бараң?

– Кәмә менән тоҙға барам.

– Кәсептән ҡасан ҡайтаң?

– Йәйен китеп, көҙ ҡайтам.

Көҙ ҡайтмаһам, ҡыш ҡайтам,

Ҡыш ҡайтмаһам, яҙ ҡайтам.

Сәпсек, сыйырсыҡ,

Бында торма, бар сыҡ!

******

Алатыр, былатыр,

тау яғынан таң атыр,

алабуға-бүҙәнәк,

ялпаҡ, ҡалпаҡ, ҡуян, ҡарға, сыпсыҡ, һин ҡал, мин сыҡ.